Ilisimatusarfik pillugu Inatsisartut inatsisaanni nr. 12, 12. juni 2019-imeersumi § 11 naapertorlugu aalajangersarneqarpoq:

Akissarsiaqartitsineq

  § 1.  Siulersuisut siulittaasuata ukiumut akissarsiai kr. 70.000-inik annertussuseqarput. Siulersuisunut ilaasortat sinneri avataaneersut ukiumut akissarsiaat kr. 35.000-inik annertussuseqarput.

  § 2.  Akissarsiat qaammatikkaartumik, ukiumut aqqaneq-marloriarluni kingumoortumik tunniunneqartassapput.
  Imm. 2.  Siulersuisunut ilaasortaq qaammatip ingerlanerani ilaasortanngussappat siulersuisunut ilaasortap ullut atuuffii aallaavigalugit ullormut akissarsiaqassaaq, akissarsiat § 1-imi aningaasat amerlassusaasa taaneqartut 1/365-erutaanik. Taamatut assinganik atuuppoq siulersuisunut ilaasortaq qaammatip ingerlanerani ilaasortaajunnaarpat.

Aningaasartuutinik taartisiaqarneq

  § 3.  Aningaasartuutit, taakkununnga ilanngullugit angalanernut, nerisaqarnermut najugaqarnermullu aningaasartuutit, Ilisimatusarfiup siulersuisuisa sulinerani akilerneqartut Kalaallit Nunaanni Namminersorlutik Oqartussani tjenestemandinut malittarisassat qaqugukkulluunniit atuuttut naapertorlugit siulersuisunut ilaasortanut ajunngitsorsiaritinneqassapput.

Atuutilerfia

  § 4.  Nalunaarut manna 1. august 2020-mi atuutilissaaq.

Namminersorlutik Oqartussat, ulloq 30. juni 2020.

Ane Lone Bagger

/

Karsten Peter Jensen