(Naaalakkersuisoqarfiit Qitiusumik Allaffeqarfianni tamani oqartussanut)

Kapitali 1

Piumasaqaatit nalinginnaasut

§ 1. Naalakkersuisoqarfiit Qitiusumik Allaffeqarfianni suliffimmut atatillugu biilisisoqassappat inunnik angallassisussatut nalunaarsorsimasumik, biili ataaseq pisiarineqarsinnaavoq 375.000 kr.-it nalingata iluani.

Imm. 2. Pisiarineqarnerata nalinga imatut paasineqassaaq aningaasartuutigineqareernerata katinneri ukuusut, biilip pisiarineqarnerata akia, akileraarutit, assartorneqarneranut akileraarutit aammalu tunniunneqarneranut atatillugu aningaasartuutaasinnaasut allat.

Imm. 3. Saniatigut atortussiaasinnaasut, soorlu assakaasut quasartorsiutillit, suliffimmut atatillugu biilisinermi, biililluunniit piunerisa nalaani pissarsiarineqartut, pisiarineqarnerata nalinganut ilanngunneqassapput.

Imm. 4. Suliffimmut atatillugu biilerineqartup tunineqarnerani nalinganut killissarititaasunut tapiliunneqarsinnaanngillat, taakku landskarsip naatsorsuutaanni isertitatut nalunaarsorneqassapput tamakku pillugit malittarisassat atuuttut naapertorlugit.

Imm. 5. Sulinermut atatillugit biilerineqartussat nalinginnaasumik nutaajutillugit pisiarineqassapput. Aappiullugu sulinermut atatillugu atornikunik aserfallassimanngitsunik biilisisoqarsinnaavoq. Biilinik atornikunik pisininermi biilinik iluarsaassisarfinnik akuerisanit marluusunit imminnut attuumassuteqanngitsunit angallassissutit nalilersortinneqassapput aammalu akii pillugit. Minnerpaamik nalilersuinermit ataatsimit aserfallatsaaliilluni aalaj angersakkanik misissuinermik uppernarsarneq assaaq.

Imm. 6. Sulinermut atatillugu biilit nutaat siusinnerpaamik taarserneqarsinnaapput ullormit siullermik nalunaarsorneqarfiannit ukiunik tallimanik pisoqaatigilerpata, biilit pigineqartut Namminersorlutik Oqartussani immikkoortumut allamut tunniunneqarnerat pineqanngippat.

§ 2. Naalakkersuisoqarfiit Qitiusumik Allaffeqarfianni sulinermut atatillugu nunanit allanit ministeriusuni t q affasinnerusumilluunnii t inissisimaffeq artunik tikeraartoqartillugu atugassamik biilitaartoqartillugu inunnillu angallassisussatut nalunaarsorsimasumik, § 1 atuutinneqassanngilaq.

Kapitali 2

Naalakkersuisut ilaasortaanut sulinermut atatillugu biileqartarneq

§ 3. Naalakkersuisunut ilaasortat akeqanngitsumik sulinerminnut atatillugu biileqartinneqarsinnaapput.

Imm. 2.Naalakkersuisunut ilaasortat sulinerminnut atatillugu allatigulluunniit Nuup avataani angalatillutik sulinermut atatillugu biilerisartik Naalakkersuisoqarfimmut allanulluunniit sillimmasiisarnikkut aalajangersakkat iluanni naapertuuttutut naatsorsuunneqartunut atortissinnaavaat.

Imm. 3. Naalakkersuisunut ilaasortat naalakkersuisuujunnaarnerminni sulinermut atatillugu akeqanngitsumik biileritinneqartut naalakkersuisoqarfimmut sulinermut atatillugu biileqartitsisumut utertissavaat.

Kapitali 3

Sulinermut atatillugu biileritinneqartut allanut atugassiat

§ 4. Naalakkersuisoqarfiit Qitiusumik Allaffeqarfianni § 3-mi eqqaaneqartut saniatigut sulinermut atatillugu biilinik pisariaqartitsineq naapertorlugu pissarsisinnaapput.

Imm. 2. Sulinermut atatillugu pisariaqartitsineq tassaasinnaavoq sulisut suliffeqarfiulluunniit sulinerminnut atatillugu assartorneqarnerat, nioqqutissanik assartuineq il.il.

Imm. 3. Sulinermut atatillugu naliliisarneq imm. 2-mut atatillugu immikkut tigussaasumik pisariaqartitsinerup nalilerneqarsimanera aallaavigalugu, aarnmalu pisariaqartitsineq akikinnerusumik ingerlanneqarsinnaanersoq, soorlu sulinermut atatillugu biilinik allanik atuinikkut taxanilluunniit ingerlanneqarnermikut il.il. nalileereersimanikkut pissaaq.

Imm. 4. 1mm. 1-imi aalajangersakkat atuutissanngillat sulinermut atatillugu biilerineqartunu. inunnik ingerlatsisussaanngitsutut nalunaarsorneqarsimasunut, imalt. immikkut sulinermut atatillugu atugassatut, soorlu assersuutigalugu sulinermut atatillugu qimmeqarnermut atugassiaappata. Sulinermut atatillugu biilerineqartussat taamaattut akikinnerpaaq atorlugu pissarsiariniarneqartassapput sulinermut atatillugu immikkut siunertarineqartut innimigalugit nalileereersimaneq naapertorlugu.

§ 5. Sulinermut atatillugu biilerineqartut pissarsiarinissaat taarsertarnissaallu § 4 naapertorlugu taamaallaat pisinnaavoq naalakkersuisoqarfimmi immikkoortortaqarfiup pissarsilersaartup taarsiilersaartulluunniit pisortaata annerusumik akisussaaffeqartup akuersineratigut.

§ 6. Sulinermut atatillugu biilit § 4 naapertorlugu pissarsiarineqarsimasut naalakkersuisoqarfiup malittarisassai naapertorlugit sulisunit angerlarsimaffimmiit najugarisamut assartuutitut allatigullu killilimmik privatimik ingerlatigineqarsinnaapput, tamanna sulinermi atuinermut allatigut akornutaanngippat. Taamatut privatimik atuisarneq ilaatigut pissuteqarsinnaasarpoq sulisoq vagteqarpat allatigulluunniit suliffimmi piffissap nalinginnaasup avataatigut sulippat.

Imm. 2. Sulisup § 4 naapertorlugu sulinermut atatillugu biileqarnissaa suliffimmiit inigisamut, allatigulluunniit privatimik killilimmik ingerlatsisarnissaa unissaaq sulisoq suliunnaarpat, tassunga ilaavoq piffissalerneqarsimalluni soraarsitaasimaneq imalt. piffissami aalaj angersimasumi aningaasarsiaq aannalersitaasimaneq.

§ 7. Kaajallaasitaq manna naapertorlugu naalakkersuisoqarfiit pisussaaffilerneqarput sulinermut atatillugu biileqartarneq pillugu pissarsisarnermut atuisarnermullu atatillugu suliffeqarfiit namminersortitat mali ttarisassiortarnerattut malittarisassiortoqassasoq.

Kapitali 4

Akileraartarnermi oqartussaasunut nalunaaruteqartarneq

§ 8.Naalakkersuisoqarfiit Qitiusimik Allaffeqarfianni oqartussat sulinermut atatillugu biilimik pissarsisimasut Aningaasaqarnermut Sulisoqarnermullu Aqutsisoqarfimmit paasissutissat pisariaqartinneqartut nassiuttassavaat akileraaruteqanngitsumik sulinermut atatillugu biileqarnermut biileqarsinnaanermulluunniit nalunaarusiornissaq qulakkeerniarlugu.

Imm. 2. Naalakkersuisunut ilaasortat sinnerlugit naalakkersuisoqarfiit Siulittaasup Naalakkersuisoqarfianut sulinermut atatillugu akeqanngitsumik biileqarnermut paasissutissat nassiuttassavaat, taakku Aningaasaqarnermut Sulisoqarnermullu Aqutsisoqarfimmut paasissutissat ingerlateqqittarniassammatigik.

§ 9. Paasissutissat § 8-p kingorna pisut Naalakkersuisunut ilaasortat sinnerlugit aningaasarsiaqarnermut tunngassutilinni aaqqissukkanut aalaakkaasumik aningaasaqarnertut ikkunneqassapput. Tamanna pissaaq sulinermut atatillugu biileqarnerup atorsinnaalersinneqarneraniit piffissamut atorneqarsinnaajunnaarnissaata tungaanut.

Imm. 2. Naalakkersuisunut ilaasortanut ilanngaatissat taamaallaat pisinnaapput ullut sulinermut atatillugu biileqarfiit iluanni biilerisaq, soorlu sulinermut atatillugu angalanerup feeriarnerulluunniit nalaani naalakkersuisoqarfimmi sulisumut atugassanngortinneqarsimappat, pineqartorlu sulinermut atatillugu biileqarsimaguni ullut biileqarfii nalunaarutigineqassapput, Naalakkersuisunut ilaasortap nalunaarutigineqarnerata iluani allassimasut naapertorlugit.

Imm. 3. Siulittaasup Naalakkersuisoqarfiata aningaasarsiat allattorsimaffii naapertorlugit misissortussaavaa sulinermut atatillugu akeqanngitsumik biileqarnermut paasissutissat eqqortumik allanneqarsimanersut.

Kapitali 5

Ikaarsaarnerup nalaani atuutilersitsinermilu aalajangersakkat il.il.

§ 10. Naalakkersuisoqarfiit kaajallaasitap matumap iluani aalajangersakkat naapertorlugit tapertatut malittarisassanik sanasinnaapput ulluinnarni sulinermut atatillugu biileqarnerup aqunnissaannut tunngassutilinnik, ulluinnarni suliffiup avataatigut biilit atorneqarnerannut, suliffiup avataatigut biilit atorneqartarnerisa nalunaarsorneqartarnerannut aammalu sulinermut atatillugu biilit akileraartarnikkut pisussaaffilerneqartumik atorneqartarnerannut.

§ 11. Kaajallaasitaq manna 12. august 2016-imi atuutilersinneqarpoq.

Imm. 2. Tassunga atatillugu kaajallaasitaq sulinermut atatillugu biileqartarnermut tunngasoq 1. juli 2014-imeersoq atorunnaarsinneqarpoq.

Naalakkersuisut Siulittaasuata Naalakkersuisoqarfia, ulloq 12. august 2016

Kim Kielsen (atsior.)

/

Søren Hald Møller (atsior.)