Nunalerinermik inuussutissarsiuteqarnermut siuarsaaneq pillugu Namminersorlutik
Oqartussat nalunaarutaat
Nunalerinermik inuussutissarsiuteqarnermut siuarsaaneq pillugu Inatsisartut inatsisaanni nr. 28, 23. maj 2024-meersumi § 2, imm. 2, § 8, imm. 1, nr. 1 aamma 3, aamma § 8, imm. 2, nr. 2 naapertorlugit, aalajangersarneqarput:
Kapitali 1
Inuussutissarsiutinik siuarsaanerit ilaannut aalajangersakkat immikkut ittut
Illut inuussutissarsiuteqarfiit
§ 1. Naalakkersuisut, inuussutissarsiutigalugu nunalerinermi, illunik inuussutissarsiorfiusunik sananermut, alliliinermut tigusinermulluunniit nunalerinermut inuussutissarsiutinik siuarsaanermut tapiissuteqarsinnaapput.
Imm. 2. Imm. 1 naapertorlugu inuussutissarsiutinik siuarsaanermi atortunut, sakkunut pisarialinnut, suliniutip pineqartup naammassineqarnissaanut toqqaannartumik attuumassuteqartumik atortussanut pisariaqartunut, nassiussinermut aningaasartuutinut, sanasunik ikiorteqarnermut aamma teknikkikkut siunnersorneqarnermut, illuni inuussutissarsiorfiusuni atorneqartussanut aningaasartuutissatut naatsorsuutigineqartunut imaluunniit aningaasartuutinut uppernarsarneqarsimasunut tunniussisoqartassaaq, imatut agguaaneq malinneqassalluni:
1) Taarsigassarsiat erniaqanngitsut akilersugassaanngitsullu: 95 %-it
2) Nammineerluni aningaasaliissutit: 5 %-it
Imm. 3. Inuussutissarsiutinik siuarsaanermut taarsigassarsiat piffissaq akilersorneqarfissaat sivisunerpaamik ukiunut 25-nut aalajangerneqassaaq.
Nammineerluni illuliat aamma illut inissiisarfiit
§ 2. Naalakkersuisut, inuussutissarsiutigalugu nunalerinermi, nammineerluni illulianik najugaqarfissanik sananermut tigusinermulluunniit, imaluunniit illunik sulisunut inissiisarfissanik tigusinermut nunalerinermut inuussutissarsiutinik siuarsaanermut tapiissuteqarsinnaapput.
Imm. 2. Taamaallaat nammineerluni illulianut, nunaleriffeqarfinni sananeqartunut inuussutissarsiutinik siuarsaanermut tapiisoqarsinnaavoq.
Imm 3. Imm. 1 naapertorlugu inuussutissarsiutinik siuarsaanermi taarsigassarsianut atortunut, sakkunut pisarialinnut, suliniutip pineqartup naammassineqarnissaanut toqqaannartumik attuumassuteqartumik atortussanut pisariaqartunut, suliniutitut pilersaarutip pineqartup naammassineqarnissaanut toqqaannartumik attuumassuteqartunut, nassiussinermut aningaasartuutinut, sanasunik ikiorteqarnermut aamma teknikikkut siunnersorneqarnermut, nammineerluni illuliamut imaluunniit unnuisarfimmutatorneqartussanut aningaasartuutissatut naatsorsuutigineqartunut imaluunniit aningaasartuutinut uppernarsarneqarsimasunut tunniussisoqartassaaq, imatutagguaassinikkut:
1) Taarsigassarsiat erniallit: 20 %-it
2) Taarsigassarsiat erniaqanngitsut akilersugassaanngitsullu: 75 %-it
3) Nammineerluni aningaasaliissutit: 5 %-it
Imm. 4. Inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni 25-ni pisinnaasoq aalajangersarneqarpoq.
Nukissiutinut ataavartunut innaallagissiorfiit
§ 3. Naalakkersuisut, inuussutissarsiutigalugu nunalerinermi, sanaartukkanik, ataavartumik nukissiornermut atugassanik nunalerinermut inuussutissarsiutinik siuarsaanermut aningaasaliisinnaapput, taakkununngalu ilaatinneqarlutik erngup nukinganik innaallagissiorfeeqqat aamma seqernup qinngorneranit innaallagissiorfiit..
Imm. 2. Imm. 1 naapertorlugu inuussutissarsiutinik siuarsaanermi taarsigassarsianut atortunut, sakkunut pisarialinnut, suliniutip pineqartup naammassineqarnissaanut toqqaannartumik attuumassuteqartumik pisariaqartunut atortussat, suliniutitut pilersaarutip pineqartup naammassineqarnissaanut toqqaannartumik attuumassuteqartunut, nassiussinermut aningaasartuutinut, sanasunik ikiorteqarnermut aamma teknikikkut siunnersorneqarnermut, aningaasartuutissatut naatsorsuutigineqartunut imaluunniit aningaasartuutinut uppernarsarneqarsimasunut tunniussisoqartassaaq, imatut agguaaneq malinneqassalluniagguaassisoqartassalluni:
1) Taarsigassarsiat erniallit: 40 %-it
2) Taarsigassarsiat erniaqanngitsut akilersugassaanngitsullu: 50 %-it
3) Nammineerluni aningaasaliissutit: 10 %-it
Imm. 3. Inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni 25-ni pisinnaasoq aalajangersarneqarpoq.
Maskinat sanaartukkallu allat
§ 4. Naalakkersuisut, inuussutissarsiutigalugu nunalerinermi, inuussutissarsiutinik siuarsaanermi ukuninnga pisinermut, sananermut tigusinermulluunniit nunalerinermut inuussutissarsiutinut tapiissuteqarsinnaapput:
1) Maskiinat, sakkut, ungalut kiisalu ingerlatsinermi atortut pisariaqartut allat.
2) Innaallagissiornermut atortunik sananeq pisinerluunniit.
3) Suliamik ingerlatsinermut atatillugu angallammik ATV-milluunniit, inunnik inuussutissarsiornermilu assartuinermut atugassamik pisineq.
Imm. 2. Imm. 1 naapertorlugu inuussutissarsiutinik siuarsaanermi taarsigassarsianik atortunut, nassiussinermut aningaasartuutinut, sanasunik ikiorteqarnermut aamma teknikikkut siunnersorneqarnermut aningaasartuutissatut naatsorsuutigineqartunut imaluunniit aningaasartuutinut uppernarsarneqarsimasunut tunniussisoqartassaaq, imatutagguaassisoqassalluni:
1) Taarsigassarsiat erniallit: 90 %-it
2) Nammineerluni aningaasaliissutit: 10 %-it
Imm. 3. Inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni qulini pisinnaasoq aalajangersarneqarpoq.
§ 5. Naalakkersuisut, inuussutissarsiutigalugu nunalerinermi, nersutit inaanniit naggorissaatissanik siaruarterissummik aamma imerterissummik pisinissamut inuussutissarsiutinik siuarsaanermi nunalerinermut inuussutissarsiutinut tapiissuteqarsinnaapput.
Imm. 2. Imm. 1 naapertorlugu inuussutissarsiutinik siuarsaanermi taarsigassarsisitsisoqartassaaq pisinermi aningaasartuutit naatsorsuutigisamik uppernarsaatilinnut akileriikkanulluunniit, tassunga ilanngullugit atortut, assartuinermut aningaasartuutit, sanasunik ikiorteqarnerit teknikkikkullu siunnersorneqarnerit,, imatut agguaanneqartussanik:
1) Taarsigassarsiat erniallit: 50 %-it
2) Taarsigassarsiat erniaqanngitsut akilersugassaanngitsullu: 40 %-it
3) Nammineerluni aningaasaliissutit: 10 %-it
Imm 3. Inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni qulini pisinnaasoq aalajangersarneqarpoq.
Iluarsartuussinerit
§ 6. Naalakkersuisut, inuussutissarsiutigalugu nunalerinermi, illuni inuussutissarsiorfiusuni, nammineerluni illuliani, unnuisarfinni aamma nukissiutinik ataavartunik iluarsartuussinernut inuussutissarsiutinik tapiissuteqarsinnaapput, nalilerneqarpat iluarsartuussineqnunaleriffiup ingerlaannarnissaanutimaluunniit pigisaq nalilik iluarsartuunneqanngikkuni siunertamut atorsinnaajunnaarsimappat.
Imm. 2. Imm. 1 naapertorlugu inuussutissarsiutinik siuarsaanermi taarsigassarsisitsineq pissaaq atortunut, suliniutip pineqartup naammassineqarnissaanut toqqaannartumik attuumassuteqartumikpisariaqartinneqartunut aningaasartuutit naatsorsuutigisamik uppernarsaateqarpata imaluunniit akilerneqareersimappata, soorlu nassiussinermut aningaasartuutinut, sanasunik ikiorteqarnermut aamma teknikkikkut siunnersorneqarnermut, iluarsartuussinermut atorneqartussanut.imatutagguaassisoqassalluni:
1) Taarsigassarsiat erniallit: 15 %-it
2) Taarsigassarsiat erniaqanngitsut akilersugassaanngitsullu: 75 %-it
3) Nammineerluni aningaasaliissutit: 10 %-it
Imm. 3. Inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni 25-ni pisinnaasoq aalajangersarneqarpoq.
§ 7. Naalakkersuisut, inuussutissarsiutigalugu nunalerinermi, §§ 4-mut aamma 5-mut ilaasunut maskiinanik atortunillu allanik iluarsartuussinernut nunalerinermik inuussutissarsiutinik siuarsaanermut tapiissuteqarsinnaapputmissingiunneqarpat iluarsartuussineq nunaleriffiup ingerlanneqarnerata ingerlaannarnissaanut imaluunniit pigisap iluarsartuunneqanngitsup siunertamut atorsinnaajunnaarneranik naliliisoqarpat.
Imm 2. Imm. 1 naapertorlugu nunalerinermut inuussutissarsiutinik siuarsaanermi taarsigassarsisitsisoqassaaq atortunut, nassiussinermut aningaasartuutinut, sanasunik ikiorteqarnermut aamma iluarsartuussinerni teknikkikkut siunnersorteqarnermut aningaasartuutissatut naatsorsuutigineqartunut uppernarsarneqarsinnaasunut imaluunniit akilerneqareersimasunut, imatutagguaassisoqassalluni:
1) Taarsigassarsiat erniallit: 90 %-it
3) Nammineerluni aningaasaliissutit: 10 %-it
Imm. 3. Inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni qulini pisinnaasoq aalajangersarneqarpoq.
Nersutit kinguaassiortitat nersutaateqarnerlu
§ 8. Naalakkersuisut, inuussutissarsiutigalugu nunalerinermi, nersutinik kinguaassiortitanik nersutaatinillu pisinissamut nunalerinermut inuussutissarsiutinik siuarsaanermut tapiissuteqarsinnaapput, imatut pisoqartillugu:
1) pisinermi nersutaatit tamarmiusut ikinnerpaamik 20 %-inik amerlineqangaatsiarpata,
2) nersutit kinguaassiortitat nersutaatillu napparsimaneq, silap pissusaanut tunngasut assigisaaluunniit pissutigalugit pingaarutilimmik annaasaqarfiusimanerup pisariaqartilersimappagu pisinissaq
3) siornatigut nunaleriffiusimasumi nunalerinermik ingerlatsinermik aallartitseqqittoqarpat,
4) nunalerivimmik nutaamik aallartitsisoqarpat,
5) nunami uumasunik nujuartanik, nunalerinermi atorneqartussanik pisinermi nunnigussinermilu, imaluunniit
6) Naalakkersuisut inassuteqaataat nunalerinermullu politikki naapertorlugit nersutaatinik amerlisitsisoqarpat.
Imm. 2. Imm. 1 naapertorlugu inuussutissarsiutinik siuarsaanermut taarsigassarsiat tunniunneqassapput, imatut agguarneqassallutik:
1) Taarsigassarsiat erniallit: 90 %-it
2) Nammineerluni aningaasaliissutit: 10 %-it
Imm. 3. Inuussutissarsiutinik siuarsaanermut. taarsigassarsianik akilersuinissaq sivisunerpaamik ukiuni qulini pisinnaasoq aalajangersarneqarpoq.
§ 9. Naalakkersuisut, inuussutissarsiutigalugu nunalerinermi, nunalerinermut inuussutissarsiutinik siuarsaanermi nunalerisunut, ingerlatanik nutaanik aallartitsisunut, imaluunniit ingerlatanik pioreersunik tigusisunut nersutinik pisinissamut tapiissuteqarsinnaapput.
Imm. 2. Inuussutissarsiutinik siuarsaanermi imm. 1 naapertorlugu inuussutissarsiutinik siuarsaanermut taarsigassarsianik imatut agguarneqartunik tunniussisoqarsinnaavoq:
1) Taarsigassarsiat erniallit: 65 %-it
2) Taarsigassarsiat erniaqanngitsut akilersugassaanngitsullu: 30 %-it
3) Nammineerluni aningaasaliissutit: 5 %-it
Imm. 3. Inuussutissarsiutinik siuarsaanermi imm. 1 naapertorlugu qinnuteqaat ingerlatamik aallartitsinermiit imaluunniit pioreersumik tigusinermiit ukiut marluk qaangiutsinnagit Naalakkersuisunut saqqummiunneqarsimassaaq.
Imm. 4. Inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni qulini pisinnaasoq aalajangersarneqarpoq.
Ingerlatsinermut taarsigassarsiat
§ 10. Naalakkersuisut, inuussutissarsiutigalugu nunalerinermi, nerukkaatissanut, naatitassanut, naggorissaatissanut assigisaannulluunniit aningaasartuutinut uppernarsarneqarsimasunut nunalerinermut inuussutissarsiutinik siuarsaanermut taarsigassarsititsinikkut inuussutissarsiutinik siuarsaanermut tapiissuteqarsinnaapput. Ingerlatsinermut taarsigassarsiat aamma annikitsunik pisinermut aserfallatsaaliugassanullu annikitsunut uppernarsarneqarsinnaasunut atorneqarsinnaapput.
Imm. 2. Naalakkersuisut pisuni immikkut ittuni, imm. 1-imi taaneqartut saniatigut siunertanut allanut ingerlatsinermut taarsigassarsititsisinnaapput, tamatumunnga aningaasartutit nunalerinerup ingerlanneqarneranut attuumassuteqarpata, aningaasartuutillu taakku tassanngaannaq pisut kinguartinneqarsinnaanngitsullu peqqutigalugit akilerneqarnissaat pisariaqarpat.
Imm. 3. Imm. 1 aamma 2 naapertorlugit inuussutissarsiutinik siuarsaanermut aningaasaliissutissat inuussutissarsiornermi siuarsaanermut taarsigassarsiarititatut ernialittut 100%-inngorlugit tunniunneqarsinnaapput.
Imm. 4. Imm. 1 aamma 2 naapertorlugit inuussutissarsiutinik siuarsaanermut taarsigassarsianik akilersuinissaq sivisunerpaamik ukiuni tallimani pisinnaasoq aalajangersarneqarpoq..
Nunagissaanermi suliat
§ 11. Naalakkersuisut, inuussutissarsiutigalugu nunalerinermi, siunertanut ukununnga tapiissutitut nunalerinermut inuussutissarsiutinik siuarsaanermut tunniussisinnaapput, suliassat nunaminertani atuisinnaatitaaffik nunalerivimmik piginnittumut tunniunneqarsimasumi ingerlanneqassappata:
1) Nutaamik naggorissaaneq.
2) Naggorissaaqqinneq.
3) Nunaminertat naggorissagassat piareersarneqarneri.
4) Nunaminertat naggorissagassat imaarsarneqarneri.
5) Kalkilersuineq.
6) Narsaatinut aqqusinniorneq.
7) Narsaatinut aqqutinikimaarsaaneq.
8) Narsaatinut aqqutit ataanni ruujorilersuineq.
9) Sermernarujussuareernerani naatitassanik ikkussueqqinneq.
10) Toqqaannartumik naatitassanik ikkussuineq.
Imm. 2. Imm. 1 naapertorlugu inuussutissarsiornermik siuarsaanermut aningaasaliissutissat ilanngussaq 1-imi akit Nunalerinermut aningaasaliissutissatut Naalakkersuisumit aalajangersarneqartut naapertorlugit toqqaannartumik tapiissutitut tunniunneqassapput.
Imm 3. Ilanngussaq 1-imi Kalaallit Nunaanni Naatsorsueqqissaartarfiup ukiumi tunngaviusumi 2008-mi ukiumoortumik atuisunut akigitanik nalunaarsuiffianiakit nioqqutissanut kiffartuussinernullu tamanut atuuttut najoqqutarineqarput. Akigititanut iluarsiissuteqartoqartarpoq ukiut tamaasa, atuisunut akigititanik nalunaarsuineq ukiup siuliani oktobarimeersoq tunngavigalugu.
§ 12. Naalakkersuisut, inuussutissarsiutigalugu nunalerinermi, inuussutissarsiutinik siuarsaanermi ukuninnga aserfallatsaaliuinissamut tapiissutitut ilusilikkanik tunniussisinnaapput:
1) § 11, imm. 1, nr. 4 naapertorlugu nunaminertani naatitsivissani kuuffilianut.
2) § 11, imm. 1, nr. 6 naapertorlugunarsaatit aqqusinniornerinut.
3) § 11, imm. 1, nr. 7 naapertorlugu narsaatinut aqquserngit kuuffissaannut.
Imm. 2. Imm. 1 naapertorlugu inuussutissarsiutinik siuarsaanermi tunniussat, ilanngussaq 1-imi akit, Nunalerinermut Naalakkersuisumit aalajangersarneqartut 50 %-ii toqqaannartumik tapiissutitut tunniunneqassapput.
§ 13. §§ 11, imm. 1 aamma 12, imm. 1 naapertorlugit nunagissaanermut tapiissutit Nunalerinermut Naalakkersuisoqarfimmut qinnuteqaammik nassiussisoqareernerani tunniunneqarsinnaapput. Nunaminertap suliarineqartussap annertussusia suliassallu suuneri
Imm. 2. Nunagissaanissamut tapiissutinik qinnuteqartup Nunalerinermut Naalakkersuisoqarfik qinnuigisinnaavaa suliap aallartinneqannginnerani neriorsuuteqareeqqullugit. Neriorsuuteqareertoqarsinnaavoq nalilerneqarpat suliassaq tapiiffigineqarsinnaasoq suliaqartoqarnissaanillu pisariaqartitsineq, suliassartaa nunagissaaffissap annertussusia taassuminngalu atuisinnaatitaaneq naliliiffiginiarlugit paasissutissat naammattut pigineqarpata.
Imm. 3. naapertorlugu neriorsuuteqareernermi tapiissutissat annertussusilerneqassapput, taamaalilluni qinnuteqartup tapiissutisiassani qulakkeersinnaaniassammagit, suliassaq neriorsuuteqareerneq naapertorlugu suliarineqassappat kiisalu uppernarsaatitut piumasaqaataasut imm. 4 malillugu naammassineqarsimappata. Nunalerinermut Naalakkersuisoqarfiuo tapiissutit amerlanerusut tunniussinnaavai, suliaq neriorsuutaareersimasumit annertuneruppat aammalu tapiissutisinissamut piumasaqaatit naammassineqarsimappata, taamaaliornissamullu aningaasaliissutissanut matussutissaqarpat.
Imm. 4. Nunagissaaneq naammassippat tapiiffigineqarnissamik qinnuteqaat uppernarsaatit uku ilanngullugit nassiunneqassaaq:
1) § 11, imm. 1, nr. 1-10 kiisalu § 12, imm. 1, nr. 1-3 naapertorlugit suliaralugit naammassineqartut allaaserineqarneri.
2) Suliarisat sooq pisariaqarsimanerinut tunngavilersuut.
3) Nunaminertap angissusaanut uppernarsaat, nunamik uuttortaasartumit uuttortarneqarsimasoq imaluunniitsiunnersorti atortunik pigisalik ikiortigalugu uuttortasimaneq, tassunga ilanngullugu nunap assinga ilanngussaq..
4) Nunaminertamik atuisinnaatitaanermut uppernarsaat.
5) Nunalerinermut ilisimasalimmit siunnersortimit suliamut atatillugu oqaaseqaat.
6) § 11, imm. 1, nr. 5 aamma 8 naapertorlugit qinnuteqarnermi nunagissaanermik suliaqarnermut aningaasartuutit akilerneqartut uppernarsaataat ilanngunneqassapput.
Imm. 5. Nunagissaanermut tapiissutinik qinnuteqaat ukiumi pineqartumi nunagissaanermik suliaqarfiusumi nassiunneqassaaq.
Imm. 6. Nunalerinermut Naalakkersuisoqarfik nunagissaanermut tapiissutinik tunniussinerminut atatillugu akiligassanik ilanngaassisinnaavoq, tak. § 31.
Kapitali 2
Qinnuteqartitsinerit taarsigassarsititsinissamullu piumasaqaatit aamma atorunnaarsitsineq
Qinnuteqartitsinerit aamma atsikkutigiissaarinerit
§ 14. Nunalerinermut Naalakkersuisoq ukiumi taasami inuussutissarsiutinik siuarsaanermut imaluunniit inuussutissarsiutit ilaasa aalajangersimasut siuarsarneqarnissaannut qinnuteqartitsinissamut piumasaqaatinik aalajangersaasinnaavoq.
Imm. 2. Nunalerinermut Naalakkersuisoq qinnuteqartitsinissanut piumasaqaatinik aalajangersaaniarluni aalajangerpat, tamanna pillugu nunalerinermi suliniaqatigiiffiit kingusinnerpaamik ukiup siuliani 30. novembarimi ilisimatinneqareersimassapput.
Imm. 3. Qinnuteqartitsinermi Nunalerinermut Naalakkersuisoq qinnuteqaatinik tulleriiaarinermut najoqqutassanik aalajangersaasinnaavoq, tassunga ilanngullugit suliniutit assigiinngitsut akornanni pingaarnersiuinerit, taarsigassarseriaatsit qinnuteqartullu.
Imm. 4. Qinnuteqartitsinermi Nunalerinermut Naalakkersuisup suliniutissatut pilersaarutinut ataasiakkaanut inuussutissarsiutinik siuarsaanermi taarsigassarsianut tunniunneqarsinnaasut annerpaaffissai aalajangersarsinnaavai.
§ 15. Inuussutissarsiutinik siuarsaanissaq pillugu qinnuteqaatip nalilersornerani Nunalerinermut Naalakkersuisoqarfik inuussutissarsiutinik siuarsaanermut taarsigassarsiat katitigaanerannik itigartitsisinnaavoq, appaasinnaavoq imaluunniit allannguisinnaavoq, suliniutip annertussusia aningaasartuutissaaluunniit makkununnga naapertuutinngippata:
1) ingerlatap angissusianut
2) ingerlatap ingerlatsinermut aningaasaqarnermullu tunngavissaanut imaluunniit
3) suliniutitut pilersaarutip naatsorsuutigineqartup ingerlatap ineriartorneranut pingaaruteqarneranut .
Imm. 2. Naliliinermi pingaartinneqarsinnaavoq suliassap siunertaminut ingerlatsinermilu ataatsimut suliassartaanut sanilliullugit erniaqanngitsunik akilersugassaanngitsunillu naleqqutinngitsumik atuiallaarnissaa.
§ 16. Inuussutissarsiutinik siuarsaanissamut taarsigassarsiat qinnuteqartumut tunniunneqarsinnaanngillat qinnuteqarnerup nalaani inuussutissarsiutinik siuarsaanissamut taarsigassarsianut akiitsoqarpat akilerneqarsimanngitsunik akiitsullu akilerneqarsimanngitsut qinnuteqartup inuussutissarsitinik siuarsaanermi taarsigassarsiaani tamani akiitsut aningaasat uninngasut tamakkiisut 10 %-imik amerlaneruppata.
Imm 2. Nunalerinermut Naalakkersuisuppissutsit immikkut ittuuppata aamma inuussutissarsiutinik siuarsaanermi taarsigassarsianik tunniussineq illersorneqarsinnaasutut nalilerneqarpat, i imm. 1-mi piumasaqaatit saneqqussinnaavai.
Inuussutissarsiutinik siuarsaanermit akiliutit
§ 17. Inuussutissarsiutinik siuarsaanermi taarsigassarsianik tunniussineq akiligassiissut imaluunniit aningaasartuutinut uppernarsaat taamatut nalilik tunngavigalugit pissaaq.
Imm. 2. Uppernarsaat Nunalerinermut naalakkersuisoqarfiup taarsigassarsisitsisarfiani isumaqatigiissummut normu innersuussaq ilanngullugu digitalikkut nassiunneqassaaq.
Imm. 3. Nunalerinermut Naalakkersuisoqarfiup aningaasartuutigineqartoq akuersissutigissavaa aamma pilersuisumut, sulisitamut imaluunniit taarsigassarsisumut aningaasartuut akilerneqareersimappat toqqaannartumik akiliissaaq.
Imm. 4. Suliassamut taarsigassarsisup qanigisaanit, tassunga ilanngullugit ilaquttat imalunniit inuit ingerlatap aningaasarsiorneranik soqutigisallit, suliarineqarsimasumut aningaasartuutit taamaallaat akilerneqarsinnaapput, imaappat:
1) niuernermi pissutsit atugassarititaasut malillugit suliaq suliarineqarsimappat,
2) aningaasartuutigisaqakiligassamik nassitsisimanikkut uppernarsarneqarpat, aamma
3) aningaasartuutigisaq Nunalerinermut Naalakkersuisoqarfiup nalileereerneratigutpiviusutut tapiiffigineqarsinnaasutullu isigineqarpat.
§ 18. Tapiissutit qinnuteqartup nunalerinermik ingerlataqarnerminut NemKonto-anut nalunaarsorsimasumut nuussinikkut akilerneqassapput.
Nammineerluni aningaasaliissutit
§ 19. Naalakkersuisut inuussutissarsiutinik siuarsaanermut taarsigassarsititsissapput qinnuteqartup nammineerluni akilikkaminik aallarniuteqarnissaa piumasaralugu.
Imm. 2. Inuussutissarsiutinik siuarsaanermut taarsigassarsiassaasa tunniunneqannginnerini, taarsigassarsisup nammineerluni akiligassai Namminersorlutik Oqartussanut akilerneqassapput.
Imm. 3. Nunalerisutut aallartinnermut atatillugu Naalakkersuisut inuussutissarsiutinik siuarsaanermut taarsigassarsititsinerminni taarsigassarsisup nammineerluni akiligassai ikinnerpaamik 5%-inut appartissinnaavaat, aammalu taarsigassarsiat erniallit amerlaqataannik qaffatsissinnaallugit, taarsigassarsisoq aallartinnermini imaluunniit nunalerinermik ingerlatsivimmi piginneqataassutinik pisinermini minnerpaamik ingerlatap 33 %-iinik pigisaqarpat.
Imm 4. Taarsigassarsisup nammineerluni akiligassai imm. 3 naapertorlugu appartinneqarsinnaanngillat, taarsigassarsisoq nunalerinermik ingerlatsivimmi piginneqataareerpat, aammalu nunalerinermik ingerlatsivimmi tassani piginneqataassutinik allanik pisisimappat.
Imm. 5. Aningaasaliinermut tunngatillugu imm. 3 naapertorlugu taarsigassarsianik qaffaaneq taamaallaat aningaasaliissutinut, taarsigassarsisup nunalerisutut aallartinnerani ukiunut tallimanut siullernut aningaasaliissutissatut pilersaarummut, Nunalerinermut Naalakkersuisoqarfimmit akuerisamut ilanngunneqarsimasunut, atorneqarsinnaavoq.
Imm. 6. Imm. 1-2-mi aalajangersagaq kinguaariit nikinneranni atorneqassanngilaq, imaattoqarpat:
1) piginnittoq nutaaq tunniussineq sioqqullugu nunalerinermik ingerlatap ingerlanneqarneranut annertuumik uppernarsarneqartumillu attuumassuteqartoq, aamma
2) inuussutissarsiutinik siuarsaanermi taarsigassarsiat § 37-mi, imm. 2. malillugu naliliineq tunngavigalugu tunniunneqassapput.
Inuussutissarsiutinik siuarsaanermi taarsigassarsianik iluarsiissuteqarneq
§ 20. Inuussutissarsiutinik siuarsaanermi taarsigassarsiat aningaasartuutiviit akilikkat aamma tapiiffigineqarsinnaasutut uppernarsarneqartut tunngavigalugit iluarsiivigineqartarput.
Imm. 2. Aningaasat taarsigassarsiat tamarmiusut tamakkerlutik atorneqanngippata, taarsigassarsiat taamaaqataanikiluarsiivigineqassapput.
Imm. 3. Inuussutissarsiutinik siuarsaanermi taarsigassarsiat qaffanneqarnissaannik qinnuteqaat nalunaarutigineqartoq, akuerineqarsinnaavoq, imaappat:
1) aningaasartutit qaffannerat piviusorsiortumik tunngavilersorneqarpat, aamma
2) neriorsuutigineqartoq naapertorlugu aningaasartuutit tapiiffigineqarsinnaappata.
Imm. 4. Taarsigassarsianik qaffaaneq nutaamik allaffissornikkut aalajangiinermik tunngaveqassaaq aamma nammineq ingerlaannartumik pisinnaanngilaq.
Imm. 5. Inuussutissarsiutinik siuarsaanermut taarsigassarsianik iluarsiissuteqarnermi taarsigassarsiat ernialersukkat aamma taarsigassarsiat ernialersugaanngitsut akilersugassaanngitsullu akornanni agguaassinermi najoqqutaq inuussutissarsiutinut siuarsaanermi pissutsimut tassunga atuuttoqatuuttinneqartarpoq. Nammineerluni akilikkat § 21 malilluguiluarsiivigineqartussaapput.
§ 21. Nalimmassaanermi § 20 malillugu aningaasartuutit akilikkat akuersissutigineqartullu procentiata ilaatut nammineq akiliutit naatsorsorneqassapput.
Imm. 2. Piviusumik aningaasartuutit uppernarsakkat suliniutitut pilersaarutip naammassinerani, neriorsuutigineqartumit appassinneruppata nammineq akiliutit naleqqiussinikkut nalimmassarneqassapput.
Imm. 3. Imm. 2 malillugu nalimmassaanerup malitsigisaanik nammineq akilikkat amerlavallaarpata, taarsigassarsisumut sinneruttut utertillugit akilerneqassapput.
Imm. 4. Nammineq akilikkat sinneruttut utertillugit akilerneqarnerini tamanna utertoorutissat allagartaannik tunniussinikkut pissaaq, nammineq akilikkanut akiligassat allagartaat siulleq innersuussutigalugu.
Imm 5. Inuussutissarsiutinik siuarsaanermi taarsigassarsiat § 20 malillugu qaffanneqarpata tamatuma kinguneranik nammineerluni akiliutinut ilassutitut akiliinissamik piumasaqartoqassaaq, taannalu pitinnagu qaffaassutaasoq akilerneqarsinnaanngilaq.
Taarsigassarsiarisinnaasut assingiingitsut akilersuinerlu
§ 22. Inuussutissarsiutinik siuarsaanermut taarsigassarsiat, taarsigassarsiatut ernialittut tunniunneqarsimasut akilersorneqartussaapput ukiumoortumik aalajangersimasumik erniaqartinneqarlutik.
§ 23. Taarsigassarsiat erniaqaratillu akilersugassaanngitsut nalinginnaasumik akilersorneqarsinnaanngillat.
Imm. 2. Taarsigassarsiat inuussutissarsiutinik siuarsaariaatsimut atuuttumut tunngasut ukiumoortumik atsikkutigiissaakkamik nalikillisinneqartarput piffissap aalajangersimasup iluani akilersorneqarlutik.
Imm. 3. Akiliutinik utertitseqqusineq taamaallaat pisinnaavoq inuussutissarsiutinik siuarsaanermi atugassarititaasut naammassineqarsimanngippata.
Erniat
§ 24. Inuussutissarsiutinik siuarsaanermut taarsigassarsiat erniaat ukiumut 2 %-iussasoq Naalakkersuisut aalajangigaraat.
Piffissamut aalajangersimasumut akiliutit
§ 25. Taarsigassarsiat erniallit, inuussutissarsiutinik siuarsaanermut taarsigassarsiatut tunniunneqartut ukiumoortumik ataasiarluni akiligassanngortinneqarlutik akilersorneqassapput. Nunalerinermut Naalakkersuisoqarfiup ukiut tamaasa novembarimi akiligassaq nassiuttassavaa, taamaattorli siusinnerpaamik ukiup tulliani taarsigassarsiat akilerneqareerneranni.
Imm. 2. Akiligassat piffissalikkat piffissaq eqqorlugu akilerneqarsimassapput, akiligassat piffissalikkat nassiunneqarneriniit kingusinnerpaamik ullut 30-t qaangiunnerini akilerneqarsimassallutik..
Imm. 3. Nunalerinermut Naalakkersuisup inuussutissarsiutinik siuarsaanermut taarsigassarsiat taamaatissinnaavai, ikinnerpaamik qaammatinik arfinilinnik sivisussusilimmik piffissalikkamik, tassunga ilanngullugit erniat akilersugassallu, taakku piffissaagallartillugu akilerneqarsimanngippata aamma § 26 malillugu akiligassaqarnermik eqqaasitsissutit kinguneqarsimanngippata.
§ 26. Piffissaq eqqorlugu ukiumut aalajangersimasumik akiliutissat akilerneqanngippata, Nunalerinermut Naalakkersuisoq eqqaasitsissummik nassiussissaaq.
Imm. 2. Eqqaasitsissummutakiliut piumasarineqarsinnaavoq, tak. Kingusinaarluni akiliinermi erniat pillugit il.il. Kalaallit Nunaannut inatsimmut nalunaarummi § 9b.
Imm. 3. Eqqaasitsissutit minnerpaamik qaammammik ataatsimik akunnilerlugit nassiunneqassapput.
Imm. 4. Eqqaasitsissutip pingasoriarluni nassiunneqarnerata kingorna akiliisoqanngiinnarpat, Akiliisitsiniartarfimmut suliassanngorlugit tunniunneqarsinnaapput. Taarsigassarsinermut qularnaveeqqusiisoqarsimappat, aallaaviusutut Nunalerinermut Naalakkersuisoqarfiup pissutsit immikkut ittut aporfiliinngippata qularnaveeqqusiineq piviusunngortinniassavaa.
§ 27. Akiligassat, ukiumut aalajangersimasumik akiliutissat akilerneqanngitsut ullormi akiliiffissamit ernialersorneqassapput.
Imm. 2. § 24 malillugu inuussutissarsiutinik siuarsaanermi taarsigassarsianut piffissamut sukkulluunniit erniarititaasutut erniat annertussuseqarput.
§ 28. Erniat, akilersuutit ukiumullu aalajangersimasumik akiliutissarititaasut piviusumik naatsorsorneqarnerat akunnaallilernagu ingerlaavartumik naatsorsorneqassaaq.
Imm. 2. Erniani, akilersuutini ukiumullu aalajangersimasumik akiliutissarititaasuni assigiinngissutinik akunnaalliliisinnaaneq ukiumut aalajangersimasumik akiliinermitiluarsiivigineqarsinnaavoq.
Akilersuinissamut tapiissutit
§ 29. Naalakkersuisut inuussutissarsiutinik ineriartortitsinissamut taarsigassarsiat akilersornissaannut tapiissuteqartarsinnaapput, taarsigassarsisup akilersugassani taarsigassarsinermut isumaqatigiissummi inuussutissarsiutinik siuarsaanermut taarsigassarsiat akilersorneqarfissaattut aalajangersarneqartut naapertorlugit piffissaq eqqorlugu akiliisarnera malillugu. Erniat akilersornerinut tapiissuteqartoqarsinnaanngilaq.
Imm. 2. Taarsigassarsiat akilersornissaannut tapiissutinik tunniussisoqarsinnaanngilaq piffissami aalajangersimasumi atuuttumi ataatsimik arlalinnilluunniit akiligassaqartoqarpat, piffissamilu aalajangersimasumi akiligassanik akilinngitsuukkanik inuussutissarsiutinik ineriartortitsinermut pineqartumut taarsigassarsianik akilinngitsuukkanik peqarpat.
Imm. 3. Naalakkersuisunit inuussutissarsiutinik siuarsaanermut taarsigassarsiat akilersornerinut tapiissutit 35 %-inut aalajangerneqarput.
Qularnaveeqqusiineq
§ 30. Inuussutissarsiutinik siuarsaanermut taarsigassarsiat, pigisamut aalaakkaasumut atorneqartussat tamatigut uppernarsaammik, pigisap nalunaarsuisarfimmi allattaavianut nalunaarsorneqarsimasumik qularnaveeqquserneqartassapput.
Imm. 2. Inuussutissarsiutinik siuarsaanerit aamma pitsaanerpaamik qularnaveeqquserneqartassapput, taakkulu pigisami, inuussutissarsiutinik siuarsaanermut taarsigassarsiffigineqartumi uppernarsaammik nalunaarsorneqarsimasumik qularnaveeqquserneqarsinnaapput.
Kapitali 3
Pisussaaffimmik sumiginnaanermi, naleqqussarnermi isumakkeerinermilu pissutsit immikkut ittut
Ilanngaassineq
§ 31. Kalaallit Nunaanni Namminersorlutik Oqartussanut tunngatillugu qinnuteqartoqakiitsunik akilinngitsuugaqarsimappat, Nunalerinermut Naalakkersuisoqarfik nalunaarut manna malillugu akiliuteqarnerni ilanngaassisinnaavoq.
Imm. 2. Aallaaviatigut ilanngaassinerup akiliuteqarnerit ataasiakkaat 33%-t qaangersimassanngilaa.
Piffissamik akiliiffissamik kinguartitsineq
§ 32. Nunalerinermut Naalakkersuisup qinnuteqartoqareernerani taarsigassarsisup piffissamut akiligassanut akiliinissaanik ukiut pingasut tikillugit kinguartitsisinnaapput:
1) qularnaveeqqusiissutaasup nalinga inuussutissarsiutinik siuarsaanermut taarsigassarsiat tamarmiusut inernerisa 60 %-ii sinnerlugit naleqartutut missiliorneqarpat, aamma
2) akiliisinnaannginneq akiliisinnaanngikkallarnertut naliliiffigineqarpat.
Imm 2. Akiligassat piffissalikkat imm. 1 naapertorlugu kinguartinneqarnissaannik qinnuteqaat kingusinnerpaamik 15. oktobarimi Nunalerinermut Naalakkersuisoqarfimmut tunniunneqassaaq.
Imm. 3. Piffissamut akiligassat kinguartinneqareernerini taarsigassarsisup piffissamut akiligassani akilersoqqilerpagit, piffissaq akilersuiffiusoq piffissamut akiligassat kinguartinneqarfiisa annertoqataanik sivitsorneqassaaq.
Imm. 4. Nunalerinermut Naalakkersuisoq pisuni immikkut ittuni piffissalikkamik akiligassat akilerneqarnissaannut ukiut pingasut sinnerlugit sivitsuisinnaavoq.
Piffissaq sioqqullugu tamakkiisumik akiliineq
§ 33. Taarsigassarsisoq taarsigassarsiat ernialersukkat akilernerat naammassissallugit imaluunniit ataqatigiissitsinikkut taarsigassarsiap ernialersukkap ilaa piffissaq sioqqullugu tamakkiisumik akilersinnaallugit pisinnaatitaavoq, taarsigassarsinermut isumaqatigiissummi allamik immikkut ittumik allassimasoqanngippat.
Imm. 2. Piffissaq sioqqullugu akiliineq taarsigassarsiat piffissami akilersorneqarfigisaanni sukkulluunniit pisinnaavoq.
Imm. 3. Piffissaq sioqqullugu tamakkiisumik akiliineq akiliuteqanngitsumik pisinnaavoq.
Imm. 4. Taarsigassarsianik ernialinnik imaluunniit ataqatigiissitsinikkut taarsigassarsiap ernialersukkap ilaa piffissaq sioqqullugu ttamakkiisumik akiliineq, § 29 malillugu akilersuinissamut tapiissutinut pisinnaatitaanermut attuumassuteqassanngilaq.
Imm 5. Taarsigassarsiat erniaqaratillu akilersugassaanngitsut imaluunniit ataqatigiissitsinikkut taarsigassarsiat erniaqaratillu akilersugassaanngitsut ilai piffissaq sioqqullugu tamakkiisumik akiliineq pillugu malittarisassanut ilaanngillat.
Aningaasaleeqqinnerit
§ 34. Nunalerinermut Naalakkersuisoq inuussutissarsiutinik siuarsaanermut taarsigassarsianit tunniunneqartunit nalunaarut manna malillugu, imaluunniit nunalerinerinermik inuussutissarsiornerup siuarsarneqarnissaanut siornatigut maleruagassiaasimasuni §§ 1-10 malillugit nutaanik inuussutissarsiutinik siuarsaanermut taarsigassarsititsinikkut akiitsunut akilinngitsuukkanut aningaasaleeqqissinnaavoq, imaappat:
1) aningaasaleeqqinnissaq nunaleriffiup ingerlaannarnissaaut pingaarutilerujussuartut naliliiffigineqarpat,
2) taarsigassarsisup taarsigassarsiat nutaat akilersorsinnaagai naliliiffigineqarpat, aamma
3) nunaleriffiup ineriartornissaanut aamma akiitsut akilersornissaanut ukiunut tallimanut pilersaarummit, Nunalerinermut Naalakkersuisoqarfimmit akuerineqartumik, peqarpat.
Imm. 2. Akiitsunut aningaasaleeqqinnermut inuussutissarsiutinik siuarsaanermut taarsigassarsiat piffissaq akilersorneqarfissaat sivisunerpaamik ukiunut qulinut aalajangerneqassaaq.
Taarsigassarsianik allannguineq
§ 35. Nunalerinermut Naalakkersuisup inuussutissarsiutinik siuarsaanermut taarsigassarsiat inuussutissarsiutinik siuarsaanermut taarsigassarsianut allanut allanngortissinnaavai, piffissamut akilersorneqarfissaannut pigisap inuussutissarsiutinik siuarsaanermut taarsigassarsititsiffigineqartup atasinnaaffissaatut naatsorsuutigineqartumit sivisunerunngitsumik sivisussusiliilluni:
1) inuussutissarsiutinik siuarsaanermut taarsigassarsiarineqartut ukiut tallimat sinnerlugit akilersorneqarsimappata, aamma
2) taarsigassarsisup inuussutissarsiutinik siuarsaanermut taarsigassarsiat nutaat akilersorsinnaagai nalilerneqarpat.
Tunniussineq
§ 36. Uani tunniunneqartut imaluunniit siusinnerusukkut aalajangersakkanut naapertuuttut malillugit inuussutissarsiutinik siuarsaanermi taarsigassarsianut akiligassallit allanngortinneqarsinnaanngillat.
§ 37. Nunalerinermik ingerlatamik tunniussinermi, matumani ilanngullugu kinguaariit nikinneranni, pigisat, tassunga ilanngullugit inuussutissarsiutinik siuarsaanermi taarsigassarsiat tunniunneqartut, nalilerneqassapput.
Imm 2. Naliliinermi niuernermi nalingata pisoqaassusianut, pitsaassusianut atorsinnaaneranullu tunngasut aallaavigineqassapput. Nunalerinermut Naalakkersuisoqarfiup pigisat nalinginik arlaannaannulluunniit attuumassuteqanngitsumit naliliisitsisoqassasoq illuatungeriinnut inassutigisinnaavaa.
Imm. 3. Naliliineq suliarineqartoq tunngavigalugu aamma nalunaarummi matumani malittarisassat malillugit piginnittunut nutaanut inuussutissarsiutinik siuarsaanermi taarsigassarsiat tunniunneqassapput.
Imm. 4. Tunniussinermut atatillugu inuussutissarsiutinik siuarsaanermi taarsigassarsiat atuuttut akilerneqassapput. Akiitsunik akilerneqarsimanngitsunik sinneruttoqarpat, pigisat tiguneqartut nalinginut naapertuutinngitsumik, taakku siusinnerusukkut taarsigassarsisup pisussaaffigissavai.
Imm 5. Tunniussinermi taarsigassarsianut erniaqaratillu akilersugassaanngitsunut imaluunniit ataqatigiissitsinikkut taarsigassarsiat erniaqaratillu akilersugassaanngitsut ilaannut akiliilluni utertitsisussaatitaaneq atorunnaartarpoq, inuussutissarsiutinik siuarsaanermi piumasaqaatini taamatut annertussuseqartut eqquutsinneqarpata. Piumasaqaatit naammassineqarsimanngippata tamakkiisumik ilaannakuusumilluunniit utertilluni akiliineq aalajangiiffigineqarsinnaavoq.
§ 38. Pigisanik, piginneqataassutinik imaluunniit atuisinnaanermut pisinnaatitaaffinnik tunniussineq, nunalerinermik ingerlatamik piginnittup allanngornerata piviusumik kingunerisassai, §§ 36 aamma 37 malillugit tunniussinermut naligiisinneqassapput, inatsisitigut ilusiligaanera apeqqutaatinnagu.
Inuussutissarsiutinik siuarsaanermut aningaasaliissutinik unitsitsineq
§ 39. Nunalerinermut Naalakkersuisup inuussutissarsiutinik siuarsaanermi taarsigassarsiat atorunnaarsissinnaavai, taamaalilluni taarsigassarsiat erniallit tamakkiisumik ilaannakuusumilluunniit tamakkerlugit akiliinissamut akiligassanngortillugit aamma taarsigassarsianut erniaqaratillu akilersugassaanngitsunut tamakkiisumik ilaannakuusumilluunniit akiligassanut utertillugit akiligassanngorlugit, piffissami taamaatitsinerup minnerpaamik qaammatit arfinillit iluanni, imaattoqarpat:
1) taarsigassarsisup ukiuni tulleriinni marlunni inuussutissarsiutigalugu nunalerineq pingaarnertut inuussutissarsiutigisimanngippagu, tak. nunalerinermik inuussutissarsiuteqarnerup siuarsarneqarnissaa pillugu Inatsisartut inatsisaanni § 4, imm. 2 aamma 3,
2) taarsigassarsisup nunalerinermik ingerlatsinissamut piumasaqaatit naammassisinnaajunnaarpagit, imaluunniit nunalerinermut pineqartumut oqartussaasunit akuersissummik allamik amigaateqarpat, imaluunniit
3) taarsigassarsisup taarsigassarsinermut piumasaqaatit atugassarititaasut annertuumik sumiginnarpagit.
Imm. 2. Nunalerinermut Naalakkersuisup illunik inuussutissarsiorfiusunik, nammineerluni illulianik, unnuissarfinnik imaluunniit imaluunniit innaallagissiorfinnik tigusinissamut inuussutissarsiutinik siuarsaanermut taarsigassarsiat taamaatissinnaavai, taakku inussutissarsiutinik siuarsaanermut taarsigassarsiat tunniunneqarnerinit ukiut qulit iluanni tunineqarpata.
§ 40. Nunalerinermut Naalakkersuisup taarsigassarsiat taamaatippagit, tak. § 29, imm. 3 imaluunniit § 39, taamaatitsinerup saqqummiunneqarneraniit inuussutissarsiutinik siuarsaanermut taarsigassarsiat ernialersorneqarnerat unissaaq.
Isumakkeerineq
§ 41. Akiitsut, nalunaarut manna imaluunniit siornatigut aalajangersagaasimasut assingusut naapertorlugit inuussutissarsiutinik siuarsaanermut taarsigassarsiaasimasut pillugit taarsigassarsisup qinnuteqareernerani, pissutsit immikkut ittut tunngavigalugit tamanna naammaginartutut isumaqarfigineqarpat, aammalu taarsigassarsisup akiliisinnaanani uppernarsarsinnaappagu, Nunalerinermut Naalakkersuisoq akiitsunik tamakkiisumik ilaannakuusumilluunniit isumakkeerinnissinnaavoq. Taarsigassarsisoq akiliisinnaanngitsutut isigineqassaaq, taarsigassarsisoq akiliisinnaanngippat, aammalu ukiuni qaninnerni inuussutissarsiutinik siuarsaanermut taarsigassarsiaminik appartitsisinnaanera ilimanaateqanngippat. Aamma isumakkeerinnittoqassappat, isumakkeerinninnerup taarsigassarsisup aningaasaqarnikkut atugaanik ataavartumik pitsannguiffiunissaata ilimanaateqarnissaa piumasarineqarpoq.
Imm. 2. Akiitsunik isumakkeerinninneq nalinginnaasumik pisinnaanngilaq:
1) Taarsigassarsisoq aningaasaqarnikkut mianersuaalliorluni iliuuseqarsimappat, taakkununngalu ilanngullugu ikinngitsunik akiitsoqalersimappat:
a) piffissami taarsigassarsisup aningaasaqarnikkut pisussaaffimminik naammassinnissinnaanngiffianni akiitsut pilersinneqarsimappata, tamatumani inuussutissarsiornermut akiitsut niuernikkut tunngavilersugaalluartut imaluunniit taarsigassarsianik allannguineq tunngavilersugaalluartoq pineqanngippat,
b) taarsigassarsisup aningaasaqarnikkut annaasaqarfiusinnaasunik, taarsigassarsisup aningaasaqarnikkut atugaanut naleqqutinngitsunik iliuuseqarneratigut pilersimappata,
c) pisariaqanngitsumik atuinissaq siunertaralugu pilersinneqarsimappata, tamatumani pissutsit immikkut ittut peqqutaallutik naammaginartutut isigineqarsinnaanerisa kingunerisaanik akiitsortoqarsimanngippat, imaluunniit
d) pisortanut namminersortunulluunniit amerlasuunik allanik akiitsoqarsimappat, piffissap ingerlanerani ataqatigiissakkamik pilersinneqarsimasunik,
2) Taarsigassarsisoq nunalerivimminik ingerlatsinermi niuernikkut mianersuaalliorujussuarsimappat.
3) Taarsigassarsisoq ingerlaavartumik isertitaqartarnermini imaluunniit allatigut isertitaqartarnermini naammaginartumik periarfissaqaraluarluni akiitsuminut akilersuinngitsoorsimappat.
Imm. 3. Aamma taarsigassarsisup kingusinnerpaamik isumakkeerinninnermut peqatigitillugu pigisaminik, nunalerivimmik ingerlatsinermut attuumassuteqartunik tamanik tunisisimanissaa, isumakkeerinninnissamut piumasarineqarpoq.
Imm. 4. Nunalerinermut Naalakkersuisup isumakkeerinninnissamik aalajangiinermini
akiitsut pisoqaassusii pingaartissavai.
Imm. 5. Isumakkeerinninneq taamaallaat inuinnarnut suliffeqarfinnullu, piginneqataasut tamarmik immikkut suliffeqarfiup pisussaaffiinut killeqanngitsumik nammaqatigiillutillu akiliisussaaffigisaannut atorneqarsinnaavoq.
Kapitali 4
Atortuulerfia
§ 42. Nalunaarut manna 15. september 2026-imi atuutilerpoq.
Imm. 2. Peqatigisaanik Nunalerinermik inuussutissarsiuteqarnermut inuussutissarsiutinik siuarsaaneq pillugu Namminersorlutik Oqartussat nalunaarutaat nr. 73, 21. december 2024-meersoq atorunnaarpoq.
Namminersorlutik Oqartussat, ulloq 21. august 2026
Peter Borg (atsior.)
Aalisarnermut, Piniarnermut, Nunalerinermut Imminullu Pilersornermut Naalakkersuisoq
/ Emanuel Rosing (atsior.)