Atuarfik pillugu inatsisartut peqqussutaata allanngortinneqarneranik Inatsisartut peqqussutaat nr. 8, 15. april 2003-meersoq
(Inatsisitigut tunngavigisat pillugit aalajangersakkat)
§ 1.
Atuarfik pillugu inatsisartut peqqussutaanni nr. 8-mi, 21. maj 2002-meersumi makku allan-ngortinneqarput:
1. § 9-p kingorna ilanngunneqassaaq:
"§ 9a. Meeqqat atuarfiata meeqqat inuusuttullu 20-t inorlugit ukiullit atuartut atuartuunngitsullu sunngiffimmi ilinniartitaanissamik neqeroorfigissavai.
Imm. 2. Meeqqat atuarfiata meeqqat inuusuttullu 20-t inorlugit ukiullit atuartut atuartuun-ngitsullu sunngiffimmi sammisassaqartitsinerni allani peqataanissamik neqeroorfigisinnaavai.
Imm. 3. Imm. 1 aamma 2 malillugit neqeroorutigineqartut, meeqqat atuarfiata atuartitsinerani nalinginnaasumi aammalu sunngiffimmi sammisassaqartitsineq pillugu peqqussutip iluani neqeroorutinut allanut ataqatigiissaarneqassapput.
Imm. 4. Naalakkersuisut sammisassat imm. 1-3-mi taaneqartut pillugit erseqqinnerusumik aalajangersaassapput."2. § 18, imm. 4-mi oqaaseqatigiit pingajuattut ilanngunneqassaaq:
"Naalakkersuisut tamanna pillugu malittarisassiussapput."
§ 2.
Inatsisartut peqqussutaat 1. maj 2003-mi atuutilissaaq, taamaattoq takuuk imm. 2.
Imm. 2. § 1, nr. 1 1. juli 2002 aallarnerfigalugu atortuulersinneqarpoq 1. august 2003-p tungaanut atuutsinneqassalluni, tamatumalu kingorna aalajangersagaq atorunnaassaaq.
Namminersornerullutik Oqartussat, ulloq 15. april 2003
Hans Enoksen/
Arkalo Abelsen