§ 1

 Siusinaartumik pensionisiat pillugit Inatsisartut inatsisaanni nr. 40-mi, 9. december 2015-imeersumi, Inatsisartut inatsisaatigut nr. 19, 28. november 2016-imi allanngortinneqartumi, tulliuttut allannguutigitinneqassapput:

1. § 17, imm. 3 ima oqaasertaliorneqassaaq:
”  Imm. 3. Siusinaartumik pensionisiaqarnermi pisartakkat appartinneqassapput, siusinaartumik pensionisiaqartoq aammalu aappaqarsimaguni aapparisaata ukiumoortumik isertitarisaat, tamatumani ilanngunnagit siusinaartumik pensionit, utoqqalinermi pensionisiat aammalu Inunnut Isumaginninnikkut isumannaallisaaneq pillugu Nunat Avannarliit isumaqatigiissutaat malillugu 28.000 kr.-it sinnerpatigit. Aappaqarsimaguni aapparisaata isertitai siulliit 100.000 kr.-it ilanngunneqassanngillat.”

2. § 17-imi imm. 3-p kingorna imm. 4-tut nutaatut ilanngunneqassaaq:
”  Imm. 4. §17, imm. 2 naapertorlugu, siusinaartumik pensionisiallit pisinnaatitaapput tunngaviusumik pensionisiani qaffasinnerpaamik siusinaartumik pensionit 50 %-iinik pisassallutik, aappaqarsimagunik aapparisaata piffissami pineqartumi tamakkiisumik isertitariunnagaasa annertussusii apeqqutaatinnagit. § 17, imm. 2 naapertorlugu, tunngaviusumik pensionisiat appartinneqassapput, siusinaartumik pensionisiallipaappaqarsimagunilu aapparisaata ukiumut tamarmiusunik piffissami pineqartumi isertitaasa, siusinaartumik pensionisiat, utoqqalinersiat pensionisiallu Inunnut Isumaginninnikkut isumannaallisaaneq pillugu Nunat Avannarliit isumaqatigiissutaat malillugu akiliutigineqarsimasut, ilanngunnagit, 28.000 kr.-t, qaffasinnerpaamik pensionisiat 50 %-ii ilanngullugit, sinnerpatigit. § 15 imm. 4. Naapertorlugu,§ 17, imm. 6 atorneqassanngilaq, appartitsisoqassaaq appasinnerpaamik siusinaartumik pensionisianut aningaasanut killiliussat assingi malillugit.”

Imm. 4-5 tamatuma kingorna imaalissaaq imm. 5-6.

3. § 29, imm. 1 ima oqaasertaliorneqassaaq:
”  Inummut tapit kommunalbestyrelsimit akuersissutigineqartarput inuit ataasiakkaat pisariaqartitaat nalilersuiffigineqareernerisigut soorlu imaattut:
1)  ingerlaavartumik pisartakkatut sivisunerpaamik ukiumut ataasiakkaarlugit aalajangersarneqartunik, imaluunniit
2)  immikkut pisariaqartitat matussuserniarlugit ataasiarluni ikiorneqarneq, ilaatigut makkununnga:
a)  isarussat,
b)  atisat,
c)  pequtit,
d)  Kalaallit Nunaata iluani angalanermut aningaasartuutit naleqquttut, aamma
e)  ataasiaannarluni aningaasartuutit aallat pisariaqartutut naatsorsuutigineqartut.”

4.  § 29-imi imm. 1-p kingorna imm. 2-tut nutaatut ilanngunneqassaaq:
“  Imm. 2.  Kalaallit Nunaata avataani angalanernut ataasiaannarluni ikiorsiissutinik tunisisoqarsinnaanngilaq.

5. § 33, imm. 3 ima oqaasertaliorneqassaaq:
”  Imm. 3. Siusinaartumik pensionisiaqartinneqartuppaasissutissiisussaatitaaneq sumiginnarsimaguniuk imm. 1 malillugu ilisimaarinninnini imaluunniit ilisimaarinnittariaqarnini naapertorlugu, eqqunngitsumik tunngaveqarluni siusinaartumik pensionisiassanik pissarsisarsimaguni, taava eqqunngitsumik tunngaveqarluni pissarsiarisimasani utertittussanngussavai. Tamatuma saniatigut kommunalbestyrelse pisinnaatitaavoq ingerlaavartumik pensionisiarineqartunit allaninngaanniit matussusiissalluni, tamatumanili pineqaratik meeqqanut tapisiat.”

6. § 36 ima oqaasertaliorneqassaaq:
”  § 36.  Kommunalbestyrelsip nalilerpagu siusinaartumik pensionisiaqartoq nammineq a-ningaasaatiminik aqutsisinnaanngitsoq, aalajangiisoqarsinnaavoq siusinaarluni pensionisiat  tunniunneqartarnerinik aqutsisoqarnissaa, uani ilaallutik inummut namminermut tapit aamma meeqqanut tapit tunniunneqarneri. Taamatut aalajangiinerup nassataraa, kommunalbestyrelsi aalajangiisinnaasoq inunnut ataasiakkaat pensionisiat tunniunneqartarnerannut atatillugu nalinginnaasumik maleruagassat ileqqullu atorneqartut avaqqullugit tunniussisarnissaminut, taamaasiornikkullu qulakkeerniarneqassasoq siusinaartumik pensionisiaqartup inuuniarnermini aalajangersimasumik akilertakkani akilertarlugillu saniatigut inuussutissaqarnissaminut akissaqartassasoq.”

7. § 43-imi imm. 8-p kingorna imm. 9-tut nutaatut ilanngunneqassaaq:
  ”  Imm. 9.  § 17, imm. 2 naapertorlugu, siusinaartumik pensionisiallit, taakku ilagalugit siusinaartumik pensionisiallit Inunnut Isumaginninnikkut isumannaallisaaneq pillugu Nunat Avannarliit isumaqatigiissutaannut ilaasut, siusinaartumik pensionisiat qaffasinnerpaartaasa 20 procentiinik pisassapput, aappaqarsimaguni aapparisaata piffissami pineqartumi isertitarisartagaat tamarmiusut apeqqutaatinnagit.”

Imm. 9 - 10 tamatuma kingorna imaalissaaq imm. 10 - 11.

§ 2

Inatsisartut inatsisaat atuutilissaaq ulloq 1. januar 2018.

Naalakkersuisut, ulloq 23. november 2017

Kim Kielsen