§ 1

Utoqqalinersiaqarneq pillugu Inatsisartut inatsisaanni, tak. Namminersorlutik Oqartussat inatsimmik nalunaarutaat nr. 3, 7. februar 2022-meersoq, Inatsisartut inatsisaata nr. 9, 20. juni 2022-meersup malitsigisaanik allanngortinneqartumi, tulliuttut allangortinneqarput:

1. § 9, imm. 1 imatut oqaasertalerneqarpoq: 

”Utoqqalinersiat toqqammaviusut piffissami 1. juli 2022-miit 31. december 2022 ilanngullugu ukiumut 74.652 kr-it angullugit annertussuseqarput. Tamatuma kingorna utoqqalinersiat toqqammaviusut 1. januar 2023 aallarnerfigalugu ukiumut 76.369 kr-it angullugit annertussuseqarput.”

§ 2

Siusinaartumik pensionisiat pillugit Inatsisartut inatsisaanni, tak. Namminersorlutik Oqartussat inatsimmik nalunaarutaat nr. 2, 4. februar 2022-mersooq, Inatsisartut inatsisaata nr. 9, 20. juni 2022-meersup aamma Inatsisartut inatsisaata nr. 18, 21. november 2022-meersup malitsigisaannik allanngortinneqartumi, tulliuttut allanngortinneqarput:

1. § 17, imm. 2 imatut oqaasertalerneqarpoq: 

”  Imm. 2. Siusinaartumik pensionisiat qaffasinnerpaat piffissami 1. juli 2022-miit 31. december 2022 ilanngullugu ukiumut 126.951 kr-it angullugit annertussuseqarput. Tamatuma kingorna siusinaartumik pensionisiat qaffasinnerpaat ulloq 1. januar 2023 aallarnerfigalugu ukiumut 129.870 kr-it angullugit annertussuseqarput.”

§ 3

Inatsisartut inatsisaannik tamanut saqqummiussinerup aqaguani Inatsisartut inatsisaat manna atuutilissaaq, aammalu utoqqalinersiaqarnermut siusinaartumillu pensionisiaqarnermut 1. juli 2022-miit sunniuteqalersumik atuutilissalluni.

Namminersorlutik Oqartussat, ulloq 13. juuni 2023

Múte Bourup Egede (atsior.)

Naalakkersuisut Siulittaasuat