Aalisarneq pillugu inatsisartut inatsisaat nr. 18, 31. oktober 1996-imeersumi §§ 23, imm. 2, 33, imm. 3 naapertorlugu kiisalu Sinerissap qanittuani qaleralinniarneq pilugu Namminersorlutik Oqartussat Nalunaarutaat nr. 2, ulloq 2. februar 2012-imeersumi § 12, imm. 2 naapertorlugu makku aalajangersarneqarput:

Atuuffia, nassuiaatit il.il.

§ 1.  Maleruaqqusaq Kommuneqarfik Sermersumi qassutit atorlugit inuussutissarsiutigalugu qaleralinniarnermut tunngassuteqarpoq.

§ 2.  Maleruaqqusami uani ”qassutit” taaneqartillugit makku pineqarput: Qassutit kivisittakkat qassutillu allat, bundgarnilli matumani pineqanngillat

§ 3.  Kommuneqarfik Sermersuumi qassutit atorlugit qaleralinniarneq inerteqqutaavoq.
Stk. 2.  Kommunilli sineriaa kangianiittoq inerteqquteqarnermi tassani ilaatinneqanngilaq. Kommunip avannamut kangimut Kap Biot killigaa. Kommunip kujammut killeqarfia Timmiarmiut avannaanni qeqertamit avannamut kimmut Timmiarmiit Kangertivatigoorluni Snehatten-ip kitaani kangerluup qinnguani sermip iigartarfia tikillugu killigaa. Kommunip immap tungaani killeqarfia United Nations Bulletin no. 56, Law of Sea naapertorlugu basisliniap tungaanut ippoq. Takuuk ilanngussaq 1.

Aalisarnermi piumasaqaatit

§ 4.  Qassutit atorneqartut atuisumit erseqqissumik ilisarnaasigaassapput. Uku puttaqutini tamani nalunaarsuutaassapput:
1)  Atuisup aqqa,
2)  Angallatip atorneqartup aqqa, aamma
3)  Umiarsualivimmi ilisarnaat.
Stk. 2.  Ilisarnaatit immamit nungusarneqarsinnaanngitsut atorneqassapput, qassutinullu qullinngorlugit ivertinneqassapput. Aalisaatinut atortuni tamani ilisarnaasersuutit aamma taamatut atorneqassapput.

§ 5.  Kinaluunniit qassutit atorlugit aalisarnermik unitsitsisoq, qassutit atukkani, taakkulu atortui ingerlaannartumik piissavai.
Stk. 2.  Kinaluunniit qassutit atorlugit qaleralinniartoq, ukiornerani kangerlunni sikunialersinnagu qassutiminik taakkulu atortuinik pisariaqanngitsumik kinguaattoornertaqanngitsumik amusissaaq, tamannalu kingusinnerpaamik ulloq 1. December pisassaaq.
Stk. 3.  Kinaluunniit aalisarnermut qasssutiminik annaasaqartoq, taamaattoqarnera pillugu ingerlaannartumik kommunalbestyrelsimut nalunaaruteqassaaq, nalunaaruteqarnermilu piffik qassutaarserfiusoq erseqqissumik ilanngullugu nalunaarutigineqassaaq.
Stk. 4.  Aalisartoq qassutaarsiutiminik ujarlissalluni pisussaatitaavoq. 
Stk. 5.  Qaleralinniarnermi atortoq, atortumit allamit minnerpaamik 50 meterisut ungasissusilimmut inissinneqassaaq. Minnerpaamik ungasissusiliinissamik piumasaqaat manna ningittagarsorluni aalisarnermut tunngasuunngilaq.
Stk. 6.  Atortut marluk imminnut ilarussimappata, taakku nammineq atortup kipineratigut imminnit avissaartinneqassapput.

Pineqaatissiissutit atuutilerfissarlu

§ 6.  Maleruaqqusamik §. 3, imm. 1, § 4 aamma § 5 unioqqutitsisoq akiliisussanngortinneqarsinnaavoq, atortunillu arsaarinniffigineqarsinnaalluni. Akiliutigititaq atortullu arsaarinnissutigineqartut nalingi Landskarsimut nakkartinneqartassapput.

§ 7.  Maleruaqqusaq una atuutilerpoq ulloq 15.04.2014.
Stk. 2.  Tamatuma peqatigisaanik maleruagassat uku atorunnaarput:
1)  Kommuneqarfik Sermersuumi qassutit kivisittakkat atorlugit maleruaqqusaq, ulloq 29. april 2011 atulersoq, atorunnaarsinneqarpoq.
2)  Ammassallup kommuniani qassutit kivisittakkat pillugit maleruaqqusaq 4. marts 1997-meersoq atorunnaarsinneqarpoq

Kommuneqarfik Sermersuumi Kommunalbestyrelsimit akuersissutigineqarpoq , ulloq 26.11.2013.

 

____________________________________________

Asii Chemnitz Narup, Kommuneqarfik Sermersuumi Borgmesteri

Namminersorlutik Oqartussat, ulloq 3. april 2014

 

____________________________________________

Finn Karlsen, Aalisarnermut, Piniarnermut Nunalerinermullu Naalakkersuisoq