Ittoqqortoormiinut nalunaaquttap ingiaqatigiiffianik aasaaneranilu nalunaaquttap aalajangersarneqarallarnerat pillugu Namminersorlutik Oqartussat nalunaarutaat
Nalunaaquttap aalajangersarneqarnera pillugu Inatsisartut inatsisaat nr. 31, 25. novembari 2022-meersumi § 1, imm. 2 aamma 3 naapertorlugit aalajangersarneqarput:
§ 1. Ittoqqortoormiinut nalunaaquttap ingiaqatigiiffiat UTC -1-imut aalajangersarneqarpoq.
§ 2. Ulloq 26. marts 2023, nal. 01:00, UTC +0-imi, Ittoqqortoormiini nalunaaqutaq piffissami tassani 00:00-nngorpat, Ittoqqortoormiit aasaanerani nalunaaquttamut ikaarsaassaaq, taamaattumik nalunaaqutaq nal. 01:00-imut nalunaaquttap akunneranik ataatsimik siuartinneqassalluni.
§ 3. Nalunaarut manna ulloq 25. marts 2023, nal. 22:00 atuutilerpoq, aammalu ulloq 28. oktober 2023, nal. 22:00 atorunnaarsinneqassalluni.
Namminersorlutik Oqartussat, ulloq 24. marsi 2023
Múte Bourup Egede (sign.)
Naalakkersuisut Siulittaasuat
/ Hans-Peder Barlach Christiensen (sign.)