§ 1

Inuussutissarsiummik ingerlataqarneq pillugu Inatsisartut inatsisaat nr. 29, 9. december 2015-imeersumi makkuninnga allannguuteqartoqassaaq:

1.  Inatsisartut inatsisaanni tamarmi ”IIN normu” ”CVR normu”-mut allanngortinneqassaaq.

2.  § 2, imm. 3, imatut oqaasertalissaaq:
”  Imm. 3. Nuisitsivimmi, saqqummersitsivimmi, timersortartut katerisimaarneranni niuffaffimmilu tuniniaanermi aaqqissuisoq kingusinnerpaamik aaqqissuussinerup ammarnerani inuussutissarsiummik ingerlataqartut aqqi, najugai aamma IIN-imi normua allallugit allattuiffiliorsimassaaq. Allattuiffik aaqqissuussinerup matoreernerata kingorna ukiuni tallimani paarineqassaaq aammalu nakkutilliinermut oqartussaasunut piumasarineqartillugu tunniunneqassaaq. Peqataasoq IIN-imi normumik peqarnissamik pisussaaffeqanngippat taamaallaat aqqa najugaalu allanneqassapput.”.

3.  § 7-imi imm. 2-p kingorna nutaatut inississaaq:
”  Imm. 3.  Piffissami 1. januar 2018-imit 1. juli 2018-imut § 2, imm. 1-imik aamma 3-mik unioqqutitsinerit pineqaatissiissutinik nassataqarsinnaassanngillat.”

§ 2

§ 1, nr. 1 ulloq 1. januar 2018-imi atuutilerpoq.
  Imm. 2. § 1, nr. 2 ulloq 1. juli 2017-imi atuutilerpoq.

Namminersorlutik Oqartussat, ulloq 1. juni 2017

Kim Kielsen