§ 1

Inatsisartunut Naalakkersuisunullu il.il. ilaasortat aningaasarsiaqartitaanerat il.il. pillugit Inatsisartut inatsisaanni nr. 22, ulloq 18. december 2003-meersumi, ilaatigut inatsisartut inatsisaatigut nr. 2, ulloq 15. april 2011-meersukkut kingullermillu inatsisartut inatsisaatigut nr. 3, 3. juni 2015-imeersukkut allanngortinneqartumi, makku allanngortinneqassapput:

1. § 2, imm. 1, oqaaseqatigiit siulliit aappaallu, ima oqaasertaqassapput:
”Inatsisartunut ilaasortaq ullormit qinerneqarfimminiit aningaasarsiaqartinneqalerlunilu aningaasartuuteqarnermut tapisiaqartinneqalissaaq. Ilaasortap allap toqunera Inatsisartunulluunniit ilaasortatut tunuavinnera pissutigalugu ilaasortaq atuutilersimappat, ullormiit atuutilerfimmiit aatsaat aningaasarsiaqartitsisoqalissaaq.”

2. § 6, imm. 4, oqaaseqatigiit siulliit, ima oqaasertaqassapput:
”Inatsisartut Siulittaasuat, Naalakkersuisut Siulittaasuat Naalakkersuisunullu ilaasortat ullormit atuutilerfimminniit qaammatip taamatut atuukkunnaarfiup naanissaata tungaanut aningaasarsiaqartinneqassapput.”

§ 2

Inatsisartut inatsisaat ulloq 1. juli 2016 atuutilissaaq.

Namminersorlutik Oqartussat, 6. juni 2016.

Kim Kielsen