Pisortani Digitalimik Allakkerineq pillugu Inatsisartut inatsisaat nr. 14, 8. juni 2017-imeersumi § 13 imm 4-mi allassimasut aammalu naalagaaffimmi oqartussaqarfimmiut isumaqatigiissuteqarfigineqarneri malillugit aalajangiunneqarpoq:

  § 1.  Naalagaaffiup Kalaallit Nunaanni suliffeqarfiutai Pisortani Digitalimik Allakkerinermut peqataalissasut.

  Imm. 2.  Peqataalernermi suliffeqarfik Pisortani Digitalimik Allakkerineq pillugu Inatsisartut inatsisaanni nalunaarusiallu tassumunnga attuumassutilinni piumasaqataasunut atugassarititaasunullu piumasaqaateqarfigineqassapput.

  Imm. 3.  Peqataalernermi suliffeqarfik Pisortani Digitalimik Allakkerineq pillugu kaajallaasiani piumasaqataaasunut piumasaqaateqarfigineqassapput.

  § 2.  Peqataalerneq pisinnaavoq Digitalimik Sullissinermut Aqutsisoqarfik isumaqatigiissuteqarfigineratigut.

  Imm. 2.  Digitalimik Sullissinermut Aqutsisoqarfiup misissussavai nalunaarusiami uani piumasaqaatigineqartut naammassineqarnersut.

  Imm. 3.  Digitalimik Sullissinermut Aqutsisoqarfimmit naalagaaffiup suliffeqarfiutai Pisortani Digitalimik Allakkerinermut peqataalersut avammut nalunaarutigineqassapput.

  § 3.  Nalunaarusiaq 1. apriili 2023 atortuulissaaq.

Namminersorlutik Oqartussat, ulloq 14. marsi 2023

Múte Bourup Egede (atsior.)

Naalakkersuisut siulittaasuat

/ Hans-Peder Barlach Christensen (atsior.)