§ 1

Inatsisartuni Naalakkersuisunilu il.il. ilaasortat aningaasarsiaqartitaanerat il.il. pillugit Inatsisartut inatsisissaanni nr. 22-mi, ulloq 18. december 2003-meersumi, ilaatigut inatsisartut inatsisaatigut nr. 1, 27. marts 2006-imeersukkut, inatsisartut inatsisaatigut nr. 2, 15. april 2011-meersukkut kingullermillu inatsisartut inatsisaatigut nr. 3, 3. juni 2015-imeersukkut allanngortinneqartumi, makku allanngortinneqassapput:

1. § 17, imm. 2, ima oqaasertaqassaaq:
”  Imm. 2.  Soraarnerussutisiatut naafferartumik tunniunneqartartussatut, soraarnerussutisiatut inuuneq naallugu tunniunneqartartussatut, taakkunanngaluunniit ataqatigiissitsilluni tunniunneqartartussatut soraarnerussutisiaqalernissamut aaqqissuussinermik pilersitsisoqassaaq Inatsisartunut Naalakkersuisunulluunniit ilaasortat ataasiakkaat innersuussinerat malillugu. Soraarnerussutisiaqalernissamut aaqqissuussineq, soraarnerussutisiaqalernissamut aningaasaateqarfimmi sillimmasiisarnermik ingerlatsineq pillugu inatsimmut ilaatinneqartumi, inuunermik soraarnerussutisiaqalernissamulluunniit sillimmasiisarnermik ingerlatseqatigiiffimmi sillimmasiisarnermik ingerlatsinissamut aningaasaqarnermik nakkutilliisoqarfimmit Finanstilsynimiit akuerineqarsimasumi, imaluunniit aningaaserivimmi Kalaallit Nunaanni angerlarsimaffilimmi aalajangersimasumilluunniit ingerlatsivilimmi nunamilu maani aningaaseriveqarnermik ingerlatsinissaminut Finanstilsynimit akuerineqarsimasumi, pilersinneqassaaq. Inatsisartunulli Naalakkersuisunulluunniit ilaasortat atuuffimminnut ullormi ivertitaanerminni 50-inik ukiullit soraarnerussutisiassanut akiliutinik isertitatut nalinginnaasumik akileraarusigassanik imm. 3-mi taaneqartunik tunineqarumallutik toqqaasinnaapput.”

§ 2

Inatsisartut inatsisaat ulloq 1. januar 2018 atuutilerpoq.

Namminersorlutik Oqartussat, ulloq 23. november 2017

Kim Kielsen