Ilanngussaq 2.

Nungullarnaveeqqutit qalorsuit kilisaatit qaaniittut ataani allaaserineqartut arlaattut issapput:

Type A. (ICNAF-type kinsalu ICNAF-type naleqquttunngorsagaq).

1. Qassutit putortussusiat sakkuutini namminerni putortussusissaatitaasunit minnerorqussaangilaq.

2. Qassutit qangatasaammut taamaallaat siornatungimikkut saneqqamikkullu aalajangersimassapput, imalu aalajangerneqarsimassapput siornatungaani annerpaamik putut 4 allunaasap immikkoorutip siornaniissallutik kingornatungaanilu minnerpaamik putut 4 qangatasaatip eqiffiata siornani. Allunaasaq immikkoorut atorneqanngippat qassutit annerpaamik qangatasaatip 1/3-a matoqqassavaat siumut sinaaniit uuttorlugu taavalu qangatasaatip eqiffiata siornani minnerpaamik putut 4 tikillugit.

3. Qassutit silinneranni putut amerlassusiat minnerpaamik tassaassaaq qangatasaatip matusamik silissusiani putut 1 1/2-eriaataat. Silissutsit tamarmik uuttorneqassapput qangatasaatip tanneranoortuanut vinkelrettimik.

1. Qaavata nungullarnaveeqqutaa qangatasaatip silissusia 1 1/2-riarlugu silissuseqassaaq; qassutaasat
kisimik atoqqusaapput.

2. Allunaasaq avissut.

3. Allunaasap avissutip sioraani putut 4 sinnerlugit aalajangeqqusaanngilaq.

4. Sakkuummi namminermi qalut siornatungaat sunaluunniit atorlugu matuneqaqqusaanngilaq.

5. Qangatasaatip putuisa siornatungaanni putut 4 inorlugit aalajangerneqaqqusaanngilaq.

6. Ataata nungullarnaveeqqutaa; atortussaq sunaluunniit atorneqarsinnaatitaavoq.

Type B. (Polsk type).

1. Qassutit putortussusiqassapput qangatasaatip putortussusiata marloriaataanik.

2. Qassutit qangatasaammut taamaallaat aalajangersimassapput siornatungimikkut, saneqqamikkut kingornatungimikkullu qassutit putuini allunaasat qangatasaatip putuisa ilaasa sisamat allunaasartaat malilluinnartillugit.

Type C. (arlalinnik ilaartorniisalik).

1. Qassutit putortussusiat sakkuutini namminerni putortussusissaatitaasumik minneroqqusaanngilaq.

2. Qassutit ilaat tamarmik.

a. Qangatasaammut taamaallaat siornatungimikkut aalajangersimassapput qangatasaatip tanneranoortuanut 90°-nik vinkelilinnik.

b. Minnerpaamik qangatasaatip silissusiatut silissuseqassapput (silissuseq taanna uuttorneqqassaaq qangatasaatip tanneranoortuanut 90°-ngorlugu qassutit aalajangerneqarfianni).

c. Pututnik 10-nit tanneroqqusaanngilaq qangatasaatip tanneranoortuanut uuttukkamik.

3. Qassutitamernit taamaalillutik aalajangikkat tamarmik katillutik takissusiat qangatasaatip takissusiata 2/3-anik akimueqqusaanngilaq.