Ukiumoortumik naatsorsuutit pillugit inatsisip allannguutaa pillugu inatsisini assigiinngitsuni aalajangersakkat ilaasa Kalaallit Nunaannut atuutilersinneqarnerat pillugu kunngip peqqussutaani nr. 487-imi 14. maj 2018-imeersumi § 3, imm. 2 naapertorlugu aalajangersarneqarpoq: 

§ 1. Suliffeqarfiit ukiumoortumik naatsorsuutit pillugit inatsimmi § 38-mik maannamut atuuttumik, kunngip peqqussutaatigut nr. 625, 23. juni 2008-meersutigut atuutilersinneqartumik, aamma ullormut nalingannut pigisanik pisussaaffinnillu ilanngussillutik naatsorsuusiorsimasut angusanit naatsorsuutit pillugit killilersuinertalimmik, inatsimmi § 38-ip allannguutaata kingunerisaanik pigisat aamma/imaluunniit pisussaaffiit pisiarineranni akianut uuttortarneqartussanik, tak. pisiarinerani akianut annikillisamut inatsimmi§ 36, imm. 1, tak. ullormut nalinganut inatsimmi § 37, imm. 2, tak. inatsimmi § 41, imm. 1 imaluunniit nalinganut ilorlermut, tak. inatsimmi § 43 a, imm. 1 atuisuusimasut, ukiumoortumik naatsorsuutit pillugit inatsimmi § 43a, imm. 1, kunngip peqqussutaatigut Kalaallit Nunaannut atuutilersinneqarsimasoq apeqqutaatinnagu, ukiumi naatsorsuusiorfiusumi kingullermi 1. Januar 2018 sioqqullugu aallartittuni ukiumut nalunaarusiami ullormut nali, ilanngullugu naatsorsorneqartoq kingorna ukiumi naatsorsuusiorfiusumut ukiumoortumik nalunaarusiami pigisat pisissaaffiillu pisiarineranni akiatut nutaatut isigisinnaavaat. Taama pisoqartillugu oqimaaqatigiissitsinermi imaluunniit angusanut naatsorsuutini sanilliussinermut kisitsit allanngortinneqarsinnaanngilaq. 

§ 2. Aningaasaliisarnermut illuutinut, ukiumoortumik naatsorsuutit pillugit inatsimmi maannamut atuuttumi § 38 malillugu ullormut nalinganik uuttuisinnaasimasoqartinnagu, kunngip peqqussutaatigut nr. 625-kkut, 23. juni 2008-meersutigut Kalaallit Nunaanni atuutilersinneqartumi, kisianni ukiumoortumik naatsorsuutit pillugit inatsimmi § 38-mi allannguutip. Kunngip peqqussutaatigut Kalaallit Nunaanni atuutilersinneqartup kingunerisaanik aningaasaliisarnikkut illuutit ullormut nalinganik uuttorneqarsinnaasunik, suliffeqarfiup ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutilersinneqartumi, kingusinnerpaamik ulloq 31. december 2018-imi aallartittumi, ukiup naanerani nammineq aningaasaatini ullormut nalimik toqqaannartumik iluarsiissut aatsaat ilanngullugu naatsorsorneqarsinnaavoq. Taama pisoqartillugu oqimaaqatigiissitsinermi imaluunniit angusat naatsorsorneranni sanilliussinermi kisitsit allanngortinneqarsinaanngilaq. 

§ 3. Suliffeqarfiit ukiumoortumik naatsorsuutit pillugit inatsimmi maannamut atuuttumi § 34-mik atuisimasut, kunngip peqqussutaatigut nr. 625, 23. juni 2008-meersutigut Kalaallit Nunaanni atuutilersinneqartumi, suliffeqarfinni ataatsimut aqunneqartuni piginnittut tamarmik akisussaaffigisaannik aningaasaatit agguarnerisa ilanngullugit naatsorsorneqarfianni, kisianni siunissami aningaasaatinit piginneqataassutit pisiarineranni akiannut ilanngullugit naatsorsorneqartussani aamma uuttortarneqartussani, kunngip peqqussutaatigut nr. 625, 23. juni 2008-eersutigut Kalaallit Nunaanni attuutilersinneqartumi, tak. inatsimmi § 36, imm. 1, kunngip peqqussuaatigut Kalaallit Nunaanni atuutilersinneqartumi, ukiumut naatsorsuutit pillugit inatsimmi § 51, imm. 1, apeqqutaatinnagu, kunngip peqqutaatigut Kalaallit Nunaanni atuutilersinneqartumi, ukiumi naatsorsuusiorfiusumi kingullermi ulloq. 1. juli 2018 sioqqullugu allartittumi ukiumut naatsorsuutini ilanngaaseereernikkut nali ilanngullugu naatsorsorneqartoq, ukiumi naatsorsuusiorfiusumi tulliuttumi ukiumut naatsorsuutini aningaasaatinit piginneqataassutit pisiarineranni akiattut nuaatut isigineqarsinnaapput. Taama pisoqartillugu oqimaaqatigiissitsinermi imaluunniit angusanut naatsorsuutini sanilliussinermi kisitsit allanngortinneqassanngilaq.

§ 4. Ukiumoortumik naatsorsuutit pillugit inatsimmi § 43, imm. 2-mi allannguut, kunngip peqqussutaatigut Kalaallit Nunaanni atuutilersinneqartoq inatsimmi tassanerpiaq § 51, imm. 1 apeqqutaatinnagu imaalillugu atorneqarsinnaavoq, sanaartukkatigut pigisat nalingisa sinnerat ukiumi naatsorsuusiorfiusumi kingusinnerpaamik 31. december 2018-mi aallartittumi siullermeerutaasumik nalileqqinneqarsinnaavoq. Taama pisoqartillugu oqimaaqatigiissitsinermi imaluunniit angusanut naatsorsuutini sanilliussinermi kisitsit allanngortinneqassanngilaq.

§ 5. Ukiumoortumik naatsorsuutit pillugit inatsimmi § 33, imm. 1, § 42, imm. 3, § 47, § 82, § 118, imm. 4, imaluunniit § 120, imm. 2-mi allannguutit, kunngip peqqussutaatigut Kalaallit Nunaanni atuutilersinneqartut kingunerisaannik, pigisat pisussaaffillu ilanngullugit naatsorsornissaannut uuttortarnissaannullu periaatsit allanngortinneqarneranni, inatsimmi tassanerpiaq § 51, imm. 1-imi allannguutit, imaalillugit pisinnaapput, pissutsit kisimik ukiumi naatsorsuusiorfiusumit pisut, 1. juli 2018-imi kingusinnerusukkulluunniit aallartittut, malittarisassat nutaat malillugit ilanngullugit naatsorsorneqartassapput imaluunniit uuttortarneqartassapput.

§ 6. Suliffeqarfiit, ikaarsaariarnermi aalajangersakkanik §§ 1-5-inik atuisut, tamanna nalunaarsuutini paasissutissiissutigissavaat. Nalunaarutip taassuma atorneqarnerata kingunerisaanik naatsorsuutini allattukkanut naatsorsuusiortarnermi periaatsit ataatsimit amerlanerusut pineqartillugit, nalunaarsuutini allat aamma paasissutissiissutigineqassapput, tamanna ukiumoortumik naatsorsuutit pillugit inatsimmi § 11, imm. 1-ip, kunngip peqqussutaatigut Kalaallit Nunaanni atuuttussanngortinneqartup naammassinissaanut pisariaqassappat.

§ 7. Nalunaarut ulloq 1. Juli 2018-imi atuutilersinneqarpoq, ukiumillu naatsorsuusiorfiusumiit 1. Juli 2018-miit kingusinnerusukkulluunniit aallartittumik sunniuteqassalluni.

Erhvervsministeriet, ulloq 6. juni 2018

BRIAN MIKKELSEN

/ Susanne Thorhauge