Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsisaat nr. 3, 15. april 2003-meersoq
(Ingerlatsinermik kukkunersiuineq inatsisartullu isumaqatigiinniarnerisa tamanut saqqummiunneqartarneri)
§ 1.
Inatsisartut Naalakkersuisullu pillugit Inatsisartut inatsisaanni nr. 11-imi 20. oktober 1988-imeersumi kingullermik inatsisartut inatsisaatigut nr. 1, 2. maj 1997-imeersukkut allanngortinneqartumi makkua allannguutigitinneqassapput:
1. § 17-imi imm. 1-ip kingornanut immikkoortutut nutaatut ilanngunneqassaaq:
"Imm. 2. Ataatsimiititap nalilersorsinnaavaa suliffeqarfiit imm. 1 malillugu kukkunersiuinermut ilaasut aningaasaatasa aqunneqarneranni suliffeqarfiillu ingerlanneqarneranni aningaasanut tunngasut naapertuuttumik naatsorsuutigineqarsimanersut. Nalunaarusiat, nalunaarutit il.il. nalilersuinermi atugassatut suliarineqarsimasut tiguneqarnermik kinguninngua ilisimatitsissutitut Naalakkersuisunut nassiunneqassapput."Imm. 2 tamatuma kingorna imm. 3-nngussaaq.
2. § 34-mi "ataatsimiissutaat" kingornatigut ilanngunneqassaaq: "ilanngussartallit".
§ 2.
Inatsisartut inatsisaat 1. juni 2003 atuutilerpoq.
Namminersornerullutik Oqartussat, ulloq 15. april 2003
Hans Enoksen/
Kaj Kleist