Inissiaatileqatigiiffimmik pilersitsinissaq pillugu Inatsisartut peqqussutaata allanngortinneqarneranik Inatsisartut peqqussutaat nr. 2, 15. april 2003-meersoq
(Suliassarisat allanngortinneri)
§ 1.
Inissiaatileqatigiiffimmik pilersitsinissaq pillugu Inatsisartut peqqussutaanni nr. 12-imi, 28. oktober 1993-imeersumi, inatsisartut peqqussutaatigut nr. 6-ikkut, 2. maj 1996-imeersukkut allanngortinneqartumi, makku allannguutigitinneqassapput:
1. § 2 ima oqaasertaqassaaq:
"§ 2. Inissiaatileqatigiiffiup siunertaraa pigisanik (illunik) aalaakkaasunik aqutsineq taakkununngalu tunngasuni kiffartuussineq.
Imm. 2. Inissiaatileqatigiiffiup pingaarnertut suliassarai makku:
1) inissiat Namminersornerullutik Oqartussanit pigineqartut aqunneqarnerat ingerlanneqarnerallu, kiisalu
2) inissiat Namminersornerullutik Oqartussanit pigineqartut aserfallatsaaliorneqarnerat.
Imm. 3. Inissiaatileqatigiiffik Namminersornerulutik Oqartussanik kiffartuunneqarnissamik isumaqatigiissusiorsinnaavoq suliassat makku pillugit:
1) Ukiumoortumik aningaasanut inatsimmi aningaasaliissutigineqartut atorlugit nutaanik inissialiornermi inissianillu iluarsaassinermi Namminersornerullutik Oqartussat sinnerlugit sanatitsisutut oqartussaaneq.
2) Namminersornerullutik Oqartussat allaffeqarfittut illuutaasa aqunneqarnerat ingerlanneqarnerallu.
3) Namminersornerullutik Oqartussat inissiisarfiutaasa, utaqqiisaasumillu sulisorisanut inissiat aqunneqarnerat ingerlanneqarnerallu.
4) Inissialiornermut tapersiissuteqartarneq pillugu Inatsisartut peqqussutaat naapertorlugu boligstøttimut tunngasut aqunneqarnerat.
5) Oqartussaasutut suliassanik Namminersornerullutik Oqartussat sinnerlugit isumaginninneq.
Imm. 4. Inissiaatileqatigiiffik immikkut isumaqatigiissusiorsinnaavoq suliassat makku pillugit:
1) Inissiat kommuninit pigineqartut aqunneqarnerat ingerlanneqarnerallu.
2) Inissiat inunnit ataasiakkaanit pigineqartut piginneqatigiillunilu inissiat aqunneqarnerat ingerlanneqarnerallu.
3) Pigisat (illut) aalaakkaasut allat aqunneqarnerat ingerlanneqarnerallu.
4) Inissiat illullu nr. 1-3-mi taaneqartut aserfallatsaaliorneqarnerat.
5) Inissianik nutaanik sanaartornermut, allanngortiterinermut, nutarterinermut iluarsaassinermullu atatillugu sanatitsisutut oqartussaaneq.
6) siunnersortitutut suliassanik isumaginninneq.
7) Ineqarnermut il.il. tunngasuni paasisimalikkanik katersuineq ineriartortitsinerlu.
Imm. 5. Imm. 2-mi nr. 1 kiisalu imm. 4-mi nr. 1 naapertorlugit suliassanik naammassinninnermut inissiaatileqatigiiffiup akissarsiai iluanaarniutaanatik naapertuuttussaanermik tunngaveqassapput naleqquttumik isumannaallisaanertalimmik. Suliassat allat niuernermi atugassarititaasut tunngavigalugit naammassineqassapput suliassat ataasiakkaat ilanngaatissat ilan-ngaatigereerlugit iluanaaruteqaataaqataassallutik."
§ 2.
Peqqussut 1. juni 2003-mi atuutilerpoq.
Namminersornerullutik Oqartussat, ulloq 15. april 2003
Hans Enoksen/
Mikael Petersen