7. maj 2004

UPA2004/38

 

Tipserluni lottorlunilu sinneqartoorutinit agguaassisarneq pillugu Inatsisartut inatsisaata

allanngortinneqarneranik Inatsisartut inatsisissaattut siunnersuut

(UPA2004/38)

 

pillugu

 

Inatsisartut Kultureqarnermut Ilinniartitaanermullu Ataatsimiititaliaata

ISUMALIUTISSIISSUTAA

Siunnersuutip aappassaaneerneqarnerani saqqummiunneqartoq

 

Inatsisartut Kulturqarnermut Ilinniartitaanermullu Ataatsimiititaliaat suliarinninnermini ukuninnga inuttaqarpoq:

Inatsisartunut ilaasortaq Doris Jakobsen, Siumut, siulittaasoq
Inatsisartunut ilaasortaq Georg Olsen, Inuit Ataqatigiit, siulittaasup tullia
Inatsisartunut ilaasortaq Ruth Heilmann, Siumut
Inatsisartunut ilaasortaq Ellen Christoffersen, Atassut
Inatsisartunut ilaasortaq Astrid Feischer Rex, Demokraatit

Inatsisartut Ataatsimiititaliaata UPA2004-mi siullermeerinerup kingorna siunnersuut nassuiaatitai ilanngullugit misissorpaa.

 

Siunnersuutip imarisaa

Tipserluni lottorlunilu sinneqartoorutinik agguaassisarneq pillugu Inatsisartut inatsisaata allanngortinneqarneranik Inatsisartut inatsisissaattut siunnersuutip 2003-p upernaavani pinnguaatit, eqquiniaanerit aamma akilerniunnerit ilaat pillugit Danskit inatsisaata allanngornerata malitsigaa.

Siunnersuut ilusiliinermut tunngassuteqarpoq 2004-milu aningaasanut inatsisip akuersissutigineqarnerani aalajangiunneqareersut naapertorlugit allannguinerulluni. Taamatuttaaq allanguut illuatungeriinnut tamanut aningaasatigut sunniuteqassanngilaq, tassa naalagaaffimmut aammalu tipsernermi lottornermilu sinneqartoorutinik Namminersornerullutillu Oqartussanit tapiissutinik pissarsisartunut.

Tamanna tunngavigalugu siunnersuut maanna ilusimisut iluseqartoq Inatsisartunit akuersissutigineqassasoq Kultureqarnermut Ilinniartitaanermullu Ataatsimiititaliap isumaqatigiittup inassutigaa.

Taama oqaaseqarluni Inatsisartut Kultureqarnermut Ilinniartitaanermullu Ataatsimiititaliaata „tips-erluni lottorlunilu sinneqartoorutinit agguaassisarneq pillugu Inatsisartut inatsisaata allanngortinneqarneranik Inatsisartut inatsisissaattut siunnersuut" aappassaaniigassanngortippaa.

 

	Doris Jakobsen, Siumut, siulittaasoq
Georg Olsen, siulittaasup tullia		Ruth Heilmann
Ellen Christoffersen		Astrid Fleischer Rex