§ 1

Suliffeqarfinnik tunniussisoqartillugu sulisut inatsisitigut inissisimanerat pillugu Inatsisartut peqqussutaanni nr. 7, 5. december 2008-meersumi imatut allannguisoqarpoq:

1.  § 1, imm. 2.  imatut oqaasertalerneqarpoq:
”  Imm. 2.  Inatsisartut peqqussutaat pisortat aamma namminersortut suliffeqarfiutaannut aningaasaqarnikkut ingerlatsiviusunut atuuppoq, apeqqutaanani ingerlatsiviusut aningaasaqarnikkut iluanaaruteqarnissamik angusaqarniarluni ingerlanneqartuunersut. Aqutsinikkut imaluunniit inatsisikkut pisortat aqutsiveqarnikkut oqartussaaffiinik aaqqissuusseqqinnerit imaluunniit pisortat aqutsiveqarnikkut oqartussaaffiisa akornanni aqutsiveqarnikkut suliaasartunik nuussinerit peqqussut malillugu tunniussinerunngilaq, taamaattorli takuuk imm. 5.”

2.  § 1-imi imm. 4-p kingorna immikkoortutut nutaatut ikkunneqarpoq:
”  Imm. 5.  Kalaallit Nunaanni Namminersorlutik Oqartussat suliassaqarfinnik tigusinerannut atatillugu sulisoqarnermut tunngasutigut apeqqutit aalajangersimasut pillugit inatsimmi § 2, imm. 1-imi apeqqutinut sulisoqarnermut tunngasunut inatsisartut peqqussutaat atuuttuuvoq.”

§ 2

Inatsisartut inatsisaat ulloq 1. juli 2017-imi atuutilissaaq.

Namminersorlutik Oqartussat, ulloq 1. juni 2017

Kim Kielsen