Soraarnerussutisiaqalernissamut aaqqissuussinermut peqataasussaatitaaneq pillugu Inatsisartut inatsisaat, Namminersorlutik Oqartussat nalunaarutaat nr. 67, 25 september 2025-meersoq naapertorlugu, imatut allannguisoqarpoq:

§ 1

1.  § 2, imm. 4, imatut oqaasertalerneqarpoq:

”  Imm. 4 Imm. 2, nr. 1-4, aalajangersakkani tjenestemandit atorfeqarnerminni katersaat ilaapput.”

2.  § 3, imm. 1-imi oqaaseqatigiit aappai ima allanneqassapput:

“ Ukioq isertitaqarfik 2024-mit 2025-mut procenti ukiumut 1 procentimik qaffaassaaq, taamaasilluni 2025-mi qaffasissuseq 9 procentinngorluni.”

3.  § 7-imi tulliuttoq immikkoortoq 8-tut ilanngunneqassaaq:

“  Imm. 8. Imm. 3-6-imi aalajangersakkat ukiut isertitaqarfiit 2026-mut aamma 2027-mut atuutinngillat.”

4.  § 7-ip kingorna ilanngunneqarpoq:

”  § 7 a.  Ukiunut isertitsiviusunut 2026-mi 2027-milu skattekortinik imaluunniit akileraarutinut allagartamik tunniussinermi akileraarutit procentiannut tapiliussamik akiliisitsisoqarsinnaanngilaq akileraarnermut allagartat qaffanneqarsinnaanatik.

  Imm. 2. Akileraarutinik ingerlatsiviup ileqqaartussaataanermik eqqortitsinnginnerit (nikingassutit) kingusinnerpaamik ulloq 1. januar 2026-mi akiligassanngortut inuup soraarnerussutisiassanik ileqqaarnermut aaqqissuussineranut nuussavai.

§ 2

Inatsisartut inatsisaat atuutilernerata nalunaarutigineqarnerata aqaguani atuutilerpoq, taamaattoq takuuk imm. 2.

  Imm. 2. Inatsisartut inatsisaat ukiumut isertitaqarfiusumut 2026-mut kinguliinullu atuuppoq.

  Imm. 3. 2026-mut Aningaasanut inatsimmi siunertamut kontomut 24.10 Toqqaannartumik akileraarutit, oqaasertaliussaq nr. 6, atorunnaarsinneqarpoq.

Namminersorlutik Oqartussat, ulloq 29. maaji 2026

Jens-Frederik Nielsen