Raajanut akitsuutit pillugit Inatsisartut inatsisaata allanngortinneqarneranik Inatsisartut inatsisaat nr. 19, 11. december 2003-meersoq
(Akitsuut qaffagiartuaartoq)
§ 1.
Raajanut akitsuutit pillugit Inatsisartut inatsisaanni nr. 20, 25. oktober 1990-imeersumi, kingullermik Inatsisartut inatsisaatigut nr. 3, 21. maj 2002-meersukkut allanngortinneqartumi, makku allannguutigitinneqarput:
1. § 4 ima oqaasertaqassaaq:
"§ 4. Akitsuusigassat procentimik §§-it 2 imaluunniit 3 naapertorlugit, aallaavillu qaffagiartuaartoq tunngavigalugu naatsorsorneqarsimasumik akitsuuserneqassapput.
Imm. 2. Raajat akitsuusigassat, umiarsuit Kalaallit Nunaanni nalunaarsorneqarsimasut atorlugit pisarineqartut kvartalini kingullerni sisamani tunineqarneranni agguaqatigiissillugu kiilumut akiat tunngavigalugu aallaavissaq naatsorsorneqassaaq, tassa tunisinermi aki agguaqatigiissillugu kiilumut 13,00 kr.-niusoq aallaavissatut 100,00-imut angissusilerlugu. Tunisinermi akip 13,00 kr.-iniit ørimik ataatsimik annerulerneri tamaasa aallaavissaq aaqqiivigineqartassaaq.
Imm. 3. Aallaavissaq 100,0769-inngorpat akitsuut 0,01 pct.-imut angissusilerneqassaaq, aallaavissallu 0,0769 procentpoint-imik qaffanneri tamaasa 0,01 pct.-imik qaffattassalluni. Aallaavissaq 100,00-iuppat taassumanngaluunniit mikineruppat akitsuummik akiliisoqassanngilaq.
Imm. 4. Aallaavissaq 446,1538-ppat, tassa tunisinermi akip agguaqatigiissillugu kiilumut 58,00 kr.-nip nalingatut, taassumanngaluunniit angineruppat, taava akitsuut anginerulerani 45,00 pct.-iussaaq.
Imm. 5. Aallaavissaq kvartalini qaammatit qiterlersaasa 15-ianni tamatigut aaqqiivigineqartassaaq, kvartalimilu tulliuttumi tunisanut tamanut atuuttassalluni.
Imm. 6. Ukioq akitsuuteqarfiusoq tassaavoq qaammatisiutit malillugit ukioq."
2. § 5, imm. 1-imi oqaatsip "akilerneqarnissaasa" kingornanut ilanngunneqassaaq:
"kiisalu aallaavissap naatsorsorneqarnissaata".
§ 2.
Inatsisartut inatsisaat atortuulissaaq ulloq 1. januar 2004.
Namminersornerullutik Oqartussat, ulloq 11. december 2003
Hans Enoksen/
Josef Motzfeldt
Ilanngussaq (pdf-format)