Quppernerup imai iserfigikkit
Oqaatsit toqqakkit
Ujaasinermut uterit
Inatsisit
Nr. 20
21. novembari 2022
Atuuttut

Akileraaruserinermik ingerlatsineq pillugu Inatsisartut inatsisaata allanngortinneqarneranik Inatsisartut inatsisaat
(Digitalimik kiffartuussisarfikkoortumik ingerlatsinerit pillugit paasissutissanik nalunaarutiginnittarneq)

§ 1

 

Akileraaruserinermik ingerlatsineq pillugu Inatsisartut inatsisaanni nr. 11, 2. november 2006-imeersumi, kingullermik Inatsisartut inatsisaanni nr. 12, 1. december 2021-mi allanngortinneqartumi, tulliuttut allannguutigineqarput:

 

1. § 33 f-ip kingorna ilanngunneqassaaq:
”  § 33 g.  Qarasaasiakkut kiffartuussisarfikkoortumik tuniniaasartut kiisalu pisisartut akornanni attaveqartitsisoq akissarsianillu akunnermiliuttoq, akileraarutissat annertussusilernissaannut atugassanik ukiut tamaasa kaammattorneqarani akileraartarnermi ingerlatsivimmut sullissinerup imarisai pillugit, tassani ilanngullugit ateq, najugaq, akissarsianik, nioqqummik imaluunniit kiffartuussinermik tigusisup CPR imaluunniit CVR-nr.-a, akissarsiat ingerlateqqinneqartut annertussusaa kiisalu kontonormu, akissarsiat ikineqarfiat il.il. pillugit paasissutissiissaaq.
  Imm. 2.  Imm. 1, nioqqutinik imaluunniit kiffartuussinernik sullissisoq taxacentraliuppat imaluunniit suliffeqarfik allaappat, sullissinermut atatillugu nammineq ateq imaluunniit nammineq aningaasartuutigalugu angallassinermik suliaqartartoq pineqarpat atuutissanngilaq.
  Imm. 3.  Naalakkersuisut imm. 1 aamma 2 naapertorlugu paasissutissanik tunniussineq pillugu malittarisassanik sukumiinerusunik aalajangersaasinnaapput.”

 

§ 2

 

Inatsisartut inatsisaat ulloq 1. januar 2023 atuutilissaaq.

 

 

Namminersorlutik Oqartussat, ulloq 21. novembari 2022.

 

 

 

Múte Bourup Egede
Naalakkersuisut Siulittaasuat