Nappaatit tunillaassortut akiorniarlugit iliuutsit pillugit Inatsisartut peqqussutaanni nr. 10, 20. juni 2022-imeersumi § 2, imm. 5 kiisalu § 45, imm. 1 naapertorlugit, aamma Nunatta Nakorsaaneqarfianiit innersuussutit aamma Tunillaassortunik Nappaalanersuaqarneranut Ataatsimiititaliarsuaq isumasiorneqarnera, naapertorlugit aalajangersarneqarpoq:

Nappaatit inunnut nalinginnaasumik ulorianartut

  § 1.  Nappaatit makku inunnut nalinginnaasumik ulorianartunut qallunaatut, latiinerisut aamma nunat tamalaat akornanni taaguutinut ilaapput:
1)  Kopper, Variola aamma Smallpox.
2)  Pest, Pestis aamma Plague.
3)  Polio, Poliomyelitis anterior acuta aamma Poliomyelitis.
  Imm. 2.  Nappaatit makku nappaatinut inunnut nalinginnaasumik ulorianartunut qallunaatut, latiinerisut aamma nunat tamalaat akornanni taaguutinut ilaapput:
1)  Corona Virus 2019 (COVID-19) aamma Novel Coronavirus 2019 (COVID-19).
2)  Ebola aamma Ebola virus disease.
3)  Ekstensivt resistent tuberkulose (XDR-TB) aamma Extensively drug-resistant mycobacterium tuberculosis (XDR-TB).
4)  Timmissat nappaataat pissutigalugu A(H5) aamma A(H7N9) subtyper aamma Avian influenza, A(H5) aamma A(H7N9) subtypes.
5)  Krim-Congo hæmoragisk feber aamma Crimean-Congo haemorrhagic fever.
6)  Lassa-feber aamma Lassa Fever.
7)  Marburg-sygdom aamma Marburg virus disease.
8)  Middle East respiratorisk syndrom (MERS) aamma Middle East respiratory syndrome (MERS).
9)  Nipahvirus sygdom aamma Nipah virus infection.
10)  Pandemisk influenza aamma Pandemic influenza.
11)  Svær Akut Respiratorisk Syndrom (SARS) aamma Severe Acute Respiratory Syndrome (SARS).

Nalunaaruteqartarnermi aaqqissuussaq

  § 2.  Peqqissaanermik suliaqartut akuerisat inuinnaallu imaluunniit suliffeqarfiit, laboratioriami misissueqqissaarnermik ingerlatsisut, § 1-mi nappaatit taakkartorneqartunit paasisaqareernerup kingorna piaartumik Nunatta Nakorsaaneqarfianut nalunaarutigissavaat.
  Imm. 2.  Nunatta nakorsaaneqarfiata nalunaarutiginninneq naammattumik malinnaaviginiassammagu imm. 1 naapertorlugu nalunaarutiginninneq paasissutissanik pisariaqartunik imaqassaaq.

Atortuulersitsineq

  § 3.  Nalunaarut 1. juli 2022-mi atuutilissaaq.

Namminersorlutik Oqartussat, ulloq. 30. juuni 2022

Mimi Karlsen
Peqqinnissamut Naalakkersuisoq

/ Nike Berthelsen