§ 1 

Inissianut tapiissuteqartarnermut taarsigassarsisarneq pillugu Inatsisartut inatsisaanni nr. 40, 28. november 2019-imeersumi makkuninnga allannguisoqarpoq:

1. § 28, imm. 1, nr. 5, ima oqaasertalerneqassaaq:

”5)  Inissiaq taarsigassarsisumut imaluunniit attartortumut taassumalu inoqutigiivinut najugaqarfissatut aammalu aalajangersimasumik najugaqarfittut atornagu siunertanut allanut tamakkiisumik ilaannakortumilluunniit atorneqarpat. Taamaattoq inuussutissarsiutit mikinerusut namminersortut taarsigassarsisumit imaluunniit attartortumit taassumalu inoqutigiivinit ingerlanneqartut mininneqarput.”

§ 2

Inatsisartut inatsisaat 1. januar 2025-mi atuutilissaaq.

  Imm. 2.  Inatsisartut inatsisaanni taarsigassarsiat tapersiissutitalimmik inissialiortiternermut taarsigassarsititsisarneq pillugu Inatsisartut inatsisaat imaluunniit tapersiissutitalimmik inissialiortiternermut taarsigassarsititsisarneq pillugit siusinnerusukkut inatsisaasimasut naapertorlugit tunniunneqartut ilaatinneqarput.

  Imm. 3.  Inatsisartut inatsisaani taarsigassarsinissanut neriorsuinerit ilaareersut tapersiissutitalimmik inissialiortiternermut taarsigassarsititsisarneq pillugu Inatsisartut inatsisaat imaluunniit tapersiissutitalimmik inissialiortiternermut taarsigassarsititsisarneq pillugu siusinnerusukkut inatsisaasimasut naapertorlugit ulloq 1. januar 2025 sioqqullugu tunniunneqartut ilaatinneqarput. 

Namminersorlutik Oqartussat, ulloq 25. novembari 2024

Múte Bourup Egede (atsior.)

Naalakkersuisut Siulittaasuat