Quppernerup imai iserfigikkit
Oqaatsit toqqakkit
Ujaasinermut uterit
Allaffissornikkut najoqqutassiat
Nr. 15
24. oktobari 2019
Atuuttut

Aningaasatigut kontonik nunanut allanut attuumassutilinnik kinaassutsimik uppernarsaasarneq nalunaaruteqartarnerlu pillugit Namminersorlutik Oqartussat nalunaarutaat

Akileraaruserinermik ingerlatsineq pillugu Inatsisartut inatsisaanni nr. 11, 2. november 2006-imeersumi Inatsisartut inatsisaatigut nr. 9, 8. juni 2014-imeersukkut allanngortinneqartumi § 35 a naapertorlugu aalajangersarneqarpoq:

 

Kapitali 1
Nassuiaatit

 

  § 1.  Nalunaarummi uani naqinnernik angisuunik aallartiffillit kapitali manna naapertorlugu pingaaruteqassusiat malillugu paasineqassapput.
  Imm. 2.  Oqaaseq sunaluunniit atorneqartoq nalunaarummi uani nassuiarneqanngitsoq OECD-p akileraartarnermut tunngasuni aningaasatigut kontonik paarlaateqatigiittarneq pillugu nalinginnaasumik periusai
(Standard for Automatic Exchange of Financial Account Information in Tax Matters), tassunga oqaatigineqartut ilanngullugit, naapertorlugit paasineqarlutnilu atornassaaq.


Aningaaserivik nalunaaruteqartoq

 

  § 2.  Oqariartaaseq ”aningaaserivik nalunaaruteqartoq” tassaavoq Kalaallit Nunaanni aningaaserivik, nalunaaruteqartanngitsutut aningaaseriviunngitsoq.
  Imm. 2.  Oqariartaaseq ”Kalaallit Nunaanni aningaaserivik” tassaavoq:
1)  aningaaserivik Kalaallit Nunaanniittoq, tamatumani pineqaratik aningaaseriviup pineqartup immikkoortortai Kalaallit Nunaata avataaniittut aammalu
2)  aningaaseriviup immikkoortortaa Kalaallit Nunaanniittuunngitsup immikkoortortaa Kalaallit Nunaanni inissisimasoq.
 Imm. 3.
Oqaaseq “inatsisit atortinneqarfianni aningaasanik niueruteqarnermik ingerlatsivik” isumaqarpoq
1)  aningaasanik niueruteqarnermik ingerlatsivik, inatsisit atuutsinneqarfianni angerlarsimaffeqartoq, tassani aningaasanik niueruteqarnermik ingerlatsivimmut immikkoortoq inatsisit atuutsinneqarfianut ilaasut avataanni inissisimasoq, aamma
2)  aningaasanik niueruteqarnermik ingerlatsivimmut immikkoortoq, inatsisit atuutsinneqarfianut peqataasuni angerlarsimaffeqanngitsoq, immikkoortortaali inatsisit atuutsinneqarfianni inissisimasoq.


  § 3.  Aningaaserivik inatsisitigut oqartussaaffimmi peqataasumi, tassungalu ilanngullugu Kalaallit Nunaanni ”angerlarsimaffeqarpoq”, taanna inatsisitigut oqartussaaffimmi peqataasumi inatsisinik malinnittussaatitaappat, tassa imaappoq Inatsisitigut oqartussaaffeqarfik peqataasoq aningaaseriviup nalunaaruteqartussaatitaanera inatsisitigut aqutsivigisinnaagaa. Ataatsimut isigalugu aningaaserivik inatsisitigut oqartussaaffimmi peqataasumi akileraartarnikkut angerlarsimaffeqartoq tassani inatsisinik malinnittussaatitaavoq, taamaalillunilu inatsisitigut oqartussaaffimmi peqataasumi aningaaseriviulluni.
  Imm. 2.  Aningaasaateqarfik aningaaseriviusoq inatsisitigut oqartussaaffimmi peqataasumi akileraartarnikkut angerlarsimaffeqarnera apeqqutaatinnagu taassuma aqutsisua ataaseq arlallilluunniit inatsisitigut oqartussaaffimmi peqataasumi tassani angerlarsimaffeqarpata Inatsisigut oqartussaaffeqarfimmi peqataasumi inatsisinik malinnittussaatitaapput, kontot nalunaarutigineqartussaatitaasut aningaasaateqarfimmit aqunneqartut aningaasaateqarfiup kapitali 9 naapertorlugu nalunaarutigineqartussaatitaasut eqqarsaatigalugit paasissutissat tamaasa Inatsisitigut oqartussaaffimmut allamut nalunaarutiginngippagit, tassa taanna inatsisitigut oqartussaaffimmi allami tassani akileraartarnikkut angerlarsimaffeqarnera pissutigalugu.
  Imm. 3.  Aningaasaateqarfik eqqaassanngikkaanni aningaaserivik, assersuutigalugu akileraartarnikkut ersarissumik akileraaruteqartartutut imaluunniit inatsisitigut oqartussaaffimmi isertitatigut akileraarfiunngitsumi inissisimasutut isigineqarnini pissutigalugu akileraartarnikkut angerlarsimaffeqanngitsoq inatsisitigut oqartussaaffimmi inatsisinik malinnittussaasutut isigineqarpoq, taamaalillunilu Inatsisitigut oqartussaaffimmi peqataasumi aningaaseriviussaaq:
1)  inatsisitigut oqartussaaffiup peqataasup inatsisai naapertorlugit nalunaarsorneqarsimaguni,
2)  aqutsisut, tassungalu ilanngullugit aqutsisuiit inatsisitigut oqartussaaffimmi peqataasumi angerlarsimaffeqarpata, imaluunniit
3)  inatsisitigut oqartussaaffimmi peqataasumi aningaasaqarnikkut nakkutilliivigineqartussaatitaaguni.
  Imm. 4.  Aningaasaateqarfik eqqaassanngikkaanni aningaaserivik inatsisitigut oqartussaaffinni peqataasuni marlunni arlalinniluunniit angerlarsimaffeqaruni aningaaserivik taanna aningaasatigut kontominik ataatsimik arlalinnilluunniit ingerlatsivigisaminut atatillugu nalunaartussaatitaanermi pisussaaffinnik aammalu peqqissaartumik periuseqarnissamik pisussaaffinnik inatsisitigut oqartussaaffimmi peqataasumi atuuttunik malinnittussaatitaavoq.

 

  § 4.  Konto aningaaserivimmit ingerlanneqartutut ima isigineqassaaq:
1)  Aningaaserivimmi kontoppat, aningaaserivimmi kontomi pigisanik nalilinnik aqutsisumi, tassungalu ilanngullugu aningaaserivimmi aningaaserivimmi taamaattumi kontomik pigisalik sinnerlugu aningaaseriviup nammineq aqqa malillugu pigisanik nalilinnik tigummisaqartumi konto imaaliallaannaq tiguneqarsinnaanngitsunik imalik.
2)  Aningaaserivimmi konto aningaaserivimmi aallaqqaasiutitut akiliutinut konto pillugu akiliisussaatitaasumi kontoppat, tamatumani pineqarnani aningaaserivimmi piginnaatitaaffeqartoq aammalu piginnaatitaaffeqartoq aningaaseriviugaluarpalluunniit.
3)  Aningaaserivimmi konto nammineq aningaasaatit ilagippassuk imaluunniit aningaaserivimmi tassani aningaaserivimmi kontomi akiitsuuppat.
4)  Aningaaserivimmi konto aningaaserivimmi isumaqatigiissut pillugu akiliuteqarnissamik pisussaaffeqartumi aningaasanngorlugu nalilimmik sillimmasiinermik isumaqatigiissutitaqarpat imaluunniit taarsigassarsiat assigiiaartumik taarsersorneqarnissaannik isumaqatigiissutitaqarpat.
  Imm. 2.  Pappiaqqat aningaasanik nalillit pappiaqqat aningaasanik nalillit pillugit inatsimmi kapitali 21-mi nassuiarneqartut pappiaqqanik nalilinnik qitiusumik nalunaarsorsimaffianni nalunaarsorneqarsimasut aningaaserivik ataaseq arlallilluunniit aqqutigalugit pigineqartut eqqarsaatigalugit aningaaserivimmi kontot pineqartut aningaaserivinnit allanit taamaattunit pigineqartutut isigineqassapput, aningaaseriviillu allat taamaattut aningaaserivimmi kontot taamaattut eqqarsaatigalugit nalunaarutigineqartussaatitaasunut sunulluunniit akisussaatinneqassallutik. Taamaattorli pappiaqqanik nalilinnik nalunaarsorsimaffik pineqartoq aningaaseriviit allat taamaattut sinnerlugit nalunaaruteqarnissamut akimmiffissaqartinneqanngilaq.
  Imm. 3.  Aningaasalersuisarfimmi piginneqataassut inummit inunnilluunniit nalunaarutigineqartussaanngitsunit pigineqarpat aningaasalersuisarfik piginneqataassut pillugu nalunaaruteqartussaatitaanngilaq. Piginneqataassut aqutsiveqarfimmi aningaaserivimmi ingerlanneqartutut kontomi uninngasuutigineqarpat piginneqataassut aqutsiveqarfiup nalunaarut manna malillugu aningaaserivimmi pigisatut nalilittut ingerlatsivigissavaa.

 

  § 5.  Oqaaseq ”aningaaserivik” nalunaarummi matumani tassaavoq:
1)  ingerlatsivik,
2)  aningaasaleeqataasarfik,
3)  aningaasaliisarfik imaluunniit
4)  immikkuullarissunut sillimmasiisarnermut ingerlatseqatigiiffik.

 

  § 6.  Oqariartaaseq ”aqutsiveqarfik” (custodial institution) tassaavoq immikkoortortaq ingerlatami annerpaartaani allat akilersugaannik Aningaasatigut nalilinnik pigisalik.
  Imm. 2.  Immikkoortortap isertitai tamarmiusut aningaasatigut pigisanik nalilinnik pigisaqarnermeersuusinnaasut aammalu tassunga atatillugu aningaasalersuinermik sullississutineersuusinnaasut piffissani matuma kinguliani allassimasuni immikkoortortap isertitaasa tamarmiusut 20 pct.-iattut amerlatigippata imaluunniit taakkunannga amerlaneruppata immikkoortortaq allat akilersugaannik aningaasatigut nalilinnik pigisaqarluni annerpaamik ingerlataqartutut isigineqassaaq.
1)  piffissaq ukiuni pingasunik sivisussusilik ukioq aalajangiiffiusoq sioqqullugu ulloq 31. december naasoq, imaluunniit
2)  piffissaq immikkoortortap atuuffigisaa.

 

  § 7.  Oqariartaaseq ”aallaqqaasiutitut akiliuteqartarfik” (depository institution) tassaavoq immikkoortortaq aningaaseriviup assigisaanilluunniit ingerlataqarfiup nalinginnaasumik ilagisaatut akiliutinik akuersissuteqartartoq.

 

  § 8. Oqariartaaseq ”aningaasalersuisarfik” (investment entity) tassaavoq immikkoortortaq:
1)  Ingerlatami ilaatut suliamik ataatsimik arlalinnilluunniit imaluunniit sullitaq sinnerlugu suliassanik matuma kinguliani allassimasunik ingerlataqartoq:
a)  Aningaasanik niuerfinnik niueqateqarneq, tassa imaappoq checkit, aningaasanik taarsiineq, akiliuteqarnermut uppernarsaasiissutit, aningaasalersuinikkut isumaqatigiissutit il.il., allamiut aningaasaataannut taarsiinerit, aningaasanik niuernermi, ernialersuinermi aningaasanillu nalilersuinermi atortulersuutit, pappiaqqat nalillit tunineqarsinnaasut imaluunniit nioqqutissiassanut ulluni aalajangersimasuni akiliiffissat pillugit isumaqatigiissutit,
b)  pappialanik nalilinnik kisimiilluni peqatigiilluniluunniit aqutsineq, imaluunniit
c)  aningaasatigut pigisanik nalilinnik imaluunniit inuit allat sinnerlugit aningaasanik aningaasalersuinerit, ingerlatsinerit aqutsinerilluunniit allat.
2)  Immikkoortortaq immikkoortortamit aallaqqaasiutitut akiliuteqartarfimmit, aqutsiveqarfimmit, sillimmasiisarfittut ingerlatseqatigiiffimmit nalunaarsuisussaatitaasumit imaluunniit aningaasalersuisarfimmit nr. 1-imi nassuiaatigineqartutut ittumit ingerlanneqarpat taassuma isertitai tamarmiusut aningaasaliissutinik, aningaasaleeqqinnernit imaluunniit aningaasatigut pigisanik nalilinnik niueruteqarnermit pissarsiarineqartarpata.
  Imm. 2.  Immikkoortortaq ingerlatami ilaatut suliami imm. 1, nr. 1-imi nassuiaatigineqartut ilaannik ataatsimik arlalinnilluunniit annerpaamik ingerlatalittut isigineqassaaq imaluunniit siunertanut § 8, imm. 1, nr. 2-mi taaneqartunut aningaasaliinernit, aningaasaleeqqinnernit imaluunniit aningaasatigut pigisanik nalilinnik niueruteqarnermit immikkoortortaq isertitami tamarmiusut annertunerpaartaanik isertitaqartutut isigineqassaaq immikkoortortap isertitai tamarmiusut sulianut pineqartunut attuumassuteqarsinnaasut piffissani matuma kinguliani allassimasuni piffissami sivikinnerpaami immikkoortortap isertitai tamarmiusut annertoqatigippagit imaluunniit taakku 50 pct.-imik qaangerpagit:
1)  ukioq aalajangersaaffiusoq sioqqullugu piffissaq ukiunik pingasunik sivisussusilik ullorlu 31. decembarimut killilik, imaluunniit
2)  piffissaq immikkoortortap atuuffigisaa.
  Imm. 3.  Oqariartaatsimi ”aningaasalersuisarfik”-mi ilaatinneqanngilaq immikkoortortaq nioqqutinik sullississutinillu ingerlataqartoq, tassa immikkoortortap § 47, nr. 4-7-imi piumasaqaammik ataatsimik arlalinnilluunniit eqquutsitsimmat.
  Imm. 4.  Den finansielle aktionsgruppemit (”financial action task force”) innersuussutini ”aningaaserivittut” nassuiaammi oqaasertat naapertorlugit imm. 1-3 paasineqassapput.

 

  § 9.  Oqariartaatsimi ”aningaaserivimmi pigisaq nalilik”-mi makku ilaatinneqarput:
1)  Pappiaqqat nalillit, soorlu aktiaateqarluni ingerlatseqatigiiffimmi aningaasatigut piginneqataassutit, ingerlatseqatigiiffimmi minnerpaamik inunnit marlunnit pigineqartumi aningaasaateqarfimmiluunniit amerlasuunik piginnittulimmi aningaasanilluunniit niuerfimmi nalunaarsorneqartumi piginneqataassutit piginnittuunermilu soqutigisat, obligationit, taarsigassarsinermi uppernarsaatit, akiitsunut uppernarsaatit akiitsunulluunniit uppernarsaatit assigisaat.
2)  Ingerlatseqatigiiffimmi minnerpaamik inunnit marlunnit pigineqartumi piginneqataassutit, nioqqutissat, illuatungeriit isumaqatigiissutaat (swaps), assersuutigalugu erniat pillugit illuatungeriit isumaqatigiissutaat, nunat allamiut aningaasaataat pillugit illuatungeriit isumaqatigiissutaat, illuatungeriit tunngaviusumik isumaqatigiissutaat, erniat qaffasinnerpaaffissaat, erniat appasinnerpaaffissaat, nioqqutissiassat pillugit illuatungeriit isumaqatigiissutaat, aktiat pillugit illuatungeriit isumaqatigiissutaat, aktianut naleqqersuutit pillugit illuatungeriit isumaqatigiissutaat isumaqatigiissutillu tamakkununnga assingusut.
3)  Sillimmasiinermut isumaqatigiissutit imaluunniit ernianut akilersuutinullu isumaqatigiissutit.
4)  Piginneqataassutit, tassunga ilanngullugu pappialat nalillit pillugit siunissami piffissamut aalajangersimasumut isumaqatigiissut, piffissamut isumaqatigiissutit imaluunniit aningaasalersuineq pillugu isumaqatigiissut, ingerlatseqatigiiffiit minnerpaamik inunnit marlunnit pigineqartut, nioqqutissat, illuatungeriit isumaqatigiissutaat, sillimmasiineq pillugu isumaqatigiissutit imaluunniit taarsigassarsiat assigiiaartumik taarsersorneqarnissaannik isumaqatigiissutit.
  Imm. 2.  Oqariartaatsimi ”aningaaserivik pigisatut nalilik”-mi ilaatinneqanngilaq pigisami aalaakkaasumi akiitsoqarfiunngitsumik toqqaannartumik piginneqataassut.

 

  § 10.  Oqaaserineqartoq ”immikkuullarissunut sillimmasiisarnermut ingerlatseqatigiiffik” (specified insurance company) isumaqarpoq ingerlatsivik sillimmasiisarnermut ingerlatseqatigiiffik sillimmasiinermut isumaqatigiissut aningaasanik nalilik (cash value insurance contract) imaluunniit ernianut akilersuutinullu isumaqatigiissut eqqarsaatigalugit tunniussisartussaq imaluunniit akiliisarnissamut pisussaaffilik.


Aningaaserivik nalunaaruteqartussaanngitsoq

 

  § 11.  Oqariartaaseq ”aningaaserivik nalunaaruteqartussaanngitsoq” tassaavoq aningaaserivik:
1)  Pisortat immikkoortortaat, nunani tamalaani suliniaqatigiiffik qitiusumilluunniit aningaaserivik,tamatumani pinnagu aningaasatigut ingerlatamut niuernermik tunngaveqartumut sillimmasiisarfittut ingerlatseqatigiiffimmit nalunaarsuisussaatitaasumit ingerlanneqartumut atatillugu pisussaaffiup nassatarisaanik akiliuteqarneq; aqutsiveqarfik imaluunniit aallaqqaasiutitut akiliuteqartarfik.
2)  Soraarnerussutisiassanut aningaasaateqarfik annertuumik ilaasortalik, soraarnerussutisiassanut aningaasaateqarfik killilimmik ilaasortalik, soraarnerussutisiassanut aningaasaateqarfik pisortat immikkoortortaanit ingerlanneqartoq, nunani tamalaani suliniaqatigiiffik imaluunniit qitiusumik aningaaserivik imaluunniit kortinik akiliutinik tunniussinissamut akuerisaasoq.
3)  Pensionisiallit peqatigiiffii allat
il. il.
4)  Ataatsimut aningaasalersuisarfik nalunaaruteqartussaatitaanngitsoq.
5)  Aningaasaateqarfik, aningaasaateqarfimmi aqutsisoq aningaasaateqarfiuppat nalunaaruteqartussaasoq aammalu aningaasaateqarfiup kontoi nalunaarutigineqartussaatitaasut tamaasa eqqarsaatigalugit paasissutissanik tamanik kapitali 9 naapertorlugu nalunaarutigineqaqquneqartunik nalunaaruteqartarpat.

 

  § 12.  Oqariartaaseq ”pisortat immikkoortortaat” tassaavoq inatsisitigut oqartussaaffimmi naalakkersuisut, inatsisitigut oqartussaaffimmi politikikkut immikkoortortatut agguataagaq, tamatumani pineqarlutik naalagaaffik, provinsi, nunap immikkoortua kommuniluunniit imaluunniit oqartussaaffik immikkoortoqarfilluunniit alla inatsisitigut oqartussaaffimmit imaluunniit Pisortat immikkoortortaanit ataatsimit arlalinnilluunniit tamakkiisumik pigineqartoq. Immikkoortukkuutaanut taakkununnga ilaapput immikkoortoqarfiit ataatsimoortitat, immikkoortortat nakkutilliivigineqartut aammalu inatsisitigut oqartussaaffimmi politikikkut immikkoortortatut agguataakkat.
  Imm. 2.  Inatsisitigut oqartussaaffimmi ”immikkoortoqarfik ataatsimoortitaq” tassaavoq inuk, kattuffik, oqartussaaffik, allaffik, aningaasaateqarfik, suliffeqarfik ingerlataqarfilluunniit alla, taaguutini apeqqutaatinnagu inatsisitigut oqartussaaffimmi aqutsisutut oqartussaaffiusoq. Aqutsiviulluni ingerlataqarfiusup ilanngaaseereerluni isertitai nammineq kontoanut imaluunniit kontonut allanut inatsisitigut oqartussaaffimmit pigineqartunut ilanngunneqassapput taakkulu ilaat inuinnarnit pissarsiassanngortinneqarnatik. Immikkoortoqarfimmi ataatsimoortitami ilaatinneqanngillat inuk naalakkersuisunut sinniisoq, atorfilittaq aqutsisorluunniit nammineq inuttulluunniit piginnaasaqarnini malillugu iliuuseqarsinnaasoq.
  Imm. 3.  ”Immikkoortortaq nakkutilliivigineqartoq” tassaavoq immikkoortortaq ilusiligaanermigut inatsisitigut oqartussaaffimmut atanngitsoq imaluunniit inatsisilerinikkut immikkut allatut inissisimasut makku apeqqutaatillugit:
1)  immikkoortortaq pisortat Immikkoortoqarfianit ataatsimit allalinnilluunniit imaluunniit immikkoortortaq nakkutilliivigineqartoq ataaseq arlallilluunniit aqqutigalugit tamakkiisumik pigineqartoq toqqaannartumillu nakkutilliivigineqartoq,
2)  immikkoortortap ilanngaaseereerluni isertitat nammineq kontoanut imaluunniit kontonut allanut pisortat immikkoortoqarfianit ataatsimit arlalinnilluunniit pigineqartunut ilanngunneqassapput taakkulu ilaat inuinnarnit pissarsiassanngortinneqarnatik, aamma
3)  immikkoortortap atorunnaarnerani taassuma pigisai nalillit pisortat immikkoortortaanit ataatsimit arlalinnilluunniit tunniunneqartussaappata.
  Imm. 4.  Isertitat inuinnarnit pissarsiarineqarsinnaassanngillat inuit taakku pisortat ingerlataanik pissarsisussatut naatsorsuunneqarpata aammalu ingerlatami suliat inuit tamarmik soqutigisaat malillugit innuttaasunut suliaappata imaluunniit pisortat suliniutaannik aqutsinermut attuumassuteqarpata. Siulianili allassimasut apeqqutaatinnagit isertitat inuinnarnit pissarsiarineqarsinnaasutut isigineqarput inuussutissarsiutitigut suliffeqarfik, assersuutigalugu niuernermik tunngaveqartumik aningaaserivik inuinnarnut aningaasalersuinikkut sullississutinik suliaqartoq pisortat immikkoortortaa atorlugu isertitaappata.

 

  § 13.  Oqariartaaseq ”nunani tamalaani suliniaqatigiiffik” tassaavoq nunani tamalaani suliniaqatigiiffik imaluunniit oqartussaaffik suliffeqarfilluunniit tassannga tamakkiisumik pigineqartoq. Immikkoortunut taakkununnga ilaapput suliniaqatigiiffiit nalinginnaasut suulluunniit naalagaaffiit akornanni atuuttut, tassunga ilanngullugit naalagaaffiit ilaasortaasut akornanni suliniaqatigiiffik annermik naalakkersuisunit peqataaffigineqartoq aammalu nunagisaq pillugu isumaqatigiissutilik imaluunniit ataatsimut isigalugu Kalaallit Nunaanni assingusumik isumaqatigiissutilik tassanngaanniillu isertitat inuinnarnut atugassanngortinneqarnatik.

 

  § 14.  Oqariartaaseq ”qitiusumik aningaaserivik” tassaavoq ingerlatsiveqarfik nunat allamiut aningaasaataannik ingerlaartitsisussatut aningaasaqarnikut aqqutaasinnaasut pillugit inatsisinik pisortatigoortumilluunniit akuersissut aqqutigalugit atuuttussanngortitsinissamut inatsisitigut oqartussaaffiup peqataasup naalakkersuisuisa saniatigut qullersatut oqartussaasoq. Aningaaserivimmi tassani ilaasinnaavoq ingerlatsiveqarfik inatsisitigut oqartussaaffiup peqataasup naalakkersuisuinut atanngitsoq, taanna inatsisitigut oqartussaaffimmit peqataasumit tamakkiisumik ilaannakortumilluunniit pigineqarnersoq apeqqutaatinnagu.

 

  § 15.  Oqariartaaseq ”soraarnerussutisiassanut aningaasaateqarfik annertuumik ilaasortalik” tassaavoq aningaasaateqarfik tigusisussanut maanna suliffeqartunut suliffeqarsimasunulluunniit imaluunniit inunnut sulisitsisumi ataatsimi arlalinniluunniit taama suliffeqartunit toqqarneqarsimasunit sullississutigineqarsimasunut akiliutitut soraarnerussutisiatut tunniuttakkanik, sulisinnaajunnaarnersiutitut tunniuttakkanik imaluunniit toqusoqartillugu tunniutassanik imaluunniit taakku akuleriissillugit tigusisussanut tunniutassanik pissarsiniartussatut pilersinneqartoq, apeqqutaatillugu soraarnerussutisiassanut aningaasaateqarfik
1)  soraarnerussutisiassanut aningaasaateqarfiup pigisaasa nalillit 5 pct.-it sinnerlugit annertussusilinnik pissarsiaqarsinnaatitaasunik tigusisussaqanngippat,
2)  pisortat inatsisaanik malinnittussaappat aammalu Akileraartarnermut Aqutsisoqarfimmut paasissutissiisussaatitaappat aamma
3)  piumasaqaatit uku ilaannik ikinnerpaamik ataatsimik naammassinnittoq:
a)  soraarnerussutisiassanut aningaasaateqarfik aningaasaliinerniit isertitat akileraarusernissaannut nalinginnaasumik pisussaajunnaarsitaasarpoq imaluunniit isertitat taakku akileraaruserneqarnissaat kinguartinneqarluni imaluunniit soraarnerussutisiassanut aaqqissuussinertut inissisimanertik pissutigalugu appasinnerusumik akileraaruserneqarlutik,
b)  soraarnerussutisiassanut aningaasaateqarfiup akiliutimi tamarmiusunit ikinnerpaamik 50 pct.-it tigussavai, paragrafimi matumani aamma §§ 16 aamma 17-imi allaaserineqartutut aaqqissuussinernit allaniit pigisanit nalilinnit nuussinerit eqqaassanngikkaanni imaluunniit sulisitsisunit aningaasaliisuniit § 33-imi allaaserineqartutut soraarnerussutisiassanut kontonit,
c)  soraarnerussutisiassanut aningaasaateqarfimmiit agguaassineq imaluunniit aningaasanik tunniussineq taamaallaat pisinnaavoq soraarnerussutisianut, innarluuteqarnermut tunngasut aalajangersimasut pisimatillugit imaluunniit toqusoqarsimatillugu, maannakkut paragrafimi aamma §§ 16 aamma 17-imi allaaserineqartutut soraarnerussutisiassanut aningaasaateqarfinnut allanut agguaassinissamut imaluunniit § 33-mi allaaserineqartutut soraarnerussutisianut kontonut nuussinerit ilanngunnagit, taamaattoqanngippat agguaassinernut imaluunniit immikkut pisut taakku sioqqullugit aningaasanik tunniussinernut pineqaatissiisoqassaaq, imaluunniit
d)  soraarnerussutisiassanut aningaasaateqarfimmut sulisartup akiliisarneri, akiliutit ilassutaasut akuerineqartut aalajangersimasut ilanngunnagit, sulisartup sulinermit isertitaanut innersuussisoqarluni killeqarpata imaluunniit ukiumoortumik 50.000 USD-t qaangissanngippagit, kontot kattunneqarneri aamma nunat allat aningaasaannut naatsorsuineq pillugu §§ 98-101-imi eqqartorneqartut maleruagassat atorneqartillugit.

 

  § 16.  Oqariartaaseq ‘soraarnerussutisiassanut aningaasaateqarfik killilimmik ilaasortalik’ isumaqarpoq aningaasaateqarfik maannakkut imaluunniit siusinnerusukkut sulisartuusimasunut pisartagaqartunut soraarnerussutisianik akiliutissat, innarluuteqarnermi akiliutissat imaluunniit toqusoqarnerani aningaasanik tunniussinissap pilersinneqarnissaanut pilersinneqarsimasut, imaluunniit inunnut, sulisitsisumi ataatsimi arlalinniluunniit sulisartunit taakkuninnga toqqarneqarsimasunut, akiliutinut tunniunneqarsimasunut akiliutitut, naatsorsuutigalugu
1)  soraarnerussutisiassanut aningaasaateqarfik 50-inik ikinnerusunik peqataasoqarpat,
2)  soraarnerussutisiassanut aningaasaateqarfik, sulisitsisumit ataatsimit amerlanerniilluunniit aningaasalersuisarfiunngitsumit aningaasalersorneqartoq,
3)  sulisartup aamma sulisartup soraarnerussutisiassanut aningaasaateqarfimmut akiliisarnera § 33-mi allaaserineqartutut soraarnerussutisianut kontoniit pigisanik nalilinnik nuussinerit eqqaassanngikkaanni sulisartup sulinermi akissarsiaanut ajunngitsorsiassaanullu innersuussilluni killeqarpata,
4)  peqataasut soraarnerussutisiassanut aningaasaateqarfiup pilersinneqarfiani inatsisitigut oqartussaaffimmi najugaqartuunngitsut, soraarnerussutisiassanut aningaasaateqarfiup pigisaanit nalilinnit 20 pct.-ini annertunerusunut pisinnaatitaaffeqanngillat, aamma
5)  soraarnerussutisiassanut aningaasaateqarfik pisortat malittarisassaani ilaatinneqarpat aamma Akileraartarnermut Aqutsisoqarfimmut paasissutissanik nalunaaruteqartarpat.

 

  § 17.  Oqariartaaseq ”soraarnerussutisiassanut aningaasaateqarfik pisortat immikkoortortaanit ingerlanneqartoq, nunani tamalaani suliniaqatigiiffik imaluunniit qitiusumik aningaaserivik” isumaqarpoq aningaasaateqarfik pisortat immikkoortortaanit ingerlanneqartumit, nunani tamalaani suliniaqatigiiffimmit imaluunniit qitiusumik aningaaserivimmit pilersinneqarsimasoq maannakkut imaluunniit siusinnerusukkut sulisartuusimasunut pisartagaqartunut soraarnerussutisianik akiliutissat, innarluuteqarnermi akiliutissat imaluunniit toqusoqarnerani aningaasanik tunniussinissap pilersinneqarnissaanut pilersinneqarsimasut imaluunniit inunnut, sulisitsisumi ataatsimi arlalinniluunniit sulisartunit taakkuninnga toqqarneqarsimasunut imaluunniit maannakkut siusinnerusukkulluunniit sulisartuusimanngitsoq, tigusisartumut imaluunniit peqataasunut akiliutit akiliutinut tunniunneqarsimasunut akiliutitut pisortat immikkoortortaanit ingerlanneqartoq, nunani tamalaani suliniaqatigiiffik imaluunniit qitiusumik aningaaserivik pillugu inuttut kiffartuussinertut akiliutitut pissarsiarineqarsimasut.

 

  § 18.  Oqariartaaseq ”kortinik akiliutinik tunniussinissamut akuerisaasoq” isumaqarpoq aningaaserivik piumasaqaatinik makkuninnga naammassinnittoq:
1)  aningaaserivik taamaallaat aningaaseriviuvoq, kortinik akiliutissanik tunniussisartuugami, sullitaq kortimi akiligassanik qaangiisumik akiliuteqaraangat aningaasaliinernik taamaallaat akuersisartoq aamma sinneqartumik akiliineq ingerlaannartumik sullitamut utertinneqanngippat, aamma
2)  aningaaserivik ulloq 1. januar 2016 sioqqullugu politikkinik suleriaatsinillu naammassinnippat, sullitap
50.000 USD sinnerlugit akiliinissaanik pinngitsoortitsinissamik siunertaqartoq imaluunniit aningaasat taakku sinnerlugit sullitamiit sinneqartumik akiliinerit tamarmik ullut 60-it iluanni sullitamut utertinneqarnissaannik qulakkeerisoq, pisuni marlunni kontot kattunneqarneri aamma nunap aningaasaanut naatsorsuineq pillugu §§ 98-101-imi eqqartorneqartut maleruagassat atorneqarlutik. Tassunga atatillugu sullitap sinneqartumik akiliutai akiliinerit isumaqatigiinngissutaasut eqqarsaatigalugit akiligassanut innersuussinneqassanngillat, taamaattorli nioqqutissat utertinnerannit akiligassanut tunngasuullutik.

 

  § 19.  ”Soraarnerussutisiassanut aningaasaateqarfiit allat ilaat il. il.”-imi paasineqarput immikkoortut uku taakku §§ 16-18-imut ilaanngippata:
1)  Soraarnerussutisiassanut aningaasaateqarfiit ilaasortaminnut sinniisuusut, tak. aningaasanik ingerlataqarneq pillugu inatsimmi § 304.
2)  Suliffeqarfinnut attuumassuteqartut inuunermut sillimmasiisarfiit, tak. aningaasanik ingerlataqarneq pillugu inatsimmi § 307.
3)  Inuunermut sillimmasiisarfiit, aningaasanik ingerlataqarneq pillugu inatsimmi § 307, imm. 1, nr. 1 aamma 2-mi piumasaqaatinik naammassinnittut.

 

  § 20.  Oqariartaaseq ”ataatsimut aningaasalersuisarfik nalunaaruteqartussaatitaanngitsoq” isumaqarpoq aningaasalersuisarfik ataatsimut aningaasaliinernut aningaaserivittut malittarisassaqartinneqartoq, naatsorsuutigalugu aningaaserivimmi piginneqataassutit tamarmik inuit imaluunniit immikkoortortamit, inuunngitsumit, nalunaarutigineqartussaasumit pigineqartut, inuit nakkutilliisut, inuit taakku pillugit nalunaaruteqartussat ilanngunnagit.
  Imm. 2.  Aningaasalersuisarfiup, ataatsimut aningaasaliinernut aningaaserivittut malittarisassaqartinneqartup aamma ataatsimut aningaasalersuisarfik nalunaaruteqartussaatitaanngitsoq imm. 1-imi piumasaqaatit naammassissavai, aningaasalersuisarfik qaqugumulluunniit tigumminnittup pigisai piginneqataassutinik atulersitsisimagaluarpalluunniit, makku naatsorsuutigalugit:
1)  aningaasaliisarfik tunniussinngippat aamma 31. december 2015-ip kingornatigut piginnittut aktiaataannik tunniussinngippat,
2)  aningaasalersuisarfiup utertitsilluni pisinermi aktiat taamatut ittut tamaasa ilannguttarpagit,
3)  aningaasalersuisarfiup kapitalini 3 - 8-ni eqqartorneqartut suleriaatsit peqqissaartumik periuseqarluni ingerlappagit aamma aktiat taamaattut eqqarsaatigalugit nalunaarutigineqartussat paasissutissat nalunaarutigippagit, aktiat taakku aningaasanngortinniarlugit allatigulluunniit akilerneqartussanngorlugit takutinneqarpata, aamma
4)  aktiat taakku kingusinnerpaamik 1. januar 2018-imi aningaasanngortinneqarsimanissaannik imaluunniit tuniniarneqarsinnaajunnaartinneqarnissaannik qulakkeerinnittunik politikkit suleriaatsillu aningaasaatqarfiup atuutsilersissimassagai.


Aningaaserivimmi konto

 

  § 21.  Oqariartaaseq ”aningaaserivimmi konto” isumaqarpoq konto aningaaserivimmit aqunneqartoq taamatuttaaq ukunannga:
1)  aallaqqaasiutitut akiliutinut konto.
2)  ingerlatsinermut konto.
3)  aningaasaliisarfimmut tunngatillugu nammineq aningaasaatini piginneqataassut sunaluunniit imaluunniit aningaasaliisarfimmi akiitsut. Siuliani allassimasut apeqqutaatinnagit oqariartaaseq ”aningaaserivimmi konto” aningaasalersuisarfimmi immikkoortortami nammineq aningaasaatini imaluunniit akiitsuni piginneqataassuteqanngilaq, taanna taamaallaat aningaasalersuinissamut siunnersuisuuginnarmat aamma sullitaq sinnerlugu niuernermik imaluunniit immikkoortortamit tassannga allaanerusumi aningaaserivimmi allami sullitap atianut toqqorneqarsimasunut aningaasatigut pigisanik aningaasaliinissaq, ingerlatsinissaq imaluunniit aqutsinissaq siunertaralugu suliassanik aqutsisuummat,
4)  nr. 3-mi allaaserineqanngitsoq aningaaserivik eqqarsaatigalugu aningaaserivimmi nammineq aningaasaatini imaluunniit akiitsuni piginneqataassutit, taamatut ittut kapitali 9 naapertorlugu nalunaaruteqannginnissaq siunertaralugu pilersinneqarsimappata, aamma
5)  sillimmasiinermi isumaqatigiissut sunaluunniit aningaasanik naleqartoq aamma taarsigassat assigiiaartumik taarsersorneqarnissaannik isumaqatigiissutit suulluunniit aningaaserivimmit atuutsilersinneqarsimasut imaluunniit ingerlanneqartut, aningaasalersuinermut atassuteqanngitsut, imaaliallaannaq tunniunneqarsinnaanngitsut soraarnerussutisiat inummut atulersitat aamma soraarnerussutisiaqartumut imaluunniit innarluuteqartumut aningaasanik naleqartitsisut, kontomi ikineqartartut, kontomut ilaanngitsut ilanngunnagit.
  Imm. 2.  Oqariartaatsimut ”aningaaserivimmi konto”-mut ilaanngilaq konto, kontomut ilaanngitinneqanngitsumut ilaanngitsoq.

 

  § 22.  Oqariartaatsimut ”aallaqqaasiutitut akiliutinut konto”-mut ilaapput niuernermi kontot suulluunniit, akissarsianut konto, isumaqatigiissuteqarluni konto imaluunniit konto aallaqqaasiutitut akiliutinut uppernarsaateqarnikkut, ileqqaarnissamut uppernarsaatikkut, aningaasaliinermut uppernarsaatikkut, akiitsunut allagartakkut imaluunniit taamaaqataanik allatigut uppernarsarneqartoq, aningaaserivimmik nalinginnaasumik ingerlatsinertut imaluunniit taamaaqataanik niuernikkut ingerlatsinertut aningaaserivimmit ingerlanneqartoq.
  Imm. 2.  Aallaqqaasiutit akiliutinut kontomut aamma ilaapput aningaasat aningaasaliinissamut isumaqatigiissut qularnaveeqquserneqarsimasoq malillugu sillimmasiisarfimmi toqqortarineqartut imaluunniit akiliinissaq imaluunniit aningaasat ernialernissaat pillugu taamaaqataanik isumaqatigiissut.

 

  § 23.  Oqariartaaseq ”aqutsinermi konto” isumaqarpoq konto, sillimmasiinermi isumaqatigiissut imaluunniit taarsigassat assigiiaartumik taarsersorneqarnissaannik isumaqatigiissut ilanngunnagit, inummut allamut iluaqutaasussatut aningaasaqatigut pigisanik nalilinnik ataatsimik arlalinnilluunniit imaqartoq.

 

  § 24.  Oqariartaaseq ”nammineq aningaasaatini piginneqataassutit” isumaqarpoq aningaaserivimmi soqutigisaqaqatigiinnut tunngasuusoq eqqarsaatigalugu, soqutigisaqaqatigiiffimmi aningaasaatini piginneqataassutit imaluunniit sinneqartoorutinit piginneqataassutit.
  Imm. 2.  Aningaasaateqarfik aningaaseriviusoq eqqarsaatigalugu nammineq aningaasaatini piginneqataassutit isigineqarput inummit pigineqartut, aningaasaateqarfiup tamarmiusup ilaannaanilluunniit pilersitsisutut imaluunniit pisinnaatitaaffittut suliarineqartut imaluunniit inummit allamit aningaasaateqarfimmit inaarutaasumik sunniuteqarluartumik nakkutilliisumit pigineqartut. Inuk nalunaarutigineqartussaq pillugu aningaasaateqarfimmi pisinnaatitaasutut isumagineqassaaq, inuk taamatut ittoq nalunaarutigineqartussaq, assersuutigalugu ingerlatsisoq aqqutigalugu toqqaannartumik toqqaannanngitsumilluunniit agguagassarsiassanik tigusinissamut pisinnaatitaappat imaluunniit aningaasaateqarfimmiit agguagarsiassanik missiliukkat toqqaannartumik toqqaannanngitsumilluunniit tigusisinnaappat.

 

  § 25. Oqariartaaseq ”sillimmasiinermik isumaqatigiissut” isumaqarpoq isumaqatigiissut, taarsigassat assigiiaartumik taarsersorneqarnissaannik isumaqatigiissut ilanngunnagu, taanna naapertorlugu toqusoqarsinnaaneranut, napparsimalersinnaanermut, ajutoorsinnaanermut, akisussaanermut imaluunniit illumi annaasaqarsinnaanernut ilaasut immikkut pisoqarnerani aningaasanik tunniussinissamut atulersitsinissamut akuersisoq.

 

  § 26.  Oqariartaaseq ”taarsigassat assigiiaartumik taarsersorneqarnissaannik isumaqatigiissut” isumaqarpoq isumaqatigiissut, taanna malillugu inuup ataatsip arlallilluunniit piffissaq inuuffigisassaattut naatsorsuutigisaq eqqarsaatigalugu tamakkiisumik ilaannakuusumillu aalajangerneqartumi piffissami aningaasanik tunniussisarnissamut atulersitsinissamut akuersisoq.
  Imm. 2.  Oqariartaatsimut aamma ilaavoq isumaqatigiissut inatsisit, najoqqutassat imaluunniit isumaqatigiissutip atuutilerfiani inatsisitigut oqartussaaffigisami suleriaaseq malillugu taarsigassat assigiiaartumik taarsersorneqarnissaannik isumaqatigiissutitut isigineqartoq, aamma taanna malillugu ukiuni arlalinni akiliisarnissamut atulersitsinissamut akuersisoq.

 

  § 27.  Oqariartaaseq ”sillimmasiinermut isumaqatigiissut aningaasanik naleqartoq” isumaqarpoq sillimmasiinermi isumaqatigiissut, sillimmasiisarfiit marluk aningaasanik naleqartitsisut akornanni isumaqatigiissut, alla sinnerlugu akiliisimanermut ajunngitsorsiassaqarnermut akisussaaneq pillugu sillimmaseeqqinnermut ilanngunnagu.

 

  § 28.  Oqariartaaseq ”aningaasanngorlugu nalinga” isumaqarpoq aningaasani ukunani marlunni aningaasat annerpaat:
1)  aningaasat, isumaqatigiissutip atorunnaarsinnerani imaluunniit naanerani sillimmasiisimasup tigusassatut pisinnaatitaaffigisai, atorunnaarsitsinermut imaluunniit sillimmasiinerup allagartaani taarsigassarsiamut atatillugu akiliinermut appartitsinertaqanngitsumik aalajangerneqartoq aamma
2)  aningaasat, isumaqatigiissut naapertorlugu imaluunniit eqqarsaatigalugu sillimmasiisup taarsigassarsiarisinnaasai.
  Imm. 2.  Imm. 1-imi allaqqasut apeqqutaatinnagit oqariartaatsimut ”aningaasanik nalilik”-mut ilaanngillat aningaasat sillimmasiinermut isumaqatigiissut naapertorlugu akilerneqartussat:
1)  inuup inuunermut sillimmasiinermut isumaqatigiissut malillugu sillimmaserneqarsimasup toquneratigut taamaallaat tunniunneqartussat,
2)  inuup ajoquserneratigut imaluunniit napparsimaneratigut ikiuutit imaluunniit allat ikiuutit, pisup sillimmaserneqarsimasup atuutilerneratigut aningaasanut annaaneqartunut taartaasut,
3)  siusinnerusukkut sillimmasiinermut akilersimasat utertillugit akilerneqarneri sillimmasiinermut akiliutissanut aningaasartuutit ilanngaatigalugit, taakku sillimmasiinermut isumaqatigiissut naapertorlugu piumasarineqarsimanerat imaluunniit piumasarineqarsimannginnerat apeqqutaatinnagu, aningaasalersuinermut atasumik inuunermut sillimmasiinermut imaluunniit taarsigassat assigiiaartumik taarsersorneqarnissaannik isumaqatigiissut eqqaassanngikkaanni, isumaqatigiissutip atorunnaarsinnerata imaluunniit naanerata, isumaqatigiissummi piffissap atuuffiani annaasaqariataarfiusinnaasut peqataanerit pisussaaffiliisut appartinnerisa malitsigisaanik imaluunniit kukkusumik aningaasat inissinneqarsimasut iluarsineqarnerisa imaluunniit isumaqatigiissummut akiliummut tunngatillugu kukkunerit assingusut allat malitsigisaannik,
4)  sillimmasertumut agguagassarsiatut, atorunnaarneranut atatillugu agguagassarsiat ilanngunnagit, agguagassarsiaq sillimmasiinermut isumaqatigiissummut tunngasuuppat, taanna naapertorlugu akiliutit nr. 2-mi allaaserineqartut kisimik tunniunneqarlutik, imaluunniit
5)  sillimmasiinermut isumaqatigiissut pillugu siumoortumik akiliutinik imaluunniit akiliutinut qularnaveeqqutit utertillugit akilernerini, taanna naapertorlugu akiliut ikinnerpaamik ukiumut ataasiarluni akilerneqartarluni, siumoorluni akiliut imaluunniit akiliutinut qularnaveeqqusiussat pillugit aningaasat ukiup tulliani akiliutissaq isumaqatigiissut malillugu akilerneqartussaq qaangersimanngippagu.

 

  § 29.  Oqariartaaseq ”konto pioreersoq” isumaqarpoq:
1)  Aningaaserivimmi konto, ulloq 31. december 2015-imi aningaaserivimmit nalunaaruteqartussaasumit ingerlanneqartoq,
2)  Aningaaserivimmi konto kontomik piginnittumit pigineqartoq, aningaaserivimmi kontop taamatut ittup ulloq suna ammarneqarnera apeqqutaatinnagu,
a)  kontomik piginnittoq aamma aningaaserivimmi kontoqarpat, nr. 1 malillugu aningaaserivimmi nalunaaruteqartussami konto pioreersuusoq, imaluunniit Kalaallit Nunaanni immikkoortortaq atassuteqartoq,
b)  aningaaseriviup nalunaaruteqartussap immaqalu Kalaallit Nunaanni immikkoortortap atassuteqartup, qulaani taaneqartut marluk aningaaserivimmi kontot aamma kontomik piginnittup aningaaserivimmi kontoi allat, normu manna naapertorlugu kontotut pioreersutut isigineqartut, kontoni aningaasanut killiussat atorneqartillugit § 94-imi eqqartorneqartut ilisimasanut piumasaqaatit naammassineqarnissaat siunertaralugu aamma aningaaserivimmi kontoni nikinganernik imaluunniit nalinik naatsorsuinissaq siunertaralugu aningaaserivimmi kontotut ataatsitut suliarineqassapput,
c)  aningaaserivimmi konto, AML/KYC-mi suleriaatsinut ilaasut eqqarsaatigalugit aningaaserivik nalunaaruteqartussaq pisussaavoq nr. 1-imi allaaserineqartutut kontomut pioreersumut naammassineqarsimasut AML/KYC-mi suleriaatsit atornerisigut aningaaserivimmi kontomut AML/KYC-mi suleriaatsit taamatut atornissaannut pisussaaffeqarpoq, aamma
d)  aningaaserivimmi kontomik ammaanermut piumasarineqanngilaq kontomik piginnittoq sullitatut paasissutissanik nutaanik, ilassutaasunik allannguisunilluunniit saqqummiussinissaa, peqqussutip taassuma malinnera ilanngunnagu.

 

  § 30.  Oqariartaaseq ”konto nutaaq” isumaqarpoq aningaaserivimmi konto, aningaaserivimmit nalunaaruteqartussamit ingerlanneqartoq aamma ulloq 1. januar 2016-imi kingusinnerusumiluunniit pilersinneqarsimasoq, taanna § 29, imm. 1, nr. 2 malillugu kontotut pioreersutut isigineqanngippat.

 

  § 31.  Oqariartaaseq ”inuup kontoa pioreersoq” isumaqarpoq konto pioreersoq inummit ataatsimit arlalinnulluunniit pigineqartoq.
  Imm. 2.  Oqariartaaseq ”inummut konto nutaaq” isumaqarpoq konto nutaaq, inummit ataatsimit arlalinnulluunniit pigineqartoq.
  Imm. 3.  Oqariartaaseq ”immikkoortortami konto pioreersoq” isumaqarpoq konto pioreersoq, immikkoortortamit ataatsimit arlalinnilluunniit pigineqartoq.
  Imm. 4.  Oqariartaaseq ”appasissumik nalilinnut konto” isumaqarpoq inuup kontoa pioreersoq ulloq 31. december 2015-imi
1 mio. USD-t sinnernagit ataatsimut uninngasuutilik imaluunniit nalilinnik peqarfiusoq.
  Imm. 5.  Oqariartaaseq ”qaffasissumik nalilinnut konto” isumaqarpoq inuup kontoa pioreersoq ulloq 31. december 2015-imi imaluunniit ukiuni kingusinnerusuni arlaanniluunniit 31. decembarimi
1 mio. USD-t sinnerlugit ataatsimut uninngasuutilik imaluunniit nalilinnik peqarfiusoq.
  Imm. 6.  Oqariartaaseq ”immikkoortortami konto nutaaq” isumaqarpoq konto nutaaq, immikkoortortamit ataatsimit arlalinnilluunniit pigineqartoq.

 

  § 32.  Oqariartaaseq ”konto, ilaatinneqanngitsoq” isumaqarpoq §§ 33 – 39-mi eqqaaneqartut kontot arlaat.

 

  § 33.  Soraarnerussutisianut konto, piumasaqaatinik tulliuttunik naammassinnittoq, tassaavoq ”konto, ilaatinneqanngitsoq”:
1)  konto inuup soraarnerussutisianut kontoatut malittarisassaqartinneqarpoq imaluunniit nalunaarsukkanut ilaalluni imaluunniit soraarnerussutisianut akiliutit akilerneqartarneri pillugit soraarnerussutisianut aaqqissuussinermik malittarisassaqartinneqarluni, tassunga ilanngullugit innarluutilinnut akiliutit imaluunniit toqusoqarnerani tunniunneqartartut,
2)  konto akileraartarnikkut iluaquserneqarsimavoq, tassa imaappoq kontomit akiliutit, akileraarutaasussaagaluartut, ilanngaatigineqarsinnaatitaapput imaluunniit kontomik piginnittup tamakkiisumik isertitaanit ilanngaatigineqarlutik imaluunniit appasinerusumik akileraarusersorneqarlutik, imaluunniit kontomit aningaasaliinermi isertitat akileraarusersorneri kinguartinneqarlutik imaluunniit appasinnerusumik akileraaruserneqarlutik,
3)  konto pillugu paasissutissat Akileraartarnermut Aqutsisoqarfimmut nalunaarutigineqassapput,
4)  tunniussinissanut piumasaqaataavoq soraarnerussutisiaqartussatut aalajangersimasunik ukioqalersimaneq, innarluuteqarneq imaluunniit toqusoqarnera, taamaattoqanngippat aningaasat tigunissaannut akuersisoqaqqaartariaqassaaq, pisut aalajangersimasut taakku sioqqullugit pisussamik, aamma
5)  imaluunniit:
a)  ukiumoortumik akiliutit 50.000 USD-nut taakkuluunniit inorlugit killilerneqarsimassapput, imaluunniit
b)  akiliutit inuunerup ingerlanerani kontomut akilerneqarsinnaasut
1 mio. USD-nut taakkuluunniit ataallugit killilerneqarsimassapput
c)  pissutsini marluusuni malittarisassat kontonik kattussisarnerit aningaasallu nalinginik naatsorsueqqittarnerit pillugit §§ 98-101-ini pineqartut atorlugit.
  Imm. 2.  Aningaaserivimmi kontop, allatigut imm. 1, nr. 5-imi piumasaqaatinik naammassinnittup, piumasaqaatit taakku aamma naammassissavai, aningaaserivimmi konto taamatut ittoq pigisanik nalilinnik aningaasanilluunniit tigusissagaluarpalluunniit, paragraffimi matumani imaluunniit § 34-mi piumasaqaatinik naammassinnittumik aningaaserivimmi kontomit ataatsimiit arlalinnilluunniit nuunneqartut imaluunniit soraarnerussutisianut aningaasaateqarfimmit ataatsimit arlalinnilluunniit §§ 15-17-imi piumasaqaatinik naammassinnittuniit.

 

  § 34.  Konto, piumasaqaatinik tulliuttunik naammassinnittoq tassaavoq ”konto, ilaanngitsoq”:
1)  konto soraarnerussutisianut allaanerusunut siunertanut allanut aningaasalersuinermi sakkutut malittarisassiorneqarpoq aamma pappiaranik aningaasanik niuerfinni pilersinneqarsimasumi akuttunngitsumik niuertoqartarluni imaluunniit konto soraarnerussutisianut allaanerusunut siunertanut allanut ileqqaarnissatut sakkussatut malittarisassiorneqarsimalluni,
2)  konto akileraartarnikkut iluaquserneqarsimavoq, tassa imaappoq kontomit akiliutit, akileraarutaasussaagaluartut, ilanngaatigineqarsinnaatitaapput imaluunniit kontomik piginnittup tamakkiisumik isertitaanit ilanngaatigineqarlutik imaluunniit appasinerusumik akileraarusersorneqarlutik imaluunniit kontomit aningaasaliinermi isertitat akileraarusersorneri kinguartinneqarlutik imaluunniit appasinnerusumik akileraaruserneqarlutik,
3)  aningaasat tigunissaannut piumasarineqarpoq aningaasalersuinermi imaluunniit ileqqaarnermi kontomi siunertanut tunngasuni piumasaqaatit aalajangersimasut naammassineqassasut, soorlu assersuutigalugu ilinniartitaanikkut pisartakkanik imaluunniit napparsimanersiutinut tigusinerit, taamaattoqanngippat aningaasat tigunissaannut akuersisoqaqqaartariaqassaaq, pisut aalajangersimasut taakku sioqqullugit pisussaq, aamma
4)  ukiumoortumik akiliutit 50.000 USD-nut taakkuluunniit inorlugit killilerneqarsimapput kontonik kattussisarnerit aningaasallu nalinginik naatsorsueqqittarnerit pillugit §§ 98-101-ini pineqartut atorlugit.
  Imm. 2.  Aningaaserivimmi kontop, allatigut imm. 1, nr. 4-imi piumasaqaatinik naammassinnittup, piumasaqaatit taakku aamma naammassissavai, aningaaserivimmi konto taamatut ittoq pigisanik nalilinnik aningaasanilluunniit tigusissagaluarpalluunniit, paragraffimi matumani imaluunniit § 33-mi piumasaqaatinik naammassinnittumik aningaaserivimmi kontomit ataatsimiit arlalinnilluunniit nuunneqartut imaluunniit soraarnerussutisianut aningaasaateqarfimmit ataatsimit arlalinnilluunniit §§ 15-17-imi piumasaqaatinik naammassinnittunit.

 

  § 35.  Inuunermut sillimmasiinermut isumaqatigiissut piffissami aalajangersimasumi atuuttoq, inuup sillimmaserneqartup 90-inik ukioqalernissaa sioqqullugu naasussaq tassaavoq ”konto, ilaanngitsoq”, naatsorsuutigalugu isumaqatigiissutip piumasaqaatit makku naammassigai:
1)  piffissakkaartumik akiliutit, piffissap ingerlanerani milliartunngitsut, piffissami isumaqatigiissutip atuunnerani ikinnerpaamik ukiumut ataasiarluni akilerneqartartut, imaluunniit sillimmaserneqarsimasup 90-inik ukioqalernissaata tungaanut, piffissaq sorliup sivikinnerunera apeqqutaalluni,
2)  aningaasanik tigusinermi, taarsigassarsinermi imaluunniit allatigut inuup pissarsiarisinnaasaanut isumaqatigiissut isumaqatigiissutitut naleqanngilaq, isumaqatigiissut atorunnaarsinneqanngippat,
3)  aningaasat, toqusoqarnerani tigusassanngortinneqartut eqqaassanngikkaanni, isumaqatigissutip atorunnaarsinnerani imaluunniit taamaatinneqarnerani tiguneqartussat isumaqatigiissut pillugu akiligassat akiliutigineqarsimasut tamarmiusut sinnissanngilai, toqusoqarneranut napparsimasoqarneranullu atatillugu aningaasartuutit tamarmiusut ilanngaatigalugit, isumaqatigiissutip ingerlanerani piffissamut imaluunniit piffissanut piviusumik akileqquneqarsimanerat apeqqutaatinnagu, aamma aningaasat isumaqatigiissutip atorunnaarsinnera imaluunniit naanera sioqqullugu akilerneqarsimasut, aamma
4)  isumaqatigiissut akiliuteqarluni pissarsisumit pigineqanngilaq.

 

  § 36.  Konto, taamaallaat toqusup piinit pigineqartoq tassaavoq ”konto, ilaanngitsoq”, taamatut kontomut uppernarsaat toqusup kingornutassiissutaanut imaluunniit toqusup allagartaata assilineranik imaqarpat.

 

  § 37.  Konto, pissutsit uku tulliuttut arlaannut atatillugu pilersinneqarsimappat tassaavoq ”konto, ilaanngitsoq”:
1)  eqqartuussivimmi aalajangiineq pineqaatissiinerluunniit.
2)  illumik imaluunniit inuup pigisaanik tunisineq, paarlaassineq imaluunniit attartortitsineq, kontop piumasaqaatit uku naammassisimappagit:
a)  konto taamaallaat akiliinikkut, siumoornikkut imaluunniit pisussaaffik nuussinermut toqqaannartumik atassuteqartoq qulakkeerniarlugu aningaasanik tulluartunik qularnaveeqqusikkanik, imaluunniit illumik imaluunniit inuup pigisaanik tunisinermut, paarlaassinermut imaluunniit attartortitsinermut atatillugu kontomi toqqorneqartunik aningaasanik pigisanit assingusumik akilerneqarluni imaluunniit akilersorneqarluni aningaasalersorneqarpoq,
b)  konto illup imaluunniit pigisat pisiarineranni akiinik akiliinissamut pisisup pisussaaffia taamaallaat qulakkeerniarlugu pilersinneqarpoq, pisussaaffigisinnaasat tamaasa isumaginissaanut tunisisup pisussaaffia imaluunniit illumut attartorneqartumut attuumassuteqartunik ajoqusikkanut akiliinissamut attartortitsisup imaluunniit attartortup pisussaaffia imaluunniit attartornermut atatillugu isumaqatigissutigineqartut pigisat attartorneqartut,
c)  kontomi pigisat nalillit, tassunga ilanngullugit tassannga iluanaarutit, tiguneqassappat imaluunniit pisisumut, tunisisumut, attartortitsisumut imaluunniit attartortumut arlaatigut agguarneqarlutik, tassunga ilanngullugu inuup taassuma pisussaaffii naammassiniarlugit, illu imaluunniit pigisat tunineqarpata, paarlaanneqarpata imaluunniit tunniunneqarpata, imaluunniit attartorneq atorunnaarpat,
d)  konto tassaanngilaq nalilinnik pisinissamut konto imaluunniit assingusoq konto aningaasatigut pigisanik tunisinermut imaluunniit paarlaassinermut atatillugu pilersinneqarsimasoq, aamma
e)  konto § 38-mi allaaserineqartumut kontomut atassuteqanngilaq,
3)  aningaaseriviup, illumi qularnaveeqqusiilluni taarsigassarsisitsippat, akileraarutit imaluunniit kingusinnerusukkut illumut atatillugu sillimmasiinerit akilersinnaanngornissaat taamaallaat siunertaralugu akiliutip ilaata immikkoortinneqarnissaanut pisussaaffia.
4)  aningaaseriviup kingusinnerusukkut akileraarutit akilernissaannut taamaallaat oqilisaassinissamut pisussaaffia.

 

  § 38.  Aallaqqaasiutitut akiliutinut konto, piumasaqaatinik ukuninnga naammassinnittoq, tassaavoq ”konto, ilaanngitsoq”:
1)  Konto taamaallaat atuuppoq, sullitaq korti atorlugu akiliissammat imaluunniit allatigut akiitsoqarallartitsisinnaammat, sinneqartumillu akiliineq ingerlaannartumik sullitamut utertinneqarnani, aamma
2)  Aningaaserivik kingusinnerpaamik ulloq 1. januar 2016-imi politikkiliussaaq suleriaasiliorlunilu, sullitap 50.000 USD-t sinnerlugu sinneqartumik akiliinissaanut pinngitsoortitsinissamut siunertaqartumik imaluunniit aningaasat taakku sinnerlugit sullitamiit sinneqartumik akiliinerit suulluunniit ullut 60-it iluanni sullitamut utertinneqarnissaannik qulakkeerineq, pisuni marlunni nunat aningaasaannut naatsorsuineq pillugu §§ 98-101-imi eqqartorneqartunik maleruagassat atorneqassapput. Tassunga atatillugu sullitamiit sinneqartumik akiliineq akiliinerit isumaqatigiinngissutaasut eqqarsaatigalugit akiligassanut innersuussinngillat, taamaattorli nioqqutissat utertinneranniit akiligassanut tunngasuullutik.

 

  § 39.  Kontot tulliuttut ”kontot, ilanngitsut”-tut isigineqarput:
1)  Soraarnerussutisianik aaqqissuussinerit akissarsiat akileraarusersorneri pillugit inatsimmi kapitali 4-imut ilaasut.
2)
 Aningaasarsianit akileraarutit pillugit inatsimmi kapitali 4a naapertorlugu kontot soraarnerussutisianik katersinermut atorneqartut.
3)  Akileraarutitigut iluaqusikkanik sipaarutit pilugit inatsisartut inatsisaat naapertorlugu kontot katersinermut atugassatut pilersinneqartut.


Konto nalunaarutigineqartussaatitaasoq

 

  § 40.  Oqariartaaseq ”konto nalunaarutigineqartussaatitaasoq” isumaqarpoq aningaaserivimmi konto, aningaaserivimmit nalunaaruteqartussamit ingerlanneqartoq aamma inummit ataatsimit arlalinnilluunniit pigineqartoq, taanna pillugu nalunaaruteqartussaalluni, imaluunniit akiitsulimmit NFE-mit inummik ataatsimik arlalinnilluunniit nakkutilliisulik taakku inuullu nalunaarutigineqartussat, naatsorsuutigalugu taanna kapitali 3-8-mi allaaserineqartut peqqissaartumik periuseqarnissaq pillugu suleriaatsit naapertorlugit kinaassuseqartutut uppernarsarneqarsimasoq.
  Imm. 2.  Oqariartaaseq ”konto nunanut allanut, Savalimmiunut imaluunniit Danmarkimut atassuteqartoq” isumaqarpoq aningaaserivimmi konto, aningaaserivimmit nalunaaruteqartussamit ingerlanneqartoq, aamma nunani allani, Savalimmiuni imaluunniit Danmarkimi inummit ataatsimit arlalinnilluunniit pigineqartoq, imaluunniit akiitsulimmit NFE-mit nunani allaniittumik, Savalimmiuniittumit imaluunniit Danmarkimiittumit inunnit nakkutilliisumit ataatsimit arlalinnilluunniit, naatsorsuutigalugu taanna kapitali 3-8-mi allaaserineqartut tulluartumik peqqissaarnissaq pillugu suleriaatsit naapertorlugit kinaassuseqartutut uppernarsarneqarsimasoq.

 

  § 41. Oqariartaaseq ”inuk nalunaarutigineqartussaq” isumaqarpoq inatsisitigut oqartussaaffimmi peqataasumi inuk, tassaanngitsoq:
1)  ingerlatseqatigiiffik, aktiaatai akuttunngitsumik pappiaranik aningaasanik nalilinnik niuerfimmi pilersinneqarsimasumi ataatsimi arlalinniluunniit niuerutigineqartut,
2)  ingerlatseqatigiiffik, nr. 1-imi allaaserineqartumik ingerlatseqatigiiffimmut immikkoortortamut atasoq,
3)  pisortat immikkoortortaqarfiat,
4)  kattuffik nunanit tamalaaneersoq,
5)  qitiusumik aningaaserivik imaluunniit
6)  aningaasaliisarfik.

 

  § 42.  Oqariartaaseq ”inatsisitigut oqartussaaffimmi peqataasumi inuk” isumaqarpoq inuk imaluunniit immikkoortortaq inatsisitigut oqartussaaffimmi tassani akileraartarnikkut inatsisit malillugit inatsisitigut oqartussaaffimmi allami najugaqartoq imaluunniit inuup toqusimasup inatsisitigut oqartussaaffimmi allami najugaqarsimasup kingorna toqusup pigisai.
  Imm. 2.  Oqariartaaseq ”inuk nunani allani, Savalimmiuni imaluunniit Danmarkimi” isumaqarpoq inatsisitigut oqartussaaffiit tamaasa eqqarsaatigalugit inuk imaluunniit immikkoortortaq inatsisitigut oqartussaaffimmi pineqartumi akileraartarnikkut inatsisit malillugit inatsisitigut oqartussaaffimmi allami najugaqartoq imaluunniit inuup toqusimasup inatsisitigut oqartussaaffimmi allami najugaqarsimasup kingorna toqusup pigisai.
  Imm. 3.  Imm. 1 aamma 2-p atorneqarnerini Immikkoortortaq assersuutigalugu soqutigisaqaqatigiit, kommanditselskabi assigisaaluunniit inatsisitigut aaqqissuussaq, akileraartarnikkut angerlarsimaffeqanngitsoq, sumiiffimmi aqutsissut sumiiffigisaanni inatsisitigut oqartussaaffimmi najugaqartutut isigineqarpoq.
  Imm. 4.  Imm. 3-p atorneqarnerani inatsisitigut oqartussaaffimmi pineqartumi akileraartarnikkut inatsisit malillugit Inatsisitigut oqartussaaffimmi peqataasumi Immikkoortortatut akileraartartussaanngitsutut isigineqanngippata inatsisitigut pisussaaffilik pisinnaatitaasorlu imaluunniit inatsisitigut aaqqissuussineq assigisumik inatsisitigut aaqqissuussinertut isigineqassaaq. Aningaasaateqarfik Akiitsulittut NFE-usoq, marloqiusamik nalunaaruteqartarnissap pinngitsoornissaa siunertaralugu, assingusumik inatsisitigut aaqqissuussinertut isigineqanngilaq.

 

  § 43. Oqariartaaseq ”inatsisitigut oqartussaaffik peqataasoq” isumaqarpoq inatsisitigut oqartussaaffik alla, kapitali 9-mi allassimasunik paasissutissat pissarsiarinissaannut inatsisitigut oqartussaaffimmik taassuminnga Kalaallit Nunaata isumaqatigiissuteqarfigisimasaa.

 

  § 44.  Oqariartaaseq ”inuit nakkutilliisut” isumaqarpoq inuit immikkoortortamik nakkutilliisut.
  Imm. 2.  Aningaasaateqarfik eqqarsaatigalugu oqariartaaseq taanna isumaqarpoq pilersitsisoq(sut), aqutsisoq(sut), immaqalu illersuisoq(sut), iluaquserneqartoq(tut) imaluunniit iluaquserneqartut assigiinngitsut aamma inuk ataaseq allat arlallit, naggataatigut aningaasaateqarfimmi nakkutilliisut, aamma aningaasaateqarfimmit allaanerusoq inatsisitigut aaqqissuussineq alla eqqarsaatigalugu oqariartaaseq isumaqarpoq inuit taamaaqataanik assigisaanilluunniit inissisimasut.
  Imm. 3.  Oqaaseq
»inuit nakkutilliisut« isumaqarpoq inuit nakkutilliinermik suliaqartut. Aningasaateqarfimmut tunngatillugu oqaaseq taanna isumaqarpoq pilersitsisoq(sut), ingerlatsisoq(sut), illersuisoq(sut), iluaquserneqartoq(tut) imaluunniit ataatsimoortut iluaquserneqartut aamma inuk ataaseq inuilluunniit arlallit aningaasaateqarfimmik aalajangiisuusumik nakkutilliisut, aningaasaateqarfimmillu allaanerusumik inatsisitigut aaqqissuussinermut tunngatillugu, inunnik assingusunut assingusunilluunniit inissisimasunik oqaaseq isumaqarpoq. Oqaaseq »inuit nakkutilliisut« Aningaasanik peqquserluutinik malunnarunnaarsaasarneq pillugu inatsimmi § 3, imm. 1, nr 4 aamma Financial Action Task Forcemit innersuussutit naapertorlugit oqaatsitut »piginnittuittut« paasineqassaaq.

 

  § 45.  Oqariartaaseq ”NFE” (aningaaseriviunngitsumi immikkoortortaq – non financial entity) isumaqarpoq immikkoortortaq, aningaaseriviunngitsoq.

 

  § 46.  Oqariartaaseq ”NFE ingerlanngitsoq” isumaqarpoq
1)  NFE, NFE ingerlasuunngitsoq, imaluunniit
2)  § 8, imm. 1, nr. 2-mi allaaserineqartoq aningaasalersuisarfik, inatsisitigut oqartussaaffiusumi peqataasumi aningaaseriviunngitsoq.

 

 § 47.  Oqariartaaseq ”NFE sulisoq” isumaqarpoq NFE, piumasaqaatinik makkuninnga naammassinnittoq:
1)  qaammatisiutit ukiuannut siuliusumut imaluunniit piffissamut nalunaaruteqarfiusussaasumut attuumassuteqartumut allamut NFE-p tamakkiisumik isertitaasa 50 pct.-imik ikinnerusut sulinani isertitaasut, aamma qaammatisiutit ukiannut siuliusumut imaluunniit piffissamut nalunaaruteqarfiusussaasumut attuumassuteqartumut allamut pigisat nalillit NFE-mit pigineqartut 50 pct.-imik ikinnerusut tassaasut pigisat nalillit, sulinani isertitanik amerlisaanissaq siunertaralugu amerlisarneqartut imaluunniit pigineqartut.
2)  NFE-mi piginneqataassutit pappiaranik aningaasanik nalilinnik niuerfimmi pilersinneqarsimasut akuttunngitsumik niuerutigineqartartut imaluunniit NFE immikkoortortamut atasuulluni immikkoortortaavoq, tassani piginneqataassutit pappiaranik aningaasanik nalilinnik niuerfimmi pilersinneqarsimasut akuttunngitsumik niuerutigineqartartut.
3)  NFE tassaavoq pisortani immikkoortortaq, nunani tamalaani suleqatigiiffik, qitiusumik aningaaserivik imaluunniit immikkoortortaq tamakkiisumik qulaani allassimasumi arlalinnilluunniit pigineqartoq.
4)  NFE-mi ingerlatat tamakkiusallutik tassaapput, tamakkiisumik ilaannakortumilluunniit ingerlatseqatigiiffimmi pigisami ataatsimi arlalinniluunniit niuernermik ingerlataqartoq imaluunniit aningaaserivimmit allaanerusumi niuernermik ingerlataqartumi aktianik pigisanik atulersinneqartunik imaluunniit aningaasalersuisumik kiffartuussisumillu pigisaqarneq, ilanngunnagilli immikkoortortaq taamatut inissisimanissamut piukkunnaateqanngitsoq, immikkoortortaq aningaasalersuisarfittut ingerlataqarpat imaluunniit ingerlatsisuusaarpat, assersuutigalugu private equity-fond, annaasaqaataasinnaasunut aningaasaatinut aningaasaateqarfik, leveraged buyout-fond imaluunniit aningaasalersuisarnermi sakku, ingerlatseqatigiiffinnik pissarsinissamik imaluunniit aningaasalersuinissamik siunertaqartoq tamatumalu kingorna ingerlatseqatigiiffinni taakkuni aningaasalersuinissamut siunertanut sanaartornermi pigisatut piginneqataassutitut pigalugit.
5)  NFE suli niuernermik ingerlataqanngilaq aamma siusinnerusukkut ingerlatsinermiit oqaluttuassartaqarnani, kisianni aningaaserivimmi ittumit suliffimmit allaanerusumik niuernermik allamik ingerlatsinissamut siunertaqartumik aningaasaatini piginneqataassutinut aningaasaliissutigalugit, naatsorsuutigalugu NFE-p aallaqqaammut pilersinneqarneranut ullormiit qaammatit 24-it kingorna ullup kingorna taamatut ilaatitsinnginnermut NFE pisinnaatitaanngitsoq.
6)  NFE ukiuni kingullerni tallimani aningaaseriviusimanngilaq aamma pigisani nalillit tunilerlugit imaluunniit aningaaserivimmi ittumit suliffimmit allaanerusumik niuernermik allamik ingerlatsinissap nanginnissaanik imaluunniit aallarteqqinneqarnissaanik siunertaraluni allanngorluni aaqqissuussilersoq.
7)  NFE tassaaneruvoq Immikkoortortat atassuteqartut, aningaaseriviunngitsut peqatigalugit imaluunniit sinnerlugit aningaasalersuinermik imaluunniit hedgemi nuussisarnernik suliaqartartoq aamma immikkoortortamut arlaannulluunniit, immikkoortortamut atasuunngitsumut aningaasalersuinngitsoq imaluunniit hedgemut akiliuteqarneq ajortoq, naatsorsuutigalugu immikkoortortat atasut taamatut ittut aningaaserivimmit ittumi suliffimmik allaanerusumik niuernikkut ingerlataqarnermik allamik annerusumik ingerlataqartuullutik.
8)  NFE-p piumasaqaatit tulliuttut uku tamaasa naammassissavai:
a)  inatsisitigut oqartussaaffimmi najugaqarfigisamini pilersinneqarsimavoq ingerlanneqarlunilu, taamaallaat upperisarsiornermik, ajunngitsuliornermik, ilisimatusarnermik, eqqumiitsuliornermik, kulturimik, timersornermik imaluunniit ilinniartitaanermik siunertaqartoq, imaluunniit inatsisitigut oqartussaaffimmi najugaqarfigisamini pilersinneqarsimavoq ingerlanneqarlunilu, aamma sulianut tunngasuni suleqatigiiffiulluni, inuussutissarsiortut kattuffigalugu, niuertut kattuffigalugu, sulisartut kattuffigalugu, nunaatilli imaluunniit naasorissaasut suleqatigiiffigalugu, innuttaasut peqatigiiffigalugu imaluunniit suleqatigiiffik inuit atugarissaarnerannik siuarsaanermik taamaallaat ingerlataqartoq,
b)  inatsisitigut oqartussaaffimmi najugaqarfigisamini isertitat akileraarusersornissaannut ilaatinneqanngilaq,
c)  piginneqataasoqanngilaq imaluunniit ilaasortaqanngilaq taassuma isertitaanik imaluunniit pigisaanik nalilinnik piginnittumik imaluunniit inatsisit malillugit piginneqataasumik,
d)  inatsisitigut oqartussaaffigisami, NFE-p najugaqarfigisaani inatsisit atuuttut imaluunniit NFE-p pilersinneqarnerani uppernarsaatit NFE-p isertitaasa ilaanik pissarsinissaq akuerineqanngilaq imaluunniit pigisat nalillit inuinnarnut imaluunniit immikkoortortamut ajunngitsuliortuunngitsumut iluaqutaasunik agguagarsisitsisarani, NFE-p ajunngitsuliorluni ingerlataanik ingerlataqarnerup malitsigisai, imaluunniit kiffartuussisimanermut naammaginartumik akissarsiatut akiliutitut imaluunniit akiliutit NFE-p pisiarisimasai illut pigisalluunniit niuerfimmi nalinginut naammaginartumik naapertuuttut eqqaassanngikkaanni, aamma
e)  inatsisitigut oqartussaaffigisami, NFE-p najugaqarfigisaani inatsisit atuuttut, NFE-p pilersinneqarnerani uppernarsaatit piumasarippassuk NFE-p pigisai nalillit tamarmik immikkoortortap akiliisinnaajunnaarnerani atorunnaarsinneraniluunniit Pisortani immikkoortortamut imaluunniit allamut iluanaaruteqarniarluni suleqatigiiffimmut agguagassarsianngortinneqassapput imaluunniit naalakkersuisunut inatsisitigut oqartussaaffigisami, NFE-p najugaqarfigisaaniittumut tussallutik imaluunniit tassani politikkikkut immikkoortortamut.
  Imm. 2.  Suliaqaqqaarnani isertitat ilanngaasiineq sioqqullugu isertitanut makkununnga tunngassuteqarput:
1)  Iluanaarutisiat.
2)  Erniat.
3)  Ernianut assingusunit isertitat.
4)  Attartortitsinerit royaltiillu, tassani suliffeqarfimmik ingerlatsinermi attartortitsinernit royaltiinillu isertitat NFE-mi sulisunit minnerpaamik ilaannakortumik suliarineqartut ilanngunnagit.
5)  Ukiumoortumik akiliutit.
6)  Aningaasanik niuernermik ingerlatanit imaluunniit aningaasanik niuernermi paarlaateqatigiinnernit tunisanit ilanngaaseereerluni isertitat, siuliani suliaqaqqaarnani isertitanut nassuiakkanik pissutissaqalersitsisut.
7)  Aningaasanik ingerlatsinerni suniluunniit nuussinernit iluanaarutisiat ilanngaaseriikkat (tassani futures, forwards, optionit nuussinerillu assigisaat ilanngullugit).
8)  Aningaasanik niueruteqarnermi ilanngaaseereerluni iluanaarutit.
9)  Swapsinit ilanngaaseereerluni isertitat.
10)  Sillimmatinik isumaqatigiissutinik aningaasavinnik nalilinnit aningaasat pissarsiat.
  Imm. 3.  Imm. 2-mi qanoq allassimasoqarnera apeqqutaatinnagu uningasuutinit isertitat NFE-t aningaasanik niueruteqarnermi ataavartumik ingerlatsisut, nuussinernit sunilluunniit ingerlatsisup niuernermik ingerlatsinermi ilaasut ilaanngillat.

 

Assigiinngitsut

 

  § 48.  Oqariartaaseq ”kontomik piginnittoq” isumaqarpoq inuk aningaaseriviup kontomik ingerlatsisup pilersissimasaa imaluunniit aningaaserivimmi kontomik piginnittutut kinaassusiatut uppernarsarsimasaa.
  Imm. 2.  Inuk, aningaaseriviunngitsoq, aamma inuup allap piginnaatitaatut, toqqorsisuatut, aqutsisuatut, atsiorsinnaatitaasuatut, aningaasalersuinermi siunnersuisuatut imaluunniit akunnermiliuttuatut iluaqutaasumik taassuma akiligaanik aningaaserivimmi kontomik piginnittutut kontomi piginnittusut isigineqanngilaq, taannalu inuk alla kontomik piginnittut isigineqarluni.
  Imm. 3.  Sillimmasiinermik isumaqatigiissut aningaasanik naleqartoq imaluunniit taarsigassarsiat assigiiaartumik taarsersorneqarnissaannik isumaqatigiissut eqqarsaatigalugit kontomik piginnittoq tassaavoq kinaluunniit inuk, aningaasat nalinginut pissarsisinnaatitaasoq imaluunniit isumaqatigiissut malillugu iluaqusiinermik allannguisinnaasoq. Inuit arlaannaalluunniit aningaasat nalinginut pissarsisinnaanngippata imaluunniit iluaqusiineq allanngortissinnaanngippagu, kontomik piginnittoq tassaassaaq kinaluunniit inuk isumaqatigiissummi piginnittut eqqaaneqartoq aamma kinaluunniit inuk isumaqatigiissummi piumasaqaatit malillugit inuttut akiliinissamut pisussaaffeqartoq. Sillimmasiinermik isumaqatigiissut aningaasanik naleqartoq imaluunniit taarsigassarsiat assigiiaartumik taarsersorneqarnissaannik isumaqatigiissut naapertorlugu aningaasanik tigusinerit aallartinneqarpata inuk kinaluunniit, isumaqatigiissut malillugu akiliutinik tigusinissamut pisinnaatitaasoq, kontomik piginnittutut isigineqassaaq.

 

  § 49.  Oqariartaaseq ”AML/KYC-mi suleriaatsit” isumaqarpoq pinerlunnikkut aningaasarsiat aningaaserivimmit inissinneqartarneri pillugu inatsit imaluunniit piumasaqaatit taamaaqatai, aningaaseriviup nalunaaruteqartussaatitaasup malitassai malillugit sullitanut naleqqiullugu tulluartumik peqqissaarnissaq pillugu aningaaseriviup nalunaaruteqartussaatitaasup suleriaasia.

 

  § 50.  Oqariartaaseq ”immikkoortortaq” isumaqarpoq inatsisitigut pisinnaatitaasoq pisussaasorlu imaluunniit inatsisitigut aaqqissuussineq soorlu ingerlatseqatigiiffik, soqutigisaqaqatigiiffik, aningaasaateqarfik.

 

  § 51.  Immikkoortortaq ”immikkoortortamut atasumut” immikkoortortamut allamut atassaaq
1)  immikkoortortat arlaata immikkoortortamik allamik nakkutilliippat,
2)  immikkoortortat taakku marluk ataatsimut nakkutigineqarpata, imaluunniit
3)  immikkoortortat taakku marluk tassaappata § 8, imm. 1, nr. 2-mi allaaserineqartutut aningaasalersuisarfimmi immikkoortortaasut ataatsimoortillugit aqunneqarpata, taamatullu aqutsinerup aningaasalersuisarfinni immikkoortortanut taamatut ittunut tulluartumik peqqissaarnissaq pillugu pisussaaffinnik naammassinnippat.
  Imm. 2.  Imm. 1-ip atorneqarneranut ilaavoq immikkoortortami taasinerit nalingatalu 50 pct.-it sinnerlugit toqqaannartumik toqqaannanngitsumilluunniit piginnittuunermik nakkutilliineq.

 

  § 52.  Oqariartaaseq ”akileraartartup normua” isumaqarpoq akileraartartussaasup kinaassusiatut normua, imaluunniit akileraartartup normuanik peqannginnermi siunertamut tassunga naapertuuttoq.

 

  § 53.  Oqariartaaseq ”uppernarsaatitut allagartaq”-mut ilaapput tulliuttuni ataaseq arlallilluunniit:
1)  Nunap najugarisap uppernarsaataa oqartussatut immikkoortup piginnaatitaasup atulersitaa, soorlu assersuutigalugu naalagaaffimmi oqartussat, oqartussani immikkoortoq alla imaluunniit kommuni, inatsisitigut oqartussaaffigisami akiliinermik tigusisuusup najugaqarfigisaatut oqaatigisaani.
2)  Inuk eqqarsaatigalugu: Uppernarsaat atuuttoq sunaluunniit oqartussani immikkoortumit piginnaatitaasumit atuuttussanngortinneqarsimasoq, soorlu assersuutigalugu naalagaaffimmi oqartussat, oqartussani immikkoortoq alla imaluunniit kommuni, inuup aqqa ilaasoq, amerlanertigullu kinaassutsip uppernarsarnissaanik siunertanut atorneqartartoq.
3)  Immikkoortortaq eqqarsaatigalugu: Uppernarsaat atuuttoq sunaluunniit oqartussani immikkoortumit piginnaatitaasumit atuuttussanngortinneqarsimasoq, soorlu assersuutigalugu naalagaaffimmi oqartussat, oqartussani immikkoortoq alla imaluunniit kommuni, immikkoortortap aqqa aamma inatsisitigut oqartussaaffigisami taassuma qullersaqarfiata najugaqarfigisaatut oqaatigisaani najugaa ilaalluni, imaluunniit inatsisitigut oqartussaaffik, immikkoortortap nalunaarsorsimaffigisaa imaluunniit pilersinneqarfia.
4)  Ukiumut naatsorsuutit kukkunersiukkat, peqataanngitsup allap akiligassat pillugit nalunaarusiaa, akiliisinnaajunnaarnermik qinnuteqarneq imaluunniit pappiaranik aningaasanik nalilinnik nakkutilliisunit oqartussanit nalunaarusiaq.
  Imm. 2.  Immikkoortortap qullersaqarfiata najugaa nalinginnaasumik tassaavoq sumiiffik piviusumik aqutsisut sumiiffigisaat. Immikkoortortap kontomi ingerlatsiffigisaani aningaaseriviup najugaani postboks imaluunniit najugaq, taamaallaat allakkanik nassiussinernut atorneqartoq, tassaanngilaq Immikkoortortap qullersaqarfiata najugaa, najugaq taamatut ittoq immikkoortortami atorneqartutuaanngippat aamma immikkoortortap pilersinneqarneranut uppernarsaatini Immikkoortortap najugaatut nalunaarsugaasutut saqqumippat. Aammattaaq najugaq, najukkamut pineqartumut allakkat tamarmik toqqorsimanissaat pillugu ilitsersuummi allassimasoq, tassaanngilaq immikkoortortap qullersaqarfiata najugaa.
Imm. 3.  Immikkoortortap kontoa pioreersoq eqqarsaatigalugu aningaaseriviit nalunaaruteqartussaatitaasut uppernarsaatitut allagartatut aningaaseriviup nalunaaruteqartussap kontomik piginnittumi toqqorsivini immikkoortiterineq sunaluunniit atorsinnaavaa, taanna suliffiup qanoq ittuuneranut aaqqissuussinermi assigiissaagaasut tunngavigalugit aalajangersagaasoq, AML/KYC-mi suleriaatsit allalluunniit malittarisassaqartitsinermi siunertat siunertaralugit nalinginnaasumik niuernermik ingerlatsinera naapertorlugu aningaaseriviup nalunaaruteqartussamit nalunaarsorneqarsimasoq, akileraartarnikkut siunertat eqqaassanngikkaanni, aamma aningaaserivimmi kontop kontotut pioreersutut immikkoortiternerani ullup siornatigut aningaaserivimmit nalunaaruteqartussamit isumagineqarsimasoq, naatsorsuutigalugu aningaaseriviup nalunaaruteqartussap taamatut immikkoortiterineq kukkusuusoq imaluunniit tatiginartuunngitsoq ilisimanagu imaluunniit ilisimassallugu tunngavissaqanngitsoq.
  Imm. 4.  Oqariartaaseq ”suliffiup qanoq ittuuneranut aaqqissuussinermi assigiissagaq” isumaqarpoq ilisarnaatitigut aaqqissuussineq, akileraartarnikkut siunertanut allaanerusunut suliffeqarfiit qanoq ittuuneri malillugit suliffeqarfiit immikkoortiterinerinut atorneqartartoq.


Kapitali 2
Nalunaarsuineq

 

  § 54.  Aningaaseriviit nalunaarutiginnittut, aningaaseriviit nalunaarutiginnittutut inissisimalernermik kingorna kingusinnerpaamik ullut arfineq pingasut qaangiutsinnagit tamatuminnga Akileraartarnermut ingerlatsivimmut nalunaarutiginnissapput, tassani Aningaaserivittut nalunaarutiginnittup taamaallaat kontonik ilaatinneqanngitsunik ingerlatsinera taamaallaat pineqartinnagu, aningaaserivimmit nalunaarutiginnittartumit tamakkiisumik piginnittoqarnermi aammalu tassannga piginneqataassutinik kontonik allanik ingerlatsinani imaluunniit ingerlatsivimmi aningaasaatinut piginneqataassutit akiitsulluunniit § 21, imm. 1 nr. 3, uniffiit aappaat naapertorlugit aningaasalersuisarfiunani.
  Imm. 2.  Nalunaarneq immikkut immersuuffissakkut, Akileraartarnermut Aqutsisoqarfimmi pissarsiarineqarsinnaasumi ingerlanneqarsinnaavoq imaluunniit Akileraartarnermut Aqutsisoqarfiup erseqqinnerusumik ilitsersuussineratigut elektroniskimik isumagineqarsinnaalluni.
  Imm. 3.  Suliffeqarfik aningaaserivimmut nalunaaruteqartussamut ilaanersoq pillugu nalornineq nalunaaruteqannginnissamut pisussaatitsinngilaq. Taamatut pisuni nalunaarummut ilanngunneqassaaq suliffeqarfik nalunaaruteqartussaatitaasoq pillugu nassuiaat, tamatumalu kingorna Akileraartarnermut Aqutsisoqarfik nalunaarsuineq pillugu aalajangiissalluni.
  Imm. 4.  Nalunaaruteqarnermi aningaaserivik nalunaaruteqartoq uku pillugit paasissutissiissaaq
1)  ateq, najugaq kommunilu najugaq,
2)  taassuma cvr-normua,
3)  aningaaserivittut nalunaaruteqartussatut inissisimalernerup atuutilerneranut ulloq aamma
4)  nalunaaruteqartussaatitaanerup qanoq ittuunera.
  Imm. 5.  Aningaaserivik nalunaaruteqartussaq cvr-normoqarluni nalunaarsugaanngippat nalunaarsuiffiit taakku arlaanni nalunaarsuisoqassaaq.
  Imm. 6.  Nalunaarsuinerup kingorna nalunaarsorneqarnermut uppernarsaat nalunaarsuinermi paasissutissanik imaqartoq Akileraartarnermut Aqutsisoqarfiup aningaaserivimmut nalunaaruteqartussamut nassiutissavaa.
  Imm. 7.  Nalunaarsuinerup kingorna paasissutissani nalunaarutigineqartuni allanngortoqarpat, tassunga ilanngullugu aningaaserivittut nalunaaruteqartartutut inissisimanerup atorunnaarnera, imaluunniit paasissutissani nalunaarsorneqartuni kukkusoqarsimanera paasineqarpat, allannguinerup pineraniit imaluunniit kukkunerup paasineraniit ullut arfineq pingasut qaangiutsinnagit tamanna pillugu nalunaaruteqartussaatitaasoq Akileraartarnermut Aqutsisoqarfimmut allakkatigut nalunaaruteqassaaq. Tamatuma kingorna nalunaarsugaanermut uppernarsaat nutaaq Akileraartarnermut Aqutsisoqarfiup nassiutissavaa, aamma nalunaaruteqartussaatitaanerup naanerani nalunaarsugaanerup unitsinneqarnera pillugu nalunaaruteqarluni.
  Imm. 8.  Imm. 7 naapertorlugu nalunaarsuineq nalunaaruteqartussaatitaanerup atorunnaarallarnerani piffissani pineqartuni nalunaaruteqartussaatitasup paasissutissanik nalunaarutigisassaqannginneranik Akileraartarnermut ingerlatsivimmut nalunaaruteqarneratigut mininneqarsinnaavoq.

 

Kapitali 3
Peqqissaartumik periuseqarnermut tunngatillugu nalinginnaasumik piumasaqaatit

 

  § 55.  Konto kapitali 3-8-mi peqqissaartumik periuseqarnissaq pillugu suleriaatsit naapertorlugit kontotut nalunaarutigineqartussaaffiusutut ullormiit taamatut suussuserneraniit suliarineqassaaq aamma kontomut nalunaarutigineqartussaaffiusumut tunngatillugu paasissutissat, allamik aalajangersaasoqanngippat, ukiup paasissutissanut tunngasuusut kingorna qaammatisiutit ukiuanni ukiumoortumik nalunaarutigineqartassapput.

 

  § 56.  Aningaaserivik nalunaaruteqartoq, kapitali 3-8-mi suleriaatsit malillugit kontomik nunanut allanut, Savalimmiunut imaluunniit Danmarkimut atassuteqartumik paasisaqartoq, suleriaatsit naammassineqarnerini piffissami konto nalunaarutigineqartussaaffiunngitsoq, siunissami nalunaaruteqarnissamut pisussaaffiit naammassineqarnissaat siunertaralugu taamatut suleriaatsit inernerinik atuisinnaavoq.

 

  § 57.  Kontomi killiffik imaluunniit nalit qaammatisiutit ukiuanni ullormi kingullermi aalajangersarneqassapput.

 

  § 58.  Qaammatisiutit ukianni ullormi kingullermi killiffik imaluunniit nalit killingi aalajangersarneqarpata qaammatisiutit ukiuata pineqartup naanerani piffissami nalunaaruteqarfiusussami ullormi kingullermi killiffik imaluunniit nali attuumassuteqartoq aalajangersarneqassaaq.

 

  § 59.  Aningaaseriviit nalunaaruteqartut kontoni pioreersuni kontonut nutaanut atuuttut peqqissaartumik periuseqarnissamut suleriaatsit, aamma qaffasissumik nalilinnut kontonut, appasissumik nalilinnut kontonut atuuttunut peqqissaartumik periuseqarnissamut suleriaatsit atorsinnaavaat. Kontoni pioreersuni kontonut nutaanut atuuttut peqqissaartumik periuseqarnissamut suleriaatsit aningaaserivimmit atorneqarneri apeqqutaatinnagu, kontonut pioreersunut atuuttut allat maleruagassat suli atuutissapput.
  Imm. 2.  Aningaaseriviit isumaqatigiissusiornikkut nalunaarutiginninnissamik peqqissaartumillu periutsinik pisussaaffinnik naammassinninnissamut sullissisunik atuineq toqqarsinnaavaat, taakkulu nalunaarut manna naapertorlugu aningaaserivinnik taamaattunik nalunaaruteqarnissamik pisussaaffilerneqassapput, pisussaaffilli taakku aningaaseriviup akisussaaffigissavai.

 

  § 60.  Pisuni allanngornermut ilaavoq allanngorneq sunaluunniit, inuup killiffianut tunngasunik paasissutissanik nutaanik kinguneqartoq, imaluunniit allatigut inuup killiffianut akerliusut. Pisuni allanngornermut aamma ilaavoq kontomik piginnittup kontoanut paasissutissanik allannguineq imaluunniit ilanngussineq, tassunga ilanngullugit kontomik piginnittumut atatillugu ilanngussineq, taarsiineq imaluunniit allannguinerit allat, imaluunniit kontot kattunnerat pillugu maleruagassat atornerini kontomut taamatut ittumut atasumut kontomut paasissutissanik allannguineq imaluunniit ilanngussineq, tak. §§ 98-100, paasissutissanik taamatut allannguineq imaluunniit ilanngussineq kontomik piginnittup killiffianut sunniuteqarpat.
  Imm. 2.  Aningaaserivik nalunaaruteqartoq § 62-imi allaaserineqartumik najugaqarfimmik misiliinermik atuisimappat, aamma pisuni allannguisoqarsimappat tamatuma kingunerisaanik aallaqqaammut uppernarsaatitut allagartaq imaluunniit taamaaqataanik uppernarsaat kukkusuusoq imaluunniit tatiginanngitsuusoq aningaaserivik nalunaaruteqartoq ilisimasaqalerluni imaluunniit ilisimasaqalernissamut tunngavissaqarluni, qaammatisiutit ukiuanni ullormi kingullermi imaluunniit nalunaarutip imaluunniit pisuni taamatut allannguisoqarsimaneranik paasisaqarnerup kingorna ullorsiummi ullut 90-it kingusinnerpaamik kingorna nammineq nalunaarummik aamma Uppernarsaammut allagartamik nutaamik, kontomik piginnittup akileraartarnikkut najugaqarfianik imaluunniit najugaqarfiinik aalajangersaasumik pissarsiniassaaq.
  Imm. 3.  Imm. 2 malillugu ulloq taanna sioqqullugu nammineq nalunaarummik aamma uppernarsaammut allagartamik nutaamik aningaaserivik nalunaaruteqartussaq pissarsisinnaanngippat §§ 63-67-imi allaaserineqartutut elektronikkikkut pigisani nalilinni ujaasinissamut suleriaaseq aningaaserivik nalunaaruteqartartup atussavai.


Kapitali 4
Inuup kontoinut pioreersunut peqqissaartumik periuseqarneq

 

Tamanut tunngasut

 

  § 61.  Kapitali matumani suleriaatsit inuit kontoinut pioreersut eqqarsaatigalugit atorneqarput.

 

Appasissumik nalilinnut kontot

 

  § 62.  Aningaaserivik nalunaaruteqartoq uppernarsaarnermut allagartaq tunuliaqutaralugu kontomik piginnittunut ataasiakkaanut maannakkut najugarisaannut toqquisimappata, kontomik piginnittut ataasiakkaat taamaattut inuttut nalunaarutigineqartussaanersoq aalajangiiffiginiarlugu najugaqarfigisamiittut inatsisitigut oqartussaaffigisami akileraartarnikkut najugaqartutut kontomik piginnittut ataasiakkat inuttut aningaaseriviup nalunaaruteqartup suliarisarsinnaavai.

 

  § 63.  § 62-imi aalajangersarneqartutut aningaaseriviup nalunaaruteqartup uppernarsaanermut allagartaq tunuliaqutaralugu kontomik piginnittut ataasiakkaat maannakkut najugaqarfiat tunngaviginngippagu §§ 64-67-ip atorneqarnerani pasinartut uku siunertaralugit aningaaserivimmi nalunaaruteqartumi toqqortarineqartumi elektroniskimik ujaasiffigineqarsinnaasunik nalunaarsukkanik misissuissaaq:
1)  Kontomik piginnittup nunani allani, Savalimmiuni imaluunniit Danmarkimi najugaqartut kinaassusernera.
2)  Nunani allani, Savalimmiuni imaluunniit Danmarkimi maannakkut allakkatigut imaluunniit najugaqarfigisaq, tassunga ilanngullugu postboksimi najugaq.
3)  Nunani allani, Savalimmiuni imaluunniit Danmarkimi oqarasuaatikkut ataatsimik arlalinnilluunniit normoqarneq aamma Kalaallit Nunaanni oqarasuaatikkut normoqannginneq.
4)  Aningaasat kontomut nunami allami, Savalimmiuni imaluunniit Danmarkimi ingerlanneqartumut pillugit ilitsersuutit nuunneqarnissaat, aningaasaliinermi kontop eqqarsaatiginera ilanngunnagu.
5)  Inummut nunami allami, Savalimmiuni imaluunniit Danmarkimi najugaqartumut tunniussaq piginnaatitsissut atuuttoq imaluunniit atsiorsinnaatitaaneq.
6)  Nunami allami, Savalimmiuni imaluunniit Danmarkimi toqqorsinissamut ilitsersuut imaluunniit c/o-najugaq, kontomik piginnittumi najugaqarfimmik allamik aningaaserivik nalunaaruteqartoq nalunaarsugaqanngippat.

 

  § 64.  § 63-imi allanneqartut pasinartut arlaat elektroniskimik ujaasinermi paasineqanngippata annertunerusumik iliuuseqarnissamut pisussaaffeqanngilaq, pisuni allanngortoqarnissaata tungaanut, kontomut atatillugu ataatsimik arlalinnilluunniit pasinartoqalerpat, imaluunniit konto qaffasissumik naleqartutut kontonngorpat.

 

  § 65.  § 63, nr. 1-5-imi allanneqartut pasinartut arlaat elektroniskimik ujaasinermi paasineqarpat imaluunniit pisuni allanngortoqarpat, kontomut atatillugu ataatsimik arlalinnilluunniit pasinartoqalerluni, aningaaseriviup nalunaaruteqartup kontomik piginnittoq nuani allani, Savalimmiuni imaluunniit Danmarkimi inatsisitigut oqartussaaffiusuni ataasiakkaani akileraartarnermikkut najugaqartutut suliarissavaa, § 67-ip atorneqarnissaa toqqarneqanngippat, aamma immikkoortumi tulliuttumi ilaatinneqanngitsut arlaat kontomut tassunga atuutilerluni.

 

  § 66.  Toqqorsinissamut ilitsersuut imaluunniit c/o-mi najugaq elektroniskimik ujaasinermi paasineqarpat aamma najugaq alla aamma § 63, imm. 1, nr. 1-5-imi allanneqarsimasut pasinartut arlaannaalluunniit kontomik piginnittumut suussuserneqanngippata aningaaserivik nalunaaruteqartoq pisuni naleqqunnerpaamik tulleriiaaraluni
1)  § 69, imm. 2-mi allaaserineqartutut pappiaranut toqqorsivinni ujaasineq atussavaa, aamma
2)  kontomik piginnittumiit nammineq nalunaarummik imaluunniit uppernarsaammut allagartamik pissarsiniarniassaaq, tassani aalajangerneqarsinnaalluni kontomik piginnittumut tassunga akileraartarnikkut najugaqarfik ataaseq arlallilluunniit.
Imm. 2.  Pappiaranik toqqorsivimmi ujaasineq pasinartunik nassaarfiunngippat aamma nammineq nalunaarummik imaluunniit uppernarsaammut allagartamik pissarsiniarneq angusaqarfiunngippat, aningaaseriviup nalunaaruteqartup konto kontotut uppernarsarneqarsimanngitsutut Akileraartarnermut Aqutsisoqarfimmut nalunaarutigissavaa.

 

  § 67.  § 63-imi pasinartunik paasinnittoqarnersoq apeqqutaatinnagu nunami allami imaluunniit Savalimmiuni imaluunniit Danmarkimi inatsisitigut oqartussaaffiini kontomik piginnittup najugaqarneratut aningaaserivik nalunaaruteqartoq suliarinninnissamut pisussaaffeqanngilaq:
1)  Kontomik piginnittoq pillugu paasissutissanik makkuninnga imaqarpoq: nunami allami imaluunniit Savalimmiuni imaluunniit Danmarkimi inatsisitigut oqartussaaffimmi pineqartumi maannakkut allakkatigut najugaqarnera, Kalaallit Nunaanni oqarasuaatikkut normoqarnani nunami allami imaluunniit Savalimmiuni imaluunniit Danmarkimi inatsisitigut oqartussaaffimmi pineqartumi ataatsimik arlalinnilluunniit oqarasuaatikkut normoqarnera, imaluunniit nunami allami imaluunniit Savalimmiuni imaluunniit Danmarkimi inatsisitigut oqartussaaffimmi ingerlanneqartumik kontomut aningaasanik nuussinissaq pillugu aningaasaliinermi kontot eqqaassanngikkaanni aningaaserivimmi kontot eqqarsaatigalugit ilitsersuuteqarluni, aamma aningaaserivik nalunaaruteqartoq toqqorsimasanik uppernarsaatinik pissarsiniarsimalluni imaluunniit siusinnerusukkut misissuisimalluni imatut ittumik:
a)  Inatsisitigut oqartussaaffimmut pineqartumut ilaanngitsumi nunami allami imaluunniit Savalimmiuni imaluunniit Danmarkimi inatsisitigut oqartussaaffik, kontomik piginnittup najugaqarfia pillugu kontomik piginnittumiit nammineq nalunaarut, aamma
b)  Uppernarsaammut allagartaq, tassani aalajangerneqarluni kontomik piginnittup inatsisitigut oqartussaaffimmi pineqartumi akileraartarnikkut najugaqanngitsuunera.
2)  Kontomik piginnittoq pillugu paasissutissanik makkuninnga imaqarpoq: nunami allami imaluunniit Savalimmiuni imaluunniit Danmarkimi inatsisitigut oqartussaaffiusumi tassani najugaqartumut inummut piginnaatitsissut atuuttoq imaluunniit atsiorsinnaatitaaneq, aamma aningaaserivik nalunaaruteqartoq toqqorsimasanik uppernarsaatinik pissarsiniarsimalluni imaluunniit siusinnerusukkut misissuisimalluni imatut ittumik
a)  Inatsisitigut oqartussaaffimmut pineqartumut ilaanngitsumi nunami allami imaluunniit Savalimmiuni imaluunniit Danmarkimi inatsisitigut oqartussaaffik, kontomik piginnittup najugaqarfia pillugu kontomik piginnittumiit nammineq nalunaarut, aamma
b)  Uppernarsaammut allagartaq, tassani aalajangerneqarluni kontomik piginnittup inatsisitigut oqartussaaffimmi pineqartumi akileraartarnikkut najugaqanngitsuunera.

 

Qaffasissumik naleqartunut kontonut annertusisamik ujaasinermi suleriaatsit.

 

  § 68.  Aningaaserivik nalunaaruteqartoq qaffasissumik nalillit kontot eqqarsaatigalugit § 63-imi allaaserineqartut pasinartut tamaasa pillugit aningaaserivimmit nalunaaruteqartumit toqqorneqarsimasut elektroniskimik ujaasiffigineqarsinnaasut nalunaarsukkat misissussavai.

 

  § 69.  Aningaaseriviup nalunaaruteqartartup nalunaarsuiffia elektroniskimik ujaasiffigineqarsinnaasoq § 70-imi allaaserineqartutut paasissutissanut tamanut immersuiffissiami tigusiffiusinnaasunillu imaqarpat pappiaranik toqqorsivimmi ujaaseqqinnissamut pisussaaffeqanngilaq.
  Imm. 2.  Nalunaarsuiffiit elektroniskiusut paasissutissanik tamanik ujaasisinnaanngippata aningaaserivik nalunaaruteqartoq, qaffasissumik naleqartunut kontot eqqarsaatigalugit, aamma sullitanut maanna allagaatigisani ujaasissaaq aamma, taakku maannakkut sullitanut allagaatigisaniinngippata, kontomut atasut allagaatit uku, ukiut kingulliit tallimat iluanni aningaaseriviup nalunaaruteqartup pissarsiarisimasaa, § 63-imi allaaserineqartut pasinartut ataasiakkaat pillugit:
1)  konto eqqarsaatigalugu uppernarsaatitut allagartaq kingulleq aaneqarsimasoq,
2)  kontomik pilersitsineq pillugu isumaqatigiissut imaluunniit uppernarsaat kingulleq,
3)  AML/KYC-mi suleriaatsit imaluunniit killilersuinermi siunertat allat naapertorlugit aningaaserivimmit nalunaaruteqartumit pissarsiarineqarsimasut allagaq kingulleq,
4)  piginnaatitsissut imaluunniit atsiorsinnaatitaaneq atuuttoq sunaluunniit, aamma
5)  aningaasanik nuussineq pillugu ilitsersuutit atuuttut suulluunniit, aningaasaliinermi konto eqqarsaatigalugu ilanngunnagu.

 

  § 70.  Aningaaseriviup nalunaaruteqartup paasissutissaatai elektroniskimik ujaasiffigineqarsinnaasut paasissutissanik ukuninnga imaqarpata § 69, imm. 2-mi allaaserineqartutut pappiaranik toqqorsivimmi ujaasinissamut aningaaserivik nalunaaruteqartoq pisussaaffeqanngilaq:
1)  kontomik piginnittup najugaa,
2)  kontomik piginnittup najugaa aamma allakkatigut najugaa, piffissami pineqartumi aningaaserivimmi nalunaaruteqartumi nalunaarsugaasoq,
3)  kontomik piginnittup oqarasuaatini normua imaluunniit normui, piffissami pineqartumi aningaaserivimmi nalunaaruteqartumi nalunaarsugaasoq,
4)  aningaaserivimmi kontoqartillugu, aningaasaliinermi kontot ilanngunnagit, kontomit kontomut allanut aningaasanik nuussinissaq pillugu ilitsersuuteqarnersoq, tassunga ilanngullugu aningaaserivimmit nalunaaruteqartumit immikkoortortami allami imaluunniit aningaaserivimmi allami konto,
5)  Kontomik piginnittoq pillugu atuuttumik c/o-najugaq imaluunniit toqqorsinissamut ilitsersuut, aamma
6)  konto pillugu piginnaatitsisoqarnersoq imaluunniit atsiorsinnaatitaasoqarnersoq.

 

  § 71.  §§ 68 aamma 69-imi allaaserineqartutut toqqorsivinni elektroniskiusuni aamma pappiaranik toqqorsivinni ujaasinerit saniatigut, sullitamut akisussaasoq kontomik piginnittoq nalunaarutigqartussaasoq pillugu ilisimasaqaruni, sullitamut akisussaasut tunniunneqarsimasut qaffasissumik naleqartut kontot suulluunniit aningaaserivimmit nalunaaruteqartumit kontotut nalunaaruteqartussaasutut suliarineqassapput, tassunga ilanngullugu aningaaserivimmi konto sunaluunniit qaffasissumik naleqartunut kontomut tassunga ilanngunneqartut.

 

  § 72.  § 63-imi allanneqartut pasinartut arlaat §§ 68-71-imi allaaserineqartutut qaffasissumik naleqartumik kontonik annertusisamik misissuinermi paasineqanngippata aamma § 71 malillugu konto nunami allami, Savalimmiuni imaluunniit Danmarkimi inummit pigineqartutut kinaassusersineqanngippat, annerusumik iliuuseqarnissamut pisussaaffeqanngilaq, kontomut atatillugu pasinartumut ataatsimut arlalinnulluunniit atassuserneqartumik pisuni allanngortoqarnissaata tungaanut.
  Imm. 2.  § 63, nr. 1-5-imi allanneqartut pasinartut arlaat §§ 68-71-imi allaaserineqartutut qaffasissumik naleqartunik kontonik annertusisamik ujaasinermi paasineqarpata, imaluunniit tamatuma kingorna kontomut atassuserneqarsinnaasumik pasinartumik ataatsimik arlalinnilluunniit inerneqartumik pisuni allanngortoqarpat, aningaaseriviup nalunaaruteqartup kontomik piginnittoq nunani allani imaluunniit Savalimmiuni imaluunniit Danmarkimi inatsisitigut oqartussaaffigisami akileraartarnikkut najugaqartutut suliarissavaa, § 67-ip atorneqarnissaa toqqarneqanngippat aamma immikkoortumi pineqartumi ilaatinneqanngitsut arlaat kontomut tassunga atuuppata.
  Imm. 3.  §§ 68-71-imi allaaserineqartutut qaffasissumik naleqartunik kontonik annertusisami ujaasinermi toqqorsinissamut ilitsersuut imaluunniit c/o-najugaq nassaarineqarpat aamma § 63, imm. 1, nr. 1-5-imi allanneqartunik allamik najugaqarneq pasinartullu allat kontomik piginnittumut atasutut nassaarineqanngippata, kontomik piginnittumut tamatuminnga imaluunniit akileraartarnikkut najugaqarfimmik aalajangersaasinnaasumik kontomik piginnittumit tassanngaanniit nammineq nalunaaruteqarneq imaluunniit uppernarsaanermut allagartamik aningaaserivik nalunaaruteqartoq pissarsiniassaaq. Nammineq nalunaarummik taassuminnga imaluunniit uppernarsaammik allagartamik taassuminnga aningaaserivik nalunaaruteqartoq pissarsisinnaanngippat kontotut uppernarsarneqanngitsutut konto Akileraartarnermut Aqutsisoqarfimmut nalunaarutigineqassaaq.

 

  § 73.  Inuup kontoa pioreersoq ulloq 31. december 2015-imi qaffasissumik naleqartut kontonngippat, kisiannili ukiumi tulliuttumi ullormiit kingullermiit qaffasissumik naleqartutut kontonngorpat kontop qaffasissumik naleqartutut kontonngornerani ukiup kingorna ukiumi taamatut kontonera eqqarsaatigalugu §§ 68-71-imi allaaserineqartutut annertusisamik misissuinissamut suleriaat qningaaseriviup nalunaaruteqartup naammassissavai.
  Imm. 2.  Taamatut misissuineq tunngavigalugu konto taamatut ittoq kontotut nalunaarutigineqartussaasusut paasineqarpat ukioq kontotut nalunaarutigineqartussaasutut paasineqarfia aamma ukiut tulliuttut ukiukkaartut eqqarsaatigalugit konto pineqartoq pillugu paasissutissani piumasarineqartunik aningaaserivik nalunaaruteqartoq nalunaaruteqassaaq, kontomik piginnittoq inuttut nalunaarutigineqartussaatut atuukkunnaarsimanngippat.

 

  § 74.  Qaffasissumik naleqartunut kontomi § 68-71-imi allaaserineqartunik annertusisami misissuinermi suleriaatsit aningaaserivimmit nalunaaruteqartumit atorneqarpata taamatut suleriaatsini atueqqinnissamut aningaaserivik nalunaaruteqartoq pisussaaffeqanngilaq, ukiumi tulliuttumi qaffasissumik naleqartunik kontomi tassani § 71-imi allaaserineqartutut sullitamut akisussaasumut apeqquteqaatinut atasut eqqaassanngikkaanni, konto uppernarsarneqarsimanngippat, taamaattoqartillugu aningaaseriviup nalunaaruteqartup taakku ukiukkaartumik atortariaqartassavai, kontop taassuma uppernarsarneqarsimanngitsutut inissisimajunnaarnissaata tungaanut.

 

  § 75.  Kontomut atatinneqarsinnaasumik § 63-imi allaaserineqartutut pasinartumik ataatsimik arlalinnilluunniit inerneqartumik qaffasissumik naleqartoq konto eqqarsaatigalugu pissutsini allanngortoqarpat, nunani allani imaluunniit Savalimmiuni imaluunniit Danmarkimi inatsisitigut oqartussaaffiusuni akileraartarnikkut najugaqartutut kontomik piginnittoq aningaaserivimmit nalunaaruteqartumit suliarineqassaaq, § 67-ip atorneqarnissaa toqqarneqanngippat, aamma immikkoortumi pineqartumi ilaatinneqanngitsut arlaat kontomut tassunga atuuppata.

 

  § 76.  Kontomut tunngatillugu pissutsit sunilluunniit allannguinernik sullitanut akisussaasup paasisaqarnissaanik qulakkeerisumik suleriaatsinik aningaaserivik nalunaaruteqartoq atulersitsissaaq. Sullitanut akisussaasoq assersuutigalugu kontomik piginnittoq nunami allami, Savalimmiuni imaluunniit Danmarkimi allakkerivikkut nutaamik najugaqalersoq pillugu ilisimatinneqaruni pissutsini allannguinertut najukkap nutaap suliarinissaanut aningaaserivik nalunaaruteqartoq pisussaaffeqarpoq, aamma § 67-ip atorneqarnissaa toqqarneqarpat, kontomik piginnittumiit uppernarsaatinik attuumassuteqartunik pissarsiniarnissamut pisussaaffeqarluni.

 

Inuit kontoinut piareersunut ataatsimut maleruagassat

 

  § 77.  Qaffasissumik naleqartumik inuup kontoanik pioreersumik misissuineq kingusinnerpaamik ulloq 31. august 2017-imi naammassineqarsimassaaq. Appasissumik naleqartumik inuup kontoanik pioreersumik misissuineq kingusinnerpaamik ulloq 31. december 2017-imi naammassineqarsimassaaq.

 

  § 78.  Inuup kontoa pioreersoq sunaluunniit, nunamut allamut, Savalimmiunut imaluunniit Danmarkimut kontotut atassuteqartutut paasineqarsimasoq ukiuni tulliuttuni tamani nunamut allamut, Savalimmiunut imaluunniit Danmarkimut kontotut atassuteqartutut suliarineqassaaq, kontomik piginnittoq nunani allani, Savalimmiuni imaluunniit Danmarkimi inuusutut inissisimajunnaarsimanngippat.
  Imm. 2.  Konto aamma siusinnerusukkut kontotut nalunaarutigineqartussaasutut paasineqarsimappat taanna ukiuni tulliuttuni tamani kontotut nalunaarutigineqartussaasutut suliarineqassaaq, kontomik piginnittut inuttut nalunaarutigineqartussatut atorunnaarsimanngippata.

 

Kapitali 5
Inuit kontoinut nutaanut peqqissaartumik periuseqarneq

 

  § 79.  Inuit kontoi nutaat eqqarsaatigalugit kontomik pilersitsinermi aningaaserivik nalunaaruteqartoq kontomik pilersitsinermi uppernarsaammut ilaasussamik nammineq nalunaarummik pissarsiniassaaq aamma kontomik piginnittoq akileraartarnikkut najugaqarfiani imaluunniit najugaqarfiinik aningaaserivik nalunaaruteqartoq aalajangersaasinnaanngorlugu aamma kontomik pilersitsinermut atatillugu aningaaserivimmit nalunaaruteqartumit paasissutissat pissarsiarineqartut tunngavigalugit taamatut nammineq nalunaarutip naammaginartuunera uppernarsarlugu, tassunga ilanngullugu AML/KYC-mi suleriaatsit malillugit uppernarsaatit pissarsiarineqarsinnaasut.

 

  § 80.  Nammineq nalunaaruteqarnerup § 79 naapertorlugu aalajangersarpagu kontomik piginnittoq inatsisitigut oqartussaaffiimi peqataasumi akileraartarnikkut najugaqartoq, aningaaseriviup nalunaaruteqartup konto kontotut nalunaarutigineqartussaasutut suliarissavaa, aamma nammineq nalunaarummut aamma ilaassalluni kontomik piginnittup inatsisitigut oqartussaaffiimi peqataasumi akileraartartutut normoqartoq, § 104 nangaassutigalugu kiisalu ulloq inuuffik.

 

  § 81.  Inuup kontoa nutaaq eqqarsaatigalugu pissutsini allanngortoqarpat tamatuma kingunerisaanik aallaqqaammut nammineq nalunaarut kukkusuusoq imaluunniit uppernartuunngitsoq aningaaserivik nalunaaruteqartoq paasisaqarpat imaluunniit tunngavissaqartumik paasisaqarpat, aningaaseriviup nalunaaruteqartup aallaqqaammut nammineq nalunaarut tunngavigisinnaanngilaa aamma kontomik piginnittup akileraartarnikkut najugaatut imaluunniit najugaqarfiisut aalajangersaasumik nammineq nalunaarummik atuuttumik pissarsiniassalluni.

 

Kapitali 6
Immikkoortortami konto pioreersoq pillugu peqqissaartumik periuseqarneq

 

  § 82.  Immikkoortortami kontot pioreersut tamaasa eqqarsaatigalugit imaluunniit taamatut kontot eqimattat erseqqissumik suussuseqarnerat immikkut eqqarsaatigalugu allamik aningaaserivik nalunaaruteqartoq toqqaasimanngippat, kontomi pigisat tamarmiusut imaluunniit ulloq 31. december 2015-imi 250.000 USD-t sinnerlugit naleqartumik immikkoortortami kontomi pioreersumik kontotut nalunaarutigineqartussaasutut misissuinissamut, suussusersiinissamut imaluunniit nalunaaruteqarnissamut pisussaaffeqanngilaq, kontomiittut tamarmiusut imaluunniit nalingi ukiumi tulliuttumi ullormi kingullermi aningaasat taakku sinnernissaasa tungaannut.

 

  § 83.  Immikkoortortami konto pioreersoq, ulloq 31. december 2015-imi 250.000 USD-t sinnerlugit ataatsimut uninngasuuteqartoq imaluunniit nalilinnik peqartoq aamma immikkoortortami konto pioreersoq ulloq 31. december 2015-imi aningaasanik taakkuninnga qaangiinngitsoq, taamaattorli ukiumi tulliuttumi ullormi kingullermi aningaasat taakku sinnerlugit ataatsimut kontomiittuuteqartoq imaluunniit nalilinnik peqartoq §§ 85-87-imi eqqartorneqartut suleriaatsit malillugit misissorneqassaaq.

 

  § 84.  § 83-imi allaaserineqartut immikkoortortami kontot pioreersut eqqarsaatigalugit immikkoortortanit, nunami allami, Savalimmiuni imaluunniit Danmarkimi inummit ataatsimit arlalinnilluunniit kontot pigineqartut kisimik, imaluunniit nunami allami, Savalimmiuni imaluunniit Danmarkimi inunnik nalunaarutigineqartussanit nakkutilliisumit ataatsimit arlalinnilluunniit pigineqartut nunami allami, Savalimmiuni imaluunniit Danmarkimi atasutut kontotut suliarineqassapput.
  Imm. 2.  § 83-imi allaaserineqartutut immikkoortortami kontot pioreersut eqqarsaatigalugit immikkoortortanit Inuusunit ataatsimit arlalinnilluunniit nalunaarutigineqartussanit pigineqartut imaluunniit inunnik nakkutilliisumit ataatsimit arlalinnilluunniit nalunaarutigineqartussanit pigineqartut, kontotut nalunaarutigineqartussaasusut suliarineqassapput.

 

  § 85. § 83-imi allaaserineqartut immikkoortortami kontot pioreersut eqqarsaatigalugit aningaaseriviup nalunaaruteqartup §§ 86 aamma 87-imi eqqartorneqartut misissuinermi suleriaatsit atussavai.

 

  § 86.  Immikkoortortap akileraartarnikkut sumi najugaqarneranik aalajangiinermi misissuinerit uku ingerlanneqassapput:
1)  Malittarisassatigut imaluunniit sullitamut tunngasut siunertat aallaavigalugit paasissutissanik toqqortarineqartunik misissuineq, tassunga ilanngullugit paasissutissat kontomik piginnittup sumi najugaqarneranik aalajangiinissamut AML/KYC-mi suleriaatsit malillugit pissarsiarineqartut. Tassunga atatillugu paasissutissanut kontomik piginnittup najugaqarfianik ersersitsisunut ilaapput sumiiffik nalunaarsorneqarfik imaluunniit aaqqissugaaffiusoq imaluunniit nunami allami imaluunniit Savalimmiuni imaluunniit Danmarkimi inatsisitigut oqartussaaffiusumi najugaqarneq.
2)  Paasissutissat paasinarsisippassuk kontomik piginnittoq inatsisitigut oqartussaaffimmi peqataasumi najugaqartoq, aningaaseriviup nalunaaruteqartup konto kontotut nalunaarutigineqartussaasusut suliarissavaa, kontomik piginnittumiit nammineq nalunaarummik pissarsiniartoqanngippat imaluunniit paasissutissat pigineqartut imaluunniit pisortatigut pissarsiarineqarsinnaasut tunngavigalugit inuk nalunaarutigineqartussaq kontomik piginnittuunngitsutut naammaginartumik aalajangersaasoqarsinnaanngippat.

 

  § 87.  Immikkoortortami kontomik pioreersumik kontomik piginnittoq eqqarsaatigalugu, tassunga ilanngullugu immikkoortortaq inuusoq imaluunniit nunami allami, Savalimmiuni imaluunniit Danmarkimi inuttut nalunaarutigineqartussaq, aningaaseriviup nalunaaruteqartup aalajangissavaa kontomik piginnittoq NFE ingerlanngitsuunersoq inummik nakkutilliisulik ataatsimik arlalinnilluunniit, aamma aalajangiiffigalugu inuit taamatut nakkutilliisut sumi najugaqarnersut. NFE ingerlanngitsumi inuit nakkutilliisut arlaat inuuppat nalunaarutigineqartussaq kontot kontotut nalunaarutigineqartussaasutut suliarineqassaaq.
  Imm. 2.  Imm. 1 malillugu aalajangiinerni aningaaserivik nalunaaruteqartoq pissutsit malillugit naleqqunnerpaaq malillugu tulleriiaaranilu imatut misissuissaaq:
1)  Kontomik piginnittoq NFE ingerlanngitsuunersoq aalajangernissaa siunertaralugu taamatut inissisimaneq aalajangerniarlugu kontomik piginnittumiit nammineq nalunaarummik aningaaserivik nalunaaruteqartoq pissarsiniassaaq, paasissutissanik pigisaqanngikkuni, imaluunniit pisortat paasissutissaataat pissarsiarineqarsinnaasut pigineqarpata, taakkunannga naammaginartumik aalajangerneqarsinnaalluni kontomik piginnittoq NFE sulisuunersoq imaluunniit § 8, imm. 1, nr. 2-mi allaaserineqartutut aningaasalersuisarfimmit allaanerusumik aningaaseriviunersoq alla, inatsisitigut oqartussaaffimmi peqataasumi aningaaseriviunani.
2)  Kontomik piginnittup inuit nakkutilliisui aalajangernissaat siunertaralugu aningaaseriviup nalunaaruteqartup AML/KYC-mi suleriaatsit malillugit paasissutissat katersorneqartut toqqortarineqartullu tunngavigisinnaavai.
3)  NFE ingerlanngitsumi inuk nakkutilliisoq sumi najugaqarnerani aalajangiinissaq siunertaralugu aningaaseriviup nalunaaruteqartup uku tunngavigisinnaavai:
a)  NFE-mit ataatsimit imaluunniit amerlanernit pigineqartoq immikkoortortami konto pioreersoq eqqarsaatigalugu AML/KYC-mi suleriaatsit malillugit paasissutissat katersorneqartut toqqortarineqartullu 1 mio. USD sinnernagit ataatsimut uninngasuuteqartoq imaluunniit naleqartoq, imaluunniit
b)  Inuup nakkutilliisup inatsisini oqartussaaffimmi imaluunniit inatsisitigut oqartussaaffinni akileraartarnikkut sumi najugaqarnera pillugu kontomik piginnittumiit imaluunniit inummit taamatut nakkutilliisumiit nammineq nalunaarut.

 

  § 88.  Ulloq 31. december 2015-imi 250.000 USD-t sinnerlugit ataatsimik kontomiittoqarneranik imaluunniit nalilinnik peqarneranik immikkoortortap kontoanik pioreersumik misissuineq kingusinnerpaamik ulloq 31. december 2017-imi naammassisimassaaq.

 

  § 89.  Ulloq 31. december 2015-imi 250.000 USD-t sinnernagit ataatsimik kontomiittoqarneranik imaluunniit nalilinnik peqarneranik immikkoortortap kontoanik pioreersumik, kisianni ukiumi tulliuttumi ulloq 31. decembarimi aningaasanik taakkuninnga sippuisumik misissuineq kontomiittut tamarmiusut imaluunniit nalingi aningaasanik taakkuninnga sippuiffianni ukiup kingorna ukiup ingerlanerani naammassineqarsimassaaq.

 

  § 90.  Immikkoortortap kontoa pioreersoq eqqarsaatigalugu pissutsini allanngortoqarpat tamatuma kingunerisaanik nammineq nalunaarut imaluunniit kontomut atasoq uppernarsaat alla kukkusuusoq imaluunniit tatiginartuunngitsoq aningaaserivik nalunaaruteqartoq paasisaqarpat imaluunniit tunngavissaqartoq paasisaqarpat, aningaaseriviup nalunaaruteqartup §§ 85-87-imi eqqartorneqartut suleriaatsit malillugit kontop killiffia allanngortissavaa.

 

Kapitali 7
Immikkoortortami kontot nuaat pillugu peqqissaartumik periuseqarneq


  § 91.  Immikkoortortami kontot nutaat eqqarsaatigalugit §§ 92 aamma 93-imi misissuinermi suleriaatsit aningaaserivimmit nalunaaruteqartumit atorneqassapput.

 

  § 92.  Immikkoortortap sumi najugaqartuunera aalajangernissaa siunertalugu aningaaserivik nalunaaruteqartoq ukuninnga suliaqassaaq:
1)  Nammineq nalunaarummik pissarsiniarneq, kontomik pilersitsinermut uppernarsaammut ilaasinnaasoq aamma kontomik piginnittup akileraartarnikkut najugaqarfianik imaluunniit najugaqarfiinik aalajangersaanissamut aningaaserivimmut nalunaaruteqartumut pisinnaalersitsisoq aamma kontomik pilersitsinermut atatillugu aningaaserivimmit nalunaaruteqartumit pissarsiarineqartut paasissutissat tunngavigalugit taamatut nalunaarutip naammaginartuuneranik uppernarsaasoq, tassunga ilanngullugit AML/KYC-mi suleriaatsit malillugit uppernarsaatinik pissarsiniarneq. Immikkoortortaq nalunaaruteqarpat akileraartarnikkut najugaqarfeqarnani, kontomik piginnittup najugaqarfia aalajangerniarlugu immikkoortortap qullersaqarfiata najugaqarfianik aningaaserivik nalunaaruteqartoq tunngaveqarsinnaavoq.
2)  Nammineq nalunaarutip ersersippagu kontomik piginnittoq inatsisitigut oqartussaaffimmi peqataasumi najugaqartoq, konto kontotut nalunaarutigineqartussaasutut aningaaserivimmit nalunaaruteqartumit suliarineqassaaq, paasissutissat tassani pigineqartut, imaluunniit pisortanit pissarsiarineqarsinnaasut tunngavigalugit, inatsisitigut oqartussaaffimmut peqataasumut naleqqiullugu, kontomik piginnittoq tassaanngitsoq inuk nalunaarutigineqartussaq naammaginartumik aalajangiiffigineqarsinnaanngippat.

 

  § 93.  Immikkoortortami kontomik nutaamik piginnittoq eqqarsaatigalugu, tassunga ilanngullugu immikkoortortaq inuusoq nalunaarutigineqartussaq imaluunniit nunami allami, Savalimmiuni imaluunniit Danmarkimi inuk, kontomik piginnittoq tassaasoq NFE ingerlanngitsoq ataatsimik arlalinnilluunniit inunnik nakkutilliisoqartoq pillugu aningaaserivik nalunaaruteqartoq aalajangiissaaq aamma inuit taamatut nakkutilliisut najugaqartuunersut aalajangiiffigalugu. NFE ingerlanngitsumi inuit nakkutilliisut arlaat inuuppat nalunaarutigineqartussaq kontot kontotut nalunaarutigineqartussaasutut suliarineqassaaq. Aalajangiinerni aningaaserivik nalunaaruteqartoq pissutsit malillugit naleqqunnerpaanera malillugu tulleriiaaranilu imatut misissuissaaq:
1)  Kontomik piginnittoq NFE ingerlanngitsuunersoq aalajangernissaa siunertaralugu taamatut inissisimaneq aalajangerniarlugu kontomik piginnittumiit nammineq nalunaarummik aningaaserivik nalunaaruteqartoq pissarsiniassaaq, paasissutissanik pigisaqanngikkuni, imaluunniit pisortat paasissutissaataat pissarsiarineqarsinnaasut pigineqarpata, taakkunannga naammaginartumik aalajangerneqarsinnaalluni kontomik piginnittoq NFE sulisuunersoq imaluunniit § 8, imm. 1, nr. 2-mi allaaserineqartutut aningaasalersuisarfimmit allaanerusumik aningaaseriviunersoq alla, inatsisitigut oqartussaaffimmi peqataasumi aningaaseriviunani.
2)  Kontomik piginnittup inuit nakkutilliisui aalajangernissaat siunertaralugu aningaaseriviup nalunaaruteqartup AML/KYC-mi suleriaatsit malillugit paasissutissat katersorneqartut toqqortarineqartullu tunngavigisinnaavai.
3)  NFE ingerlanngitsumi inuk nakkutilliisoq sumi najugaqarnerani aalajangiinissaq siunertaralugu kontomik piginnittumiit imaluunniit inummit nakkutilliisumiit nammineq nalunaarummik aningaaserivik nalunaaruteqartoq tunngaveqassaaq.
  Imm. 2.  NFE ingerlanngitsumi inuit nakkutilliisut arlaat tassaappat inuk nalunaarutigineqartussaq konto kontotut nalunaarutigineqartussatut suliarineqassaaq.

 

Kapitali 8
Peqqissaartumik periuseqarneq pillugu immikkut maleruagassat

 

  § 94.  Nammineq nalunaarut imaluunniit uppernarsaatitut allagartaq kukkusuusoq imaluunniit tatiginartuunngitsoq aningaaserivik nalunaaruteqartoq ilisimasaqarpat imaluunniit tunngavissaqartumik ilisimasaqarpat aningaaserivik nalunaaruteqartoq nammineq nalunaarummik imaluunniit uppernarsaanermut allagartamik tunngaveqassanngilaq.

 

  § 95.  Aningaasanik nalilinnik sillimmasiineq pillugu isumaqatigiissummi imaluunniit taarsigassarsiat assigiiaartumik taarsersorneqarnissaannik isumaqatigiissummi iluaquserneqartunit inunnit pigineqartut aamma aningaasanik nalilinnik sillimmasiineq pillugu eqimattanut isumaqatigiissutinut imaluunniit taarsigassarsiat assigiiaartumik taarsersorneqarnissaannik eqimattanut isumaqatigiissutinut aningaaserivimmi kontot pillugit §§ 96 aamma 97-imi suleriaatsit allat aningaaserivimmit nalunaaruteqartumit atorneqarsinnaapput.

 

  § 96.  Aningaasanik nalilinnik sillimmasiineq pillugu isumaqatigiissummik imaluunniit taarsigassarsiat assigiiaartumik taarsersorneqarnissaannik isumaqatigiissummik iluaquserneqartunik piginnittoq eqqaassanngikkaanni aningaaserivik nalunaaruteqartoq isumaqarsinnaavoq inuk, aamma toqusoqarnerani aningaasanik tigusisuusoq tassaanngitsoq inuk nalunaarutigineqartussaq aamma aningaaserivimmi konto taamatut ittoq kontotut nalunaarutigineqartussaanngitsutut suliarisinnaallugu, iluaquserneqartoq inuk nalunaarutigineqartussaq aningaaserivik nalunaaruteqartoq maannakkut ilisimasaqanngippat imaluunniit ilisimasaqassalluni tunngavissaqarpat.
  Imm. 2.  Paasissutissat aningaaserivimmit nalunaaruteqartumit katersorneqartut aamma iluaquserneqartumut atassuteqartut §§ 62-67-imi inuk nalunaarutigineqartussap pasinartuuneranik imaqarpata, aningaasanik nalilinnik sillimmasiineq pillugu isumaqatigiissummik imaluunniit taarsigassarsiat assigiiaartumik taarsersorneqarnissaannik isumaqatigiissummik iluaquserneqartoq tassaasoq inuk nunami allami, inuk nalunaarutigineqartussaq pillugu tunngaveqartumik aningaaserivik nalunaaruteqartoq ilisimasaqassaaq.
  Imm. 3.  Iluaquserneqartoq tassaasoq inuk nalunaarutigineqartussaq aningaaserivik nalunaaruteqartoq maannakkut ilisimasaqarpat imaluunniit ilisimasaqassalluni tunngavissaqarpat §§ 62-67-imi suleriaatsit malillugit aningaaserivik nalunaaruteqartoq nalunaaruteqassaaq.

 

  § 97.  Aningaaseriviup nalunaaruteqartup ilaasortap aningaasanik nalilinnik sillimmasiineq pillugu eqimattanut isumaqatigiissummi imaluunniit taarsigassarsiat assigiiaartumik taarsersorneqarnissaannik eqimattanut isumaqatigiissummi piginneqataassutai aningaaserivimmi kontotut nalunaarutigineqartussaanngitsutut suliarisinnaavaa, aningaasat sulisitsisumut imaluunniit uppernarsaammut piginnittumut imaluunniit iluaquserneqartumut ullormi tunniunneqarnissaasa tungaannut, aningaaserivimmi konto ilaasortap aningaasanik nalilinnik sillimmasiineq pillugu eqimattanut isumaqatigiissummi imaluunniit taarsigassarsiat assigiiaartumik taarsersorneqarnissaannik eqimattanut isumaqatigiissummi piginneqataassutai piumasaqaatinik makkuninnga naammassinnippat:
1)  aningaasanik nalilinnik sillimmasiineq pillugu eqimattanut isumaqatigiissut imaluunniit taarsigassarsiat assigiiaartumik taarsersorneqarnissaannik eqimattanut isumaqatigiissut sulisitsisumut atugassanngortinneqarsimappat aamma sulisitsisunut imaluunniit uppernarsaammik piginnittunut 25-nut amerlanernulluunniit tunngasuuppat,
2)  sulisitsisut imaluunniit uppernarsaammik piginnittut piginneqataassutiminnut tunngasunik isumaqatigiissummi nalilinnik tigusinissamut pisinnaatitaappata aamma sulisitsisup toqunerani akiliutinik tigusisussamik iluaquserneqartussamik toqqaasinnaallutik, aamma
3)  aningaasat tamarmiusut sulisitsisumut imaluunniit uppernarsaammik piginnittumut imaluunniit iluaquserneqartumut tunniunneqartussat 1 mio. USD sinnersimanngippagit.
  Imm. 2.  Oqariartaaseq ”aningaasanik nalilinnik sillimmasiineq pillugu eqimattanut isumaqatigiissut” isumaqarpoq aningaasanik nalilik sillimmasiinermi isumaqatigiissut
1)  sulisitsisoq, inuussutissarsiornermi suleqatigiiffik, suliatigut kattuffik imaluunniit kattuffik eqimattalluunniit allat aqqutigalugu atassuteqartumut inunnut ataasiakkaanut matussusiisoq, aamma
2)  eqimattani ilaasortanut ataasiakkaanut tamanut imaluunniit eqimattat iluanni immikkoortumi ilaasortamut inuit ataasiakkaat peqqissutsikkut qanoq ittuuneri eqqarsaatiginagit aalajangersarneqarsimasunut akiliutissanik akileeqqusisarluni, eqimattami ilaasortap eqimattami immikkoortumi ilaasortap ukiuni, suiaassusaa pujortartarneralu ilanngunnagit.
  Imm. 3.  Oqariartaaseq ”taarsigassarsiat assigiiaartumik taarsersorneqarnissaannik eqimattanut isumaqatigiissut” isumaqarpoq taarsigassarsiat assigiiaartumik taarsersorneqarnissaannik isumaqatigiissut, pissarsisussat tassaallutik inuit ataasiakkaat sulisitsisoq, inuussutissarsiornermi suleqatigiiffik, suliatigut kattuffik imaluunniit kattuffik eqimattalluunniit allat aqqutigalugu atassuteqartoq.

 

  § 98.  Inummit pigineqartut aningaaserivimmi kontoni ataatsimut uninngasuutit imaluunniit nalinginik aalajangersaanissaq siunertaralugu aningaaserivimmi nalunaaruteqartumi imaluunniit tassunga atasumi immikkoortortami allanneqarsimasut aningaaserivimmi kontot tamaasa katinneqarnissaannut aningaaserivik nalunaaruteqartoq pisussaaffeqarpoq, taamaattorli taamaallaat aningaaserivimmi kontonut pineqartunut aningaaseriviup nalunaaruteqartup qarasaasiaata nalunaarsukkatut ataatsimut inississinnaappagit soorlu assersuutigalugu sullitap normuanut imaluunniit akileraartartup normuanut aamma kontomiittut imaluunniit nalingi katinneqarsinnaappata.
  Imm. 2.  Aningaaserivimmi kontomik, ataatsimoorluni pigineqartumik, piginnittut ataasiakkaat tamarmik, immikkoortumi tassani allaaserineqartut katinnissaannut pisussaaffiit atornerisigut aningaaserivimmi kontomi ataatsimoorussanik uninngasuutit imaluunniit nalingi tamaasa pigissavaat.

 

  § 99.  Immikkoortortamit pigineqartut aningaaserivimmi kontoni uninngasuutit imaluunniit nalinginik aalajangersaanissaq siunertaralugu aningaaserivimmi nalunaaruteqartumi imaluunniit tassunga atasumi immikkoortortami allanneqarsimasut aningaaserivimmi kontot tamaasa katinneqarnissaannut aningaaserivik nalunaaruteqartoq pisussaaffeqarpoq, taamaattorli taamaallaat aningaaserivimmi kontonut pineqartunut aningaaseriviup nalunaaruteqartup qarasaasiaata nalunaarsukkatut ataatsimut inississinnaappagit soorlu assersuutigalugu sullitap normuanut imaluunniit akileraartartup normuanut aamma kontomiittut imaluunniit nalingi katinneqarsinnaappaata.
  Imm. 2.  Aningaaserivimmi kontomik, ataatsimoorluni pigineqartumik, piginnittut ataasiakkaat tamarmik, kapitali uani allaaserineqartut katinnissaannut pisussaaffiit atornerisigut aningaaserivimmi kontomi ataatsimoorussanik uninngasuutit imaluunniit nalingi tamaasa pigissavaat.

 

  § 100.  Aningaaserivimmi konto, inummit tassannga toqqaannartumik imaluunniit toqqaannanngitsumik pigineqartoq, nakkutigineqartoq imaluunniit pilersinneqarsimasoq sullitanut akisussaasup ilisimasaqarfigisaa imaluunniit tunngavissaqartumik ilisimasaqarfigisaa eqqarsaatigalugu, inuup tatigisaasuunera eqqaassanngikkaanni, aningaaserivimmi konto qaffasissumik naleqartutut kontoneersoq pillugu aalajangiiffiginiarlugu, aningaaserivimmi kontoni uninngasuutit tamarmiusut imaluunniit nalingisa aalajangiiffiginissaat siunertaralugu, kontot taamatut ittut tamaasa katinneqarnissaannut aningaaserivik nalunaaruteqartoq pisussaaffeqarpoq.

 

  § 101.  Aningaasat nunat allat aningaasaanni allani taamaaqataanik aningaasatigut annertussuseqartutut isigineqarput. Kontomi uninngasuutit amerikamiut dollareringisaannik naatsorsorneqartut annertussusaat aalajangersarniarlugu, aningaaseriviup nalunaaruteqartussaatitaasup, ukioqaningaaseriviup nalunaaruteqartussaatitaasup uninngasuutit annertussusaannik nalingannilluunniit aalajangersaanissaa sioqqullugu ullormi qaammatisiutini ullormi kingullermi aningaasat pineqartut nalingannik tamanut saqqummiussamik atuilluni aningaaseriviup nalunaaruteqartussaatitaasup aningaasat dollarinngortillugit naatsorsussavai.

 

Kapitali 9
Nalunaaruteqarneq

 

  § 102.  §§ 103-105-imiittut nangaassutigalugit aningaaserivinni § 54 naapertorlugu nalunaarutigineqartussamik,nalunaaruteqartuni taamatut ittuni kontot nalunaarutigineqartussaasut tamaasa pillugit paasissutissanik makkuninnga aningaaserivik nalunaaruteqartoq Akileraartarnermut Aqutsisoqarfimmut nalunaaruteqassaaq:
1)  Ateq, najugaq, inatsisitigut oqartussaaffik imaluunniit inatsisitigut oqartussaaffiit pineqartup najugaqarfigisaatut isigineqartut, danskisut cpr- imaluunniit cvr-normu aamma nunani allani Akileraartartutut normu imaluunniit nunani allani akileraartartutut normut kiisalu ulloq inuuffik sumilu inunngorneq, Inuit nalunaarutigineqartussat eqqarsaatigalugit, aamma kontomik piginnittuusut aamma immikkoortortaq kontomik piginnittuusoq eqqarsaatigalugu, aamma kapitali 6-8 naapertorlugit naleqquttumik peqqissaarnissamut suleriaatsit malillugit inummit nalunaarutigineqartussamik ataatsimik arlalinnilluunniit nakkutigineqartutut paasineqartoq, ateq, najugaq, inatsisitigut oqartussaaffik imaluunniit inatsisitigut oqartussaaffiit pineqartup najugaqarfigisaatut isigineqartut, immaqalu pineqartup najugaqarfigisaatut isigisami ateq, najugaq, inatsisitigut oqartussaaffik imaluunniit inatsisitigut oqartussaaffiit danskisut cpr- imaluunniit cvr-normu aamma nunani allani immikkoortutut akileraartartutut normu imaluunniit nunani allani akileraartartutut normut aamma ateq, najugaq, inatsisitigut oqartussaaffik imaluunniit inatsisitigut oqartussaaffiit pineqartup najugaqarfigisaatut isigineqartut, aamma danskisut cpr- imaluunniit cvr-normu aamma nunani allani akileraartartutut normu imaluunniit nunani allani akileraartartutut normu kiisalu inuit tamarmik nalunaarutigineqartussat ullut inuuffii sumilu inunngorneri nalunaarutigineqassapput.
2)  Kontonormu, imaluunniit piviusumik tassunga naapertuuttoq, konto normoqanngippat.
3)  Aningaaseriviup nalunaaruteqartup aqqa aamma cvr- imaluunniit cvr-normu.
4)  Aningaasanik nalilinnik sillimmasiineq pillugu isumaqatigiissut imaluunniit taarsigassarsiat assigiiaartumik taarsersorneqarnissaannik isumaqatigiissut eqqarsaatigalugit kontomi uninngasuutit killiffii imaluunniit nalingi, aningaasat nalingi imaluunniit utertitsilluni pisinerup nalinga, ukiup naleqquttup naanerani, imaluunniit, konto ukiup taamaattup imaluunniit piffissap taamatut ittup ingerlanera matuneqarsimappat, konto matuneqarnera.
5)  Aqutsinermi konto eqqarsaatigalugu:
a)  Ernianit aningaasat tamarmiusut, iluanaarutinik aningaasat tamarmiusut aamma konto uninngasuutit pigisat nalillit eqqarsaatigalugit taakkunannga isertitat allat aningaasat tamarmiusut, pisuni ataasiakkaani ukiup ingerlanerani kontomut imaluunniit konto eqqarsaatigalugu akilerneqarsimasut imaluunniit tutsinneqarsimasut.
b)  Tunisinermi iluanaarutit tamarmiusut imaluunniit aningaasatigut pigisat aningaasanngortinneri, ukiup ingerlanerani kontomut akilerneqarsimasut imaluunniit tutsinneqarsimasut, aningaaserivik nalunaaruteqartoq toqqorsivittut, akunnermiliuttutut, aqutsisutut imaluunniit allatut kontomik piginnittumit piginnaatitaalluni.
6)  Aningaasaliinermi konto eqqarsaatigalugu ukiup ingerlanerani erniat tamarmiusut kontomut akilerneqarsimasut imaluunniit tutsinneqarsimasut.
7)  Nr. 5 aamma 6-imi allaaserineqanngitsoq konto eqqarsaatigalugu aningaaseriviup nalunaaruteqartup akiliinissamut imaluunniit akiitsut akilerneqarnerannik uppernarsaanissamut pisussaaffigisaani ukiup imaluunniit piffissap nalunaaruteqarfiusussap allap ingerlanerani konto eqqarsaatigalugu kontomik piginnittumut aningaasat akilerneqartut imaluunniit akiitsut akilerneqarnerannik uppernarsarneqartut, tassunga ilanngullugit ukiup ingerlanerani kontomik piginnittumut aningaasanngorlugit akilerneqartut aningaasat tamarmiusut.
  Imm. 2.  Paasissutissat nalunaarutigineqartut nunap aningaasaanut taaneqartumut suussuserneqassapput.

 

  § 103.  Kontot nalunaaruteqartussaasut tassaasut kontot pioreersut suulluunniit imaluunniit aningaaserivimmi konto, kontotut nalunaarutigineqartussaasut ammarneqarnissaat sioqqullugu eqqarsaatigalugit, § 102, imm. 1, nr. 1 apeqqutaatinnagu, akileraartartup normua imaluunniit normui imaluunniit ulloq inuuffik aningaaseriviup nalunaaruteqartup suliani allagaataanut ilaanngippat aamma Kalaallit Nunaanni inatsisit naapertorlugit aningaaserivinnut nalunaaruteqartunut taamatut ittunit katersorneqanngippata akileraartartup normua imaluunniit normui nalunaarutigineqarnissaat piumasarineqanngilaq.
  Imm. 2.  Kontot pioreersut kontotut nalunaarutigineqartussaasut paasineqarnerini ukiup kingorna ukiup naanerani kontot pioreersut pillugit akileraartartutut normumik imaluunniit normunik pissarsiniarnissamut naammaginartumik iliuuseqarnissamut aningaaserivik nalunaaruteqartoq taamaattoq pisussaaffeqarpoq.

 

  § 104.  § 102, imm. 1, nr. 1 apeqqutaatinnagu, inuup pineqartup najugaqarfigisaani inatsisitigut oqartussaaffik peqataasoq akileraartartumut normumik atulersitsisimanngippat akileraartartup normu nalunaarutigineqassanngilaq.

 

  § 105.  § 102, imm. 1, nr. 1 apeqqutaatinnagu, sumi inunngorneq nalunaarutigineqassanngilaq, imaassimanngippat
1)  aningaaserivik nalunaarutigineqartoq allatut pisussaaffeqarpat Kalaallit Nunaanni inatsisit malillugit pissarsiniarnissaminut nalunaarutiginninnissaminullu pisussaaffeqarpat aamma
2)  aningaaserivimmit nalunaaruteqartumit toqqortarineqartumik nalunaarsukkat elektroniskimik ujaasiffigineqarsinnaasut akornanni pissarsiassaappat.

 

  § 106.  Inuit nalunaarutgineqartussat, immikkoortullu nakkutilliisut inunnik nalunaarutigineqartussalinnut nalunaarutiginninnissamut nalunaaruteqartussaatitaasup atugassaanik qallunaat cpriannik cvr-iannilluunniit nalunaarutiginnissaaq.
Imm. 2.  Qallunaat cpr-iannut cvr-iannulluunniit atatillugu cpr-normu salliutinneqassaaq. Pineqartoq cpr-normoqanngippat, cvr-milli normoqarluni, cvr-normu paasissutissiissutigineqassaaq.
Imm. 3.  Ingerlatseqatigiiffinnut, aningaasaateqarfinnut, peqatigiiffinnut, toqusut pigisaannik suliani assigisaannilu, cpr-normoqarnatillu cvr-normoqanngitsunut, siulittaasup inuulluunniit allap pineqartumut inulluunniit nalunaarutigineqartussaq sinnerlugu pisussaatitaasup kinaassusianik paasissutissat tunniunneqassapput.
  Imm. 4.  Aningaaserivimmi kontomik nalunaarutigineqartussaasumik ammaanermi kina pillugu nalunaaruteqartussaanersoq paasineqanngippat inatsisitigut pissutsinik pilersitsisimasoq nalunaaruteqartussaatitaasoq pillugu imm. 1-3-mi paasissutissat tunniunneqassapput. Kina nalunaarutigineqartussaasoq paasineqarpat taanna pillugu kinaassuseq pillugu paasissutissat pillugit nalunaaruteqartoqassaaq.
  Imm. 5.  Pisussaasup nalunaarutigineqartussap allannguinerup kingorna qaammatip ataatsip iluani kinaassuseq pillugu paasissutissani tunniunneqartuni allannguineq pillugu nalunaaruteqartussaasoq nalunaaruteqassaaq.
  Imm. 6.  Kinaassuseq pillugu paasissutissanik tunniussineq pisariaqartunik kinaassutsimik uppernarsaatit takutinneqassapput.

 

  § 107.  Nalunaarummut tunngasumi ukiup kingorna kingusinnerpaamik ulloq 1. maajimi nalunaaruteqartoqassaaq. Maajip aallaqqaataa arfininngorneruppat, sapaatiuppat nalliuttuuppat piffissaliussaq tassaassaaq ulloq nalinginnaasoq tulliuttoq qaninneq.

 

Kapitali 10
Avaqqussineq

 

  § 108.  Kontop kontotut nalunaarutigineqartussaasutut suussusersineqarsimannginneranik, imaluunniit konto pillugu eqqortumik nalunaaruteqartoqarsimanngippat, tassunga ilanngullugu inummut nalunaarutigineqartussamut tunngatillugu eqqortumik nalunaaruteqartoqarsimannginnera taamaallaat imaluunniit annertuutigut siunertaqartumik iliuuseqartoqarsimappat imaluunniit avaqqussisoqarsimappat, kontot nalunaarutigineqartussaasut suussusernerinut suleriaatsit naammassineqarnerini aamma nalunaaruteqarnermi iliuutsit imaluunniit avaqqussinerit taakku pisimannginnerisut iliuuseqartoqassaaq.

 

Kapitali 11
Pineqaatissiissutit

 

  § 109.  § 54 naapertorlugu nalunaarutigineqartussamik tunniussineq piffissaq eqqorlugu pinngippat, akileraartarnermut ingerlatsivik piffissaq aalajangersagaq sioqqullugu nalunaarutiginninnissamik pinngitsaaliissummillu ullormut akiligassanik, killiliussap qaangertinneqarneranit piumasaqaatip naammassinissaata tunganut akiligassanik pisussaaffiliissaaq.

 

  § 110.  Aningaaserivik nalunaaruteqartussaatitaasoq piaaraluni annertuumilluunniit mianersuaalliornikkut piffissaq eqqorlugu § 60, imm. 3, imaluunniit kapitali 4-8 naapertorlugu iliuuserisassanik piffissaagallartillugu naammassinninngitsoq, § 102 naapertorlugu nalunaarutiginninnissamik pisussaaffimminik naammassinngitsisoq imaluunniit eqqunngutsumik, salloqittaatinik imaluunniit amigartunik paasissutissiisoq, Kalaallit Nunaanni pineqaatissiisarnermut inatsit naapertorlugu annertunerusumik pineqaatissinneqarsinnaatinnagu, akiligassinneqassaaq.

Imm. 2.  Piaaraluni annertuumilluunniit mianersuaalliorluni eqqunngitsunik, paasinerlunneqarsinnaasunik imaluunniit amigartunik paasissutissiisoq, Kalaallit Nunaanni pineqaatissiisarnermut inatsit naapertorlugu annertunerusumik pineqaatissinneqarsinnaatinnagu, akiligassinneqassaaq.

 

Kapiteli 12

Paasineqarnera

 

  § 111.  Nalunaarut una OECD-p akileraartarnermut tunngasuni aningaaserivinni kontonik paasissutissanik paarlaateqatigiittarneq pillugu minnerpaaffissatut piumasaqaatai (Standard for Automatic Exchange of Financial Account Information in Tax Matters), tassungalu nassuiaatit naapertorlugit paasineqarlunilu atorneqassaaq.

 

Kapiteli 13
Atuutilersinneqarnera

 

  § 112.  Nalunaarut ulloq 1. november 2019 atuutilissaaq.
  Imm. 2.  Kapitali 9 malillugu nalunaarutiginninneq qaammatisiutit ukiuannut 2016-imut qaammatisiutillu ukiuannut kingusinnerusumut tunngatillugu pissaaq.

 

 

 

Namminersorlutik Oqartussat, ulloq 24. oktober 2019

 

 

 

Vittus Qujaukitsoq

/

Nikolai S. Christensen