§ 1

Tusagassiorfinnut tapiissuteqartarneq pillugu Inatsisartut inatsisaat nr. 20. 28. november 2016-imeersumi ima allannguuteqarpoq:

1. § 1 imatut oqaasertalerneqarpoq:
”  § 1.  Inuiaqatigiinnut paasissutissanik ingerlatitseqqiinermik, inuinnaat naalakkersueqataaneranni oqallinnermik tusagassiornermilu tamatiguussusermik siuarsaanermik siunertaqartunut nuna tamakkerlugu, naqitanngorlugit tusagassiorfinnut ukiumoortumik ingerlatsinermut tapiissutitut, aningaasanut inatsimmi aningaasaliissutit aalajangersimasut iluini qinnuteqartoqareerneratigut Naalakkersuisut tusagassiuutinut tapiissuteqartoqarsinnaapput.
  Imm. 2.  Ingerlatsinermut tapiissutit imatut paasineqassapput ingerlaavartumik ingerlatsinermi aningaasartuutinut, tassunga ilanngullugit sulisunut ininullu aningaasartuutinut, nalinginnaasumik aallakaatitassiornermut tapiissutit."

2. § 2, imm. 1, imatut oqaasertalerneqarpoq:
”  Nutaarsiassanik oqallisaasunillu tusagassiorfinnut namminersortunut, sumulluunniit attuumassuteqanngitsunut, naqitanngorlugit allatanik, imarisaannik Kalaallit Nunaanni atuartartunut aaqqissuisartunut nunaniluunniit allani pisunik Kalaallit Nunaanni pissutsinut tunngassuteqartitsisartunut tapiissuteqartoqarsinnaavoq".

3. § 2, imm. 5, atorunnaarsinneqarpoq.

4. Kapitali 2 aamma 3 atorunnaarsinneqarput.

5. Kapitali 4-imi qulequtaq imatut oqaasertalerneqassaaq:

“Kapitali 4

Tapiissuteqarnermut piumasaqaatit, qinnuteqartarneq akilerneqarnerlu"

6. § 15-imut aamma § 16-imut qulequtaq peerneqarpoq.

7. § 15 atorunnaarsinneqarpoq.

8. § 16 ima oqaasertalerneqassaaq:
”  § 16.  Tapiissuteqarfigineqarnissamut piumasaqaataavoq: 
1)  tusagassiorfik Kalaallit Nunaanni angerlarsimaffeqassaaq,
2)  tusagassiorfik piffissami tapiiffigineqarfimmi tamarmi akisussaasumik aaqqissuisoqassaaq, 
3)  ukiumi qinnuteqarfiusumi ukiorluunniit qinnuteqarfik sioqqullugu suliffeqarfik qinnuteqartup aallartissimanngippagu tusagassiorfik akisussaalluni aaqqissuisoq peqatigalugu minnerpaamik ukioq tamaat suliffiusunik pingasunik katillugit tiimeqartunik aaqqissuussisartunik sulisoqassaaq,
4)  saqqummersitat politikkikkut, inuiaqatigiinnik kulturimillu sammisaqarfiunerusunik tusagassiortut namminneq suliarisaannik tusagassianik imaqassapput, tassani takoqqusaarutit ilanngunnagit imarisaata ikinnerpaamik affai sammisaqarfiit assigiinngiiaartut pillugit ilanngutassianik aamma nutaarsiassanik oqallisigineqartunik sammisaqarluni aaqqissuisuneersunik tusagassianik imaqassapput,
5)  inuussutissarsiortut sulianilluunniit suliarinnittartut, sulisut, sulisitsisut inuussutissarsiutilluunniit immikkoortuisa kattuffii, politikkikkut partiit sulisoqarfinniluunniit assigiinngitsuni sulisut kisiisa saaffigiinnarnagit atuisunut assigiinngiiaartunut saqqummersitat saaffiginnittuussapput, 
6)  saqqummersitat minnerpaamik kalaallisut allassimassapput,
7)  tusagassiorfik minnerpaamik qaammammut ataasiarluni nuna tamakkerlugu naqitanngorluni saqqummertassasoq, 
8)  qinnuteqarnissamut piffissaliussatut aalajangersarneqartoq nallertinnagu ingerlatsinermut tapiiffigineqarnissamut qinnuteqaat Naalakkersuisunit tiguneqareersimassasoq, tak. § 17, imm. 1, aamma
9)  kingusinnerpaamik tapiiffigineqarnissamik qinnuteqaateqartoqarnera peqatigitillugu qinnuteqartup naatsorsuutai kukkunersiuisumit oqaaseqaateqarfigineqarnikut kingulliit uppernarsaatissallu pisariaqartut Naalakkersuisut tigusimassagaat, tak. § 17, imm. 2 aamma 3.
  Imm. 2.  Tapiissutinut aningaasaliissutinut atasunik piumasaqaatit piumasarineqarsinnaapput.”.

9. Kapitali 5-imi qulequtaq imatut oqaasertalerneqassaaq:

“Kapitali 5

Allaffissornikkut aqutsineq nakkutilliinerlu"

10. §§ 20- 22 atorunnaarsinneqarput taakkununngalu qulequtaritinneqartoq peerneqarluni.

11. § 23-mut qulequtaq peerneqarpoq § 23-lu imatut oqaasertalerneqassaaq:
”  § 23.  Inatsisartut inatsisaat una tapiissuteqarnermullu piumasaqaataasinnaasut naapertorlugit tapiissutit atorneqarnerannik, tapiissut pillugit malittarisassat eqqortinneqarnerannik Naalakkersuisut nakkutilliissapput.
  Imm. 2.  Ukiumut tapiissuteqarfiusumut tunngatillugu Naalakkersuisut tapiissuteqarfigineqartoq nakkutilliinermut pisariaqartunik qaqugukkulluunniit paasissutisseeqqusinnaavaat".

§ 2

Inatsisartut inatsisaat atortuulerpoq ulloq 1. januar 2023.

Namminersorlutik Oqartussat, ulloq 21. novembari 2022

Múte Bourup Egede
Naalakkersuisut Siulittaasuat