§ 1

Ittoqqortoormiinut nalunaaquttap ingiaqatigiiffianik aasaaneranilu nalunaaquttap aalajangersarneqarallarnerat pillugu Namminersorlutik Oqartussat nalunaarutaanni nr. 9, 24. marts 2023-meersumi makkua allanngortinneqarput:

1. § 2 aamma 3 imatut oqaasertalerneqarput:

”  § 2.  Ulloq 26. marts 2023, nal. 01:00, nalunaaqutaq UTC +0, Ittoqqortoormiini nalunaaqutaq piffissami tassani 00:00-nngorpat, Ittoqqortoormiit aasaanerani nalunaaquttamut ikaarsaassaaq, taamaattumik nalunaaqutaq nal. 01:00-nngorlugu nalunaaquttap akunneranik ataatsimik siuartinneqassalluni.

  Imm. 2. Ulloq 29. oktober 2023, nal. 01:00, nalunaaqutaq UTC +0, Ittoqqortoormiini nalunaaqutaq piffissami tassani 01:00-nngorpat, Ittoqqortoormiit nalunaaquttamut nalinginnaasumut ikaarsaassaaq, taamaattumik nalunaaqutaq nal. 00:00-mut utertillugu nalunaaquttap akunneranik ataatsimik kinguartinneqassalluni.

  § 3.  Nalunaarut manna ulloq 25. marts 2023, nal. 22:00 atuutilerpoq, aammalu ulloq 30. marts 2024, nal. 23:00, nalunaaqutaq UTC -2 atorunnaassalluni.”

§ 2

Nalunaarut manna ulloq 28. oktober 2023 atuutilerpoq.

Namminersorlutik Oqartussat, ulloq 27. oktober 2023

Múte Bourup Egede (atsior.)

Naalakkersuisut Siulittaasuat

/ Simigaq Broberg (atsior.)