Ulluunerani paaqqinnittarfiit, ulluunerani angerlarsimaffimmi paaqqinniffiit il.il. pillugit Inatsisartut peqqussutaata allanngortinneqarneranik Inatsisartut peqqussutaat nr. 3, 21. maj 2004-meersoq.
(Atuisut aningaasarsiaat tunngavigalugit akiliuteqartarneq)
§ 1
Ulluunerani paaqqinnittarfiit, ulluunerani angerlarsimaffimmi paaqqinniffiit il.il. pillugit Inatsisartut peqqussutaanni nr. 7, 21. maj 2002-meersumi makku allannguutigitinneqarput:
1. § 3, imm. 3, oqaaseqatigiit siulliit, ima oqaasertaqassapput:
"Naalakkersuisut ulluunerani paaqqinnittarfiit pilersinneqarnissaat, pisatsersornissaat, siulersorneqarnissaat ingerlanneqarnissaallu pillugit malittarisassanik aalajangersaasinnaapput.".2. § 3-mi imm. 3-p kingornani immikkoortutut nutaatut ilanngunneqassaaq:
"Imm. 4. Meeqqat inuusuttullu ulluunerani paaqqinnittarfinniinnerinut akiliuteqartarneq pillugu malittarisassat, matumani ilanngullugu akiliutip kommunit ulluunerani angerlarsimaffimmi paaqqinniffinnut aningaasartuutaat aamma ulluunerani paaqqinnittarfinnik ingerlatsinermut aningaasartuutaat kiisalu angajoqqaat aningaasarsiaat tunngavigalugit angissusilerneqarnissaa, Naalakkersuisunit aalajangersarneqarsinnaapput. Angajoqqaat akiliutigisartagaasa aningaasarsiat tunngavigalugit annertussuseqarnissaat pillugu malittarisassat aamma Naalakkersuisunit aalajangersarneqarsinnaapput.".3. § 4, imm. 4, imatut oqaasertaqassaaq:
"Imm. 4. Naalakkersuisut kommunalbestyrelsip aaqqissugaanik ulluunerani angerlarsimaffimmi paaqqinniffiit pillugit malittarisassanik aalajangersaasinnaapput.".4. § 4-mi imm. 4-p kingornani immikkoortutut nutaatut ilanngunneqassaaq:
"Imm. 5. Meeqqat ulluunerani angerlarsimaffimmi paaqqinniffinniinnerinut akiliuteqartarneq pillugu malittarisassat, matumani ilanngullugu akiliutip kommunit ulluunerani angerlarsimaffimmi paaqqinniffinnut aningaasartuutaat aamma ulluunerani paaqqinnittarfinnik ingerlatsinermut aningaasartuutaat kiisalu angajoqqaat aningaasarsiaat tunngavigalugit angissusilerneqarnissaa, Naalakkersuisunit aalajangersarneqarsinnaapput. Angajoqqaat akiliutigisartagaasa aningaasarsiat tunngavigalugit annertussuseqarnissaat pillugu malittarisassat aamma Naalakkersuisunit aalajangersarneqarsinnaapput.".
§ 2
Inatsisartut peqqussutaat tamanut nalunaarutigineqaruni ingerlaannaq atortuulissaaq.
Namminersornerullutik Oqartussat, ulloq 21. maj 2004
Hans Enoksen/
Henriette Rasmussen