Inissiani attartortittakkani ineqarnermut tapiissutit pillugit Inatsisartut inatsisaat nr. 23, 7. december 2015-imeersumi § 8, imm. 2 naapertorlugu aalajangersarneqarput:

  § 1.  Inoqutigiinnut meerartaqanngitsunut ineqarnermut tapiissutisinissamut killissarititaavoq kr. 180.000.
  Imm. 2.  Inoqutigiinnut ataatsimik meerartalinnut ineqarnermut tapiissutisinissamut killissarititaavoq kr. 372.000.
  Imm. 3.  Inoqutigiinnut marlunnik meerartalinnut ineqarnermut tapiissutisinissamut killissarititaavoq kr. 396.000.
  Imm. 4.  Inoqutigiinnut pingasunik meerartalinnut ineqarnermut tapiissutisinissamut killissarititaavoq kr. 408.000.
  Imm. 5.  Inoqutigiinnut sisamanik meerartalinnut ineqarnermut tapiissutisinissamut killissarititaavoq kr. 416.000.
  Imm. 6.  Inoqutigiinnut tallimanik meerartalinnut ineqarnermut tapiissutisinissamut killissarititaavoq kr. 428.000.
  Imm. 7.  Inoqutigiinnut arfinilinnik amerlanerusunilluunniit meerartalinnut ineqarnermut tapiissutisinissamut killissarititaavoq kr. 444.000.

  § 2.  § 1-imi killissarititaasut tikillugit isertitaqqortussutsini assigiinngitsuni nammineq akileeqataassutisssaq ilanngussaq 1-imi takuneqarsinnaavoq.
 

  § 3.  Ineqarnermut tapiissutit ukiumut kr. 1.200-nit annikinnerusut tunniunneqartussaanngillat.
  Imm. 2.  Ukiumit ataatsimit sivikinnerusumik ineqarnermut tapiissutisisinnaatitaanermi minnerpaamik tunniunneqarsinnaasoq piffissamut naleqquttumik ilaannakortumik annertussuseqassaaq.

  § 4.  Ineqarnermut tapiissutit inoqutigiinnut ataatsinut ukiumut annerpaamik kr. 60.000-inik annertussuseqarsinnaapput.
  Imm. 2.  Inimik ataatsimik attartornermi ineqarnermut tapiissutit ukiumut annerpaamik kr. 18.000-inik annertussuseqarsinnaapput.
  Imm. 3.  Ukiumit ataatsimit sivikinnerusumik ineqarnermut tapiissutisisinnaatitaanermi minnerpaamik tunniunneqarsinnaasoq piffissamut naleqquttumik ilaannakortumik annertussuseqassaaq.  

  § 5.  Nalunaarut atuutilerpoq 1. januar 2016.
  Imm. 2.  Malitsigisaanik uku atorunnaarsinneqarput:
1)  Ineqarnermut tapiissutisinissamut aningaasanut killiliussat, nammineq akileeqataassutissat kiisalu ineqarnermut tapiissutit aningaasartaasa minnerpaaffissaat annerpaaffissaallu pillugit Namminersornerullutik Oqartussat nalunaarutaat nr. 34, 13. september 2001-imeersoq.
2)  Ineqarnermut tapiissutisinissamut aningaasanut killiliussat, nammineq akileeqataassutissat kiisalu ineqarnermut tapiissutit aningaasartaasa minnerpaaffissaat annerpaaffissaallu pillugit Namminersornerullutik Oqartussat nalunaarutaat nr. 12, 28. maj 2003-imeersoq.

Namminersorlutik Oqartussat, ulloq 29. december 2015

Martha Lund Olsen                                   

/

Julie Præst Wilche