Suliffeqarnermi innersuussisarneq il.il. pillugit Inatsisartut inatsisaanni nr. 5, 8. juni 2014-imeersumi makkua allannguutigitinneqarput:

§ 1

1.  § 7, imm. 1 imatut oqaasertalerneqassaaq:
”   Suliffissamik ataavartuusumik innersuussineq, suliffissarsiortup najukkaminit nuuttariaqarneranik nassataqartitsisoq pisinnaavoq:
1)  nuunnissaq suliffeqarnermi suliamullu tunngatillugu pisariaqartitanik naliliineq aallaavigalugu kissaatigineqartutut isigineqarpat,
2)  suliffissarsiortoq akuersippat,
3)  innersuunneqartoq angallanneqarnermut pisattanillu nuussinermut aningaasartuutissinneqassanngippat, aamma
4)  innersuunneqartoq inissaqartinneqarpat imaluunniit suliffissarsiortoq nammineerluni inissarsisimappat.”.

2.  § 7-imi imm. 4-tut ikkunneqassaaq:
”  Imm. 4.  Naalakkersuisut ataasiakkaatigut naliliinikkut, imm. 1 aamma 2 malillugit suliffissamik innersuussinermut atatillugu aningaasartuutinut allanut, ilanngullugit assersuutigalugu angalanermut ineqarnermullu aningaasartuutit, atorfinittussanik oqaloqateqarnernut aamma suliffimmi misiliinernut atatillugu suliffissarsiortup akiligaanut, matussutissatut tapiissuteqarsinnaapput.”.

§ 2

Inatsisartut inatsisaat atuutilerpoq ulloq 1. januar 2016.

Namminersorlutik Oqartussat, ulloq 9. december 2015.

Kim Kielsen