UAGUT MARGRETHE AAPPAAT, Guutip Saammaanneranik Danmarkip Dronningia, imaaliorpugut:

Folketingip inatsit manna akueraa aamma Uagut akuersinitsigut aalajangersarpaa:

§ 1

Kunngissaq pillugu inatsimmi, inatsit nr. 170, 27. marts 1953-imeersoq, makkuninnga allannguisoqarpoq: 

1. § 2, imm. 1 imatut oqaasertaqassaaq:

 >>Kunngip imaluunniit dronningiusup toqunerani kunngiussuseq pineqartup ernerata imaluunniit paniata pigilissavaa, taamaalilluni angajulleq nukarlermiit siulliutinneqassalluni.<<

2. § 2, imm. 2-mi aamma § 5, imm. 3-mi >>kunngip<< kingorna ilanngunneqassaaq: >>imaluunniit dronningiusup<<, aamma § 6-imi >>kunngip<< kingorna ilanngunneqassaaq: >>imaluunniit dronningiusup<<.

3. § 3 ima oqaasertaqassaaq:

 >>§ 3. Kunngi imaluunniit dronningiusoq toquppat kunngiussutsimik kingornussisussamik kinguaaqarani, kunngiussuseq pineqartup qatanngutaata angutip imaluunniit qatanngutaata arnap pigilissavaa. Kunngi imaluunniit dronningiusoq arlalinnik qatannguteqarpat imaluunniit pineqartup qatanngutaasa ilaat toqusimappata, malittarisassat § 2-miittut taamatulli atuutissapput.<<

4. § 4-mi peerneqassaaq >>angutit arnanit salliutinneqassapput aamma<<.

5. § 5, imm. 2 ima oqaasertaqassaaq:

 >>Imm. 2. Kunngip imaluunniit dronningiusup katissinnaaneranut Folketingip akuersinissaa piumasaqaataavoq. <<

§ 2

 Inatsit atortuulissaaq Lovtidende-mi nalunaaruteqarnerup aqaguani.

Christiansborg Slot-imi tunniunneqarpoq, ulloq 12. juni 2009

Kunngiussutitsinnik Atsiorpugut Naqissusiillutalu

MARGRETHE R.

/Lars Løkke Rasmussen