Namminersornerullutik oqartussat nalunaarutaat nr. 13, 2. april 1985-imeersoq teknikkikkut piujuaannartitsiniarnikkut aalisarnerup iluarsartuussivigineqarnissaanut tunngasoq.
Inatsisartut inatsisaat nr.11 21. november 1984-imeersumi inuutissarsiutigalugu aalisarnermut tunngasumi § 14 naapertorlugu aalajangersarneqarpoq:
§ 1. Nalunaarut Kalaallit Nunaata aalisarfittaanut atuuppoq.
Imm. 2. Nalunaarut uiluinniarnermut, saattuarniarnermut kapisilinniarnermullu atuutinngilaq.
Imm. 3. "Tunngaviusumik killigititat" tunngaviusumik titarnerupput ministeriuneqarfiup nalunaarutaani nr. 629-mi 22. december 1976-imeersumi aamma 176-imi 14. maj 1980-imeersumi Kalaallit Nunaata aalisarfittaanut tunngasuni aalajangersarneqarsimasut.
Imm. 4. Angallatit angissusii nalunaarummi nalunaarsorneqarsimapput uuttueriaatsit inatsisartut inatsisaanni nr. 203-mi 18. maj 1977-imeersumi umiarsuarnik uuttuisarnermut tunngasumi aamma siusinnerusukkut maleruagassat atuuttut tunngavigalugit aalajangersakkat malillugit. Angallatip usisinnaassusianut allagartaq aalajangiisuussaaq nalunaarummi angallammut pineqartumut usisinnaassutsimut sorliup killigitinneqarnissaanut.
Nigartat minnerpaaffissaat.
§ 2. Imm.2-mi taaneqanngitsunik kilisannermi qaluni nigartat minnerpaamik 140 mm-iusinnaapput.
Imm. 2. Tunngaviusumik killigititat avataanni kinguppanniarnermi qalut nigartai minnerpaamik 40 mm-iusinnaapput. Tunngaviusumik killigititap iluani kinguppanniarnermi nigartat minnerpaaffeqanngillat. Eqalugarniarnermi, ammassanniarnermi, blåhvillingerniarnermi, ammassassuarniarnermi, putooruttorniarnermi aqitsuarsunniarnermilu qaluni nigartat minnerpaamik 16 mm-iusinnaapput.
Imm. 3. Qassusersorluni qaleralinniarnermi 1. oktober 1985-imiit qassutit nigartai minnerpaamik 110 mm-iusinnaapput.
Imm. 4. Angallatinut kalaallit piginngisaannut (tak. Inatsisartut inatsisaanni inuutissarsiutigalugu aalisarnermut tunngasumi, § 5) imm. 1 1. januar 1985-imiit atuuppoq. Ulloq taanna tikillugu qalut nigartai minnerpaamik 130 mm-iusinnaapput.
Nigartanik uuttuisarneq.
§ 3. Ilanngussaq 1-imi nalunaarsukkat malillugit nigartat nerutussusiinik uuttuisoqassaaq. Atortut qalunut ikkutat.
§ 4. Nigartat nerutussusissaannut aalajangersagaqaraluartoq qalorsuit ataannut allunaasat atortulluunniit assigisaat ikkunneqarsinaapput nungullarsinnaanerat pinngitsoorniarlugu annikilliniarluguluunniit.
Imm. 2. Qalorsuit nungullarsinnaanerat pingitsoorniarlugu annikilliniarluguluunniit qalorsuit qangatasaataata qulaatigut aamma qassutinik illersuutissanik ikkussisoqarsinnaavoq ilanngussaq 2-mi piumasarineqartunik naammassinnissimasunik.
Ningittagarsorluni nataarnarniarneq.
§ 5. Tunngaviusumik killigititaniit 3 sømilinik ungasinnerusumiit ningittagarsorluni nataarnarniarnermi ningittakkat oqummersartaasa allunaasartai 100 cm-inik naannerussanngillat, taakkulu imminnut minnerpaamik 600 cm-inik ungasissuseqassallutik. 3 sømilit iluini aalisarnissamut inerteqquteqarneq.
§ 6. Sinerissap titarnerullu tunngaviusumik killigititaaniit 3 sømilinik ungasinnerusup akornanni inerteqqutaasut makkuupput.
a) Sunilluunniit aalisarneq angallatinut 80 BT-nut, 80 BRT-inut anginerusunullu inerteqqutaavoq. Naalakkersuisunulli ilaasortaq tassuunakkut immikkut akuersissuteqarsinnaavoq, angallatinut 1970 sioqqullugu sananeqarsimasunut tamaanilu aalisariaasitoqaq malillugu aalisartarsimasunut.
b) Qalorsorluni kilisalluniluunniit saarullinnik, suluppaakkanik, nataarnanik, qaleralinnik, qeeqqanik qalunnillu aalisarneq angallatinut 80 BT-ilinnut mikinerusunut, 80 BRT-ilinnullu inerteqqutaavoq.
c) b-mili allassimagaluartorluunniit taamaattoq Sermersuumi Qaqortup eqqaani (60°18,5'N, 60°26'N, 45°26'W, 45°19'W-illu akornanni) qalorsorluni kilisalluniluunniit saarullinniartoqarsinnaavoq. Taamaattorli 200 meterinik itinerusuinnarni aamma angallatit 50 BT-nit minnerusut 50 BRT-illillu atorlugit.
Aalisakkat il.il. minnerpaaffissaat.
§ 7. Saarulliit 40 cm-inik minnerusut qalerallillu 56 cm-nit mikinerusut (sigguata paperuatalu nuuinit uuttorlugit) umiarsuarmiitinneqassanngillat umiarsuarmulluunniit allamut nuunneqassanngillat, nunnigunneqaratik, assartorneqaratik, tunineqaratik uninngatinneqaratilluunniit, neqeroorutigineqaratik tuniniarneqaratilluunniit,avalatseqqinneqassallutilli sapinngisamik suli uumatillugit.
Imm. 2. Kinguppaat 2 gramiusut annerusullu iginneqaqqissanngilat.
Aalisakkat aalajangersimasut aalisarfinni aalajangersimasuni aalisaqqusaannginnerat.
§ 8. Qalorsuit natersiutit atorlugit Tunumi aalisarfinni aalajangersimasuni kilisanneq inerteqqutaavoq allorniusat sanimukartut 67°00'N-ip nalaani titarnerillu uku akornanni:
- 67°00'N, 30030'W
- 66°30'N, 30°30'W
- 66°30'N, 32°00'W
- 65°40'N, 320QO'W
- 65°30'N, 33°10'W
- 65°10'N, 34°00'W
- 65°10'N, 35°00'W
- 64°20'N, 36°20'W
- 63°55'N, 36°45'W
- 63°31'N, 38045'W
- 63°27'N, 39030'W
- 63°45'N, 39°30'W
- Tunumi 63°45'N-ip nalaani.
Imm. 2. Angallatit Kitaani suluppaagarniarsinnaasut saarullinniaqqusaanngitsulli 1. januar 1986-ip kingorna suluppaagarniaqqusaanngillat allorniusat sanimukartut 64°30'N-ip nalaani titarnerillu uku akornanni:
- 64030'N, 55°00'W
- 61°30'N, 50°30'W
- Kitaani 61°30'N-ip nalaani.
Piniariaatsit aalajangersimasut atorneqarnissaannut inerteqqut.
§ 9. Qaartartut, toqunartut ilisimajunnaartitsisutillu aamma aallaasit atorlugit aalisarnermi atorneqassanngillat.
Qupinnguallatsitsisarluni aalisarneq inerteqqutaavoq.
Pineqaatissat.
§ 10. Nalunaarummi aalajangersakkanik unioqqutitsineq akiliisitsinermik kinguneqarsinnaavoq. Suliassat tassunga tunngassuteqartut Inatsisartut inatsisaat inuutissarsiutigalugu aalisarnermut tunngasumi maleruagassat malillugit aamma suliarineqartassapput.
Atortuulernera.
§ 11. Nalunaarut atortuulerpoq majip 1,-ani 1985.
Imm. 2. Taanna ilutigalugu Kalaallit Nunaannut ministereqarfiup nalunaarutaa nr. 582 11. november 1983-imeersoq teknikkikkut piujuaannartitsiniarnikkut aalisarnerup iluarsartuussivigineqarnissaanut tunngasoq aamma Namminersornerullutik Oqartussat nalunaarutaat nr. 14, 3. december 1983-imeersoq aalisarnerup iluarsartuussivigineqarneranut tunngasut atorunnaarsinneqarput.
Nuuk, aprilip 2-at 1985
Lars Emil Johansen/
Einar Lemche