Matumuuna nalunaarutigineqarpoq kunngissaq pillugu inatsit, tak. inatsit nr. 170, 27. marts 1953-imeersoq, inatsisip 528-p 12. juni 2009-meersup malitsigisaanik allannguutitalerlugu.

 § 1. Kunngiussuseq kunngip Christian X-ip aamma dronning Alexandrine-p kinguaavinit kingornunneqartassaaq. 

 § 2. Kunngip imaluunniit dronningiusup toqunerani kunngiussuseq pineqartup ernerata imaluunniit paniata pigilissavaa, taamaalilluni angajulleq nukarlermiit siulliutinneqassalluni.

 Imm. 2. Kunngip imaluunniit dronningiusup qitornaasa arlaat toqusimappat, pineqartup ammut kinguaavata taanna taarsissavaa aamma malittarisassat imm. 1-imi aalajangersarneqartut malillugit.

 § 3. Kunngi imaluunniit dronningiusoq toquppat kunngiussutsimik kingornussisussamik kinguaaqarani, kunngiussuseq pineqartup qatanngutaata angutip imaluunniit qatanngutaata arnap pigilissavaa. Kunngi imaluunniit dronningiusoq arlalinnik qatannguteqarpat imaluunniit pineqartup qatanngutaasa ilaat toqusimappata, malittarisassat § 2-miittut taamatulli atuutissapput. 

 § 4. Aalajangersakkat §§ 2-miittut aamma 3-miittut naapertorlugit kingornussisussaqanngippat kunngiussuseq tamatuma kingorna kunngip Christian X-ip aamma dronning Alexandra-p kinguaavini angajoqqaaminnit qaninnerpaatut ilaqutaanut ingerlaqqissaaq aamma §§ 2-mi 3-milu aalajangersarneqartutut angajulliit nukarlerniit taamatut salliutillugit.

 § 5. Qitornat inatsisit malillugit aappariinnermi inunngorsimasut kisimik kunngiussutsimik kingornussisussaatitaapput.

 Imm. 2. Kunngip imaluunniit dronningiusup katissinnaaneranut Folketingip akuersinissaa piumasaqaataavoq.

 Imm. 3. Kunngiussutsimik kingornussisussaq katippat kunngi imaluunniit droninngiusoq statsrådimi akuersitinnagu, pineqartup kunngiussutsimik kingornussisussaatitaanini aamma aappariinnerup iluani qitornartaami taakkualu qitornaasa kunngiussutsimik kingornussisussaatitaanerat annaassavaa.

 § 6. Aalajangersakkat §§ 2-5-imiittut taamatulli atuutissapput kunngi imaluunniit droninngiusoq kunngiussutsimik piginnilerumanngippat. 

 § 7. Inatsit una atortuulissaaq Danmarkip Naalagaaffiata Tunngaviusumik Inatsisaa 5. juni 1953-imeersoq peqatigalugu. 

§ 2

Inatsit atortuulissaaq Lovtidende-mi nalunaaruteqarnerup aqaguani.

Statsministeriami tunniunneqarpoq, ulloq 4. september 2009

LARS LØKKE RASMUSSEN

/Anne Kristine Axelsson