22. marts 2003 UPA 2003/30
Inissiaatileqatigiiffimmik pilersitsinissaq pillugu Inatsisartut peqqussutaata
allanngortinneqarneranik Inatsisartut peqqussutissaattut siunnersuut
pillugu
Inatsisartut Attaveqaqatigiinnermut Ineqarnermullu Ataatsimiititaliaata
ISUMALIUTISSIISSUTAA
siunnersuutip aappassaaneerneqarnerani saqqummiunneqartoq
Inatsisartut Attaveqaqatigiinnermut Ineqarnermullu Ataatsimiititaliaat suliarinninnermini ukuninnga inuttaqarpoq:
Inatsisartuni ilaasortaq Isak Davidsen, Atassut, siulittaasoq
Inatsisartuni ilaasortaq Kalistat Lund, Siumut, siulittaasup tullia
Inatsisartuni ilaasortaq Jens Napaattooq, Siumut
Inatsisartuni ilaasortaq Johan Lund Olsen, Inuit Ataqatigiit
Inatsisartuni ilaasortaq Palle Christiansen, Demokraatit
Inatsisartut Attaveqaqatigiinnermut Ineqarnermullu Ataatsimiititaliaata Inissiaatileqatigiiffimmik pilersitsinissaq pillugu Inatsisartut peqqussutaata allanngortinneqarneranik Inatsisartut peqqussutissaattut Naalakkersuisutsiunnersuutaat, nassuiaatitai ilanngullugit, misissuataarpaa.
ApeqqutitAtaatsimiititaliaq siunnersuutip oqaluuserineqarneranut atugassanik Attaveqaqatigiinnermut, A-vatangiisinut Ineqarnermullu Naalakkersuisoq apeqqutinut arlalinnut akissuteqaqqullugu qinnui-gaa. Ataatsimiititaliap apeqqutaasa Naalakkersuisunilu ilaasortap akissutaasa nuutinneri isumaliutissiissummut matumunnga ilanngunneqarput.
Inissiani amerlasuuni ineqarnermut akiliutip qaffanneqarnissaa A/S Inissiaatileqatigiiffiup INI-p 2002-p naajartornerani kissaatigisimavaa. Ineqarnermulli akiliutip taamatut qaffanneqarnissaanik ilimasaarineq inatsimmi piumasaqatigiineqartumik naammassinninngimmat ineqarnermut akiliutip qaffanneqarnissaa ulloq 1. marts 2003-imut kinguartinneqartariaqarsimavoq. Tassunga atatillugu Inatsisartut Attaveqaqatigiinnermut Ineqarnermullu Ataatsimiititaliaata ajuusaarutigalugu paasivaa A/S Inissiaatileqatigiiffiup INIp ukiup qaammataanni siullerni marlunni isertitaqarnerussutissaminut piviusunngortinneqanngitsunut taartigititassanngorlugit ineqarnermut akiliutit qaffaatissai naatsorsorsimagai. Ineqarnermut akiliutit taamatut kingumoortumik taamatut qaffanneqarnissaat ataatsimiititaliap pissusissamisuunngitsutut isigaa, siunissamilu taamatut pisoqaqqinnginnissaa matumuuna kaammattuutigissallugu.
Siunnersuutip imarisaiAtaatsimiititaliap isumaqatigiittup siunnersuut isumaqatigaa. Inatsisartut Attaveqaqatigiinnermut Ineqarnermullu Ataatsimiititaliaata A/S Inissiaatileqatigiiffup INIp suliassaasa erseqqissarneqarnissaat pitsaasutut isigaa. Taamatuttaaq INI-p suliassaminik pingaarnernik suliaqarnermini iluanaarniarnermik tunngaveqanngitsumik sulinissaa ataatsimiititaliap pissusissamisoortut isigaa, tamatumami ilanngullugu qulakkiissammagu inissiaatileqatigiiffiup aningaasaliisunut iluaqutissaq pinnagu sullissanut iluaqutaasumik sulinissaa.
Taama oqaaseqarluni Inatsisartut Attaveqaqatigiinnermut Ineqarnermullu Ataatsimiititaliaata Inissiaatileqatigiiffimmik pilersitsinissaq pillugu Inatsisartut peqqussutaata allanngortinneqarneranik Inatsisartut peqqussutissaattut siunnersuut aappassaanigassanngortippaa.
Isak Davidsen
SiulittaasoqKalistat Lund
Siulittaasup tullia
Jens NapaattooqJohan Lund Olsen
Palle Christiansen
ILANNGUSSAQ
- Ataatsimiititaliap suliassarisat allanngortinneri pineqarnersut (qulequttat ataani allassimasut malillugit) imaluunniit INI-p sunik suliaqarsinnaaneranik erseqqissaassutaannaanersoq (peqqussutissatut siunnersuutip allaffissornikkut kingunerisassaasa nassuiaataat malillugu) nassuiaateqarfigiterusuppaa.
Nalunaarutigineqarsinnaavoq suliassarisat allannguuteqartinneqartut, tassa inissiaatileqatigiiffiup pingaarnertut suliarissammagit Namminersornerullutik Oqartussat kommunillu inissiaataasa attartortitakkat ingerlanneqarnerat aqutsivigineqarnerallu. Tamanna immini suliassarisanik allannguineruvoq, aammali allaffissornikkut kingunerisassaanut tunngatillugu taamaallaat erseqqissarneqarpoq suliassanik sunik Inissiaatileqatigiiffik suliaqassanersoq. Taamaattumik suliassarisat allannguuteqartinneqarnerisigut allaffissorneq annertusineqaraniluunniit annikilliliivigineqanngilaq allaffissornikkulli kingunerisassaanut tunngatillugu suliassat taamaallaat erseqqqissarneqarlutik.
- Ammattaaq Naalakkersuisuni Ilaasortap A/S Inissiaatileqatigiiffiup INIp 1. marts 2003-mi inissiat akiisa qaffannerannut atatillugu akiliisitsiniarnermini pissuseriligai qanoq isumaqarfigineraa ataatsimiititaliap paaserusuppaa. Uani ukiumut ilivitsumut ineqarnermut akiliummik qaffaatissap kingusinaartumik nalunaaruteqarneq pissutigalugu, qaammatinut qulinut agguarneqarsimanera eqqarsaatigineqarpoq.
Soorunami pitsaavallaanngilaq 2003-p qaammataani siullerni marlunni attartortut 2003-p qaammataanit kingullernit qulinit ineqarnermut akiliutinik appasinnerusunik akiliisassappata. Tamannali pisuni tamani atuutinngilaq. Ineqarnermut akiliutit akissaajaatinit assigiinngitsunit, taakkunani arlallit 2002-miit allannguuteqarsimanatik, katitigaapput. Matumanili pissutsit aningaasanut tunngatillugu annikitsuinnarmik sunniuteqartussat pineqarput.
2002-mi ineqarnermut akiliutit qaammammut 2.500 kr.-iuppata, ukiumut 30.000 kr.-inut naaper-tuuttut.
- 2003-mut missingersuusiat takutippaat qaffariaat 2,39%-iusoq (taanna Nuuk eqqarsaatigalugu agguaqatigiissitsissutaavoq). Taassuma kingunerisaanik ukiumoortumik ineqarnermut akiliutit 30.717 kr.-iulerput, taakku qaammammut 2.560 kr.-inut naapertuupput.
- 2003-p qaammataani siullerni marlunni taamaallaat 2.500 kr.-it qaammammut akilerneqartassapput. Qaammatini kingullerni qulini qaammammut 2.572 kr.-it akilerneqartassapput.
- Taamaalilluni qaammammut nikingassut 12 kr.-iuvoq, tassa maanna akilerneqartarmata 2.572 kr.-it 2.560 kr.-it naatsorsuutigineqaraluartut.
Ineqarnermut akiliutit assersuutigalugu qaammammut 5.000 kr.-iusimappata qaffariaatip 10%-ip kingunerissavaa qaammammut nikingassutaassammat 100 kr., qaammatini aqqaneqmarlunni ineqarnermut akiliutit qaammammut 5.500 kr.-iussapput, qaffaanerulli kingusinaarneratigut qaammati-ni marlunni siullerni ineqarnermut akiliut 5.000 kr.-iussaaq qaammatini 10-ni kingullerni 5.600 kr.-iussalluni.