§ 1

Utoqqalinersiaqarneq pillugu Inatsisartut inatsisaanni, tak. Namminersorlutik Oqartussat inatsimmik nalunaarutaat nr. 10, 24. marts 2023-meersoq, Inatsisartut inatsisaat nr. 36, 13. juni 2023-meersup aamma Inatsisartut inatsisaat nr. 70, 20. november 2023-meersup malitsigisaanik allanngortinneqartoq, tulliuttut allannguutigineqassapput:

1. Nutaatut § 5, imm. 2, ikkunneqassaaq:

”  Imm. 2.  Utoqqalinersiallit utoqqalinersiaqarsinnaatitaanngitsumik aappaqarlutik inuusut, utoqqalinersianut tapisiaqartinneqassapput utoqqalinersialimmut kisermaamut akigititap annertoqataanik, tak. § 10, imm. 1, utoqqalinersialik aappaalu ukiumut katillugit kr. 300.000-t inorlugit, Inunnut Isumaginninnikkut isumannaallisaaneq pillugu Nunat Avannarliit isumaqatigiissutaat malillugu utoqqalinersiat pensionisiallu ilanngunnagit, isertitaqartarpata. Utoqqalinersianut tapeq utoqqalinersialinnut kisermaanut malittarisassat malillugit appariartuaartinneqassaaq, tak. § 10, imm. 2 aamma imm. 3.”

Imm. 2 tamatuma kingorna imm. 3-nngussaaq.

§ 2

Inatsisartut inatsisaat ulloq saqqummiunneqarfiata aqaguani Inatsisartut inatsisaat atuutilissaaq aamma qaammatip tulliani utoqqalinersianik tunniussinermut siullermeertumik sunniuteqassalluni.

  Imm. 2.  Peqatigalugu 2024-mut aningaasanut inatsimmi oqaasertaliussaq, kontumut pingaarnermut 31.03.08 Utoqqalinersiat, Inatsisartut Aningaasaqarnermut Akileraartarnermullu Ataatsimiititaliaannit ulloq 16. januar 2024 akuersissutigineqartoq, atorunnaarsinneqarpoq.

Kalaallit Nunaanni Namminersorlutik Oqartussat, ulloq 16. maaji 2024

Múte Bourup Egede (atsior.)

Naalakkersuisut Siulittaasuat