§ 1

Aningaasarsianit akileraarutit pillugit Inatsisartut inatsisaanni nr. 12, 2. november 2006-imeersumi, Inatsisartut inatsisaatigut nr. 9, 3. december 2012-imeersukkut kingullermik allan­ngortinneqartumi makku allannguutigitinneqarput:

1. § 15, imm. 5, atorunnaarsinneqarpoq.

2. § 24, imm. 1, nr. 3, ima oqaasertaqassaaq:
”3)  akiitsut erniaat taakkununngalu atatillugu sullissinermut matussutissatut ingerlaavartumik ernialiuttakkat (løbende provision), taamaattorli tak. § 15, imm. 4.”

3. § 30, imm. 6, atorunnaarsinneqarpoq.

Imm. 7 aamma 8 matuma kingorna tassaalerput imm. 6 aamma 7.

4. § 30, imm. 7-imi, imm. 6-inngortumi allassimasoq ”imm. 3-miit 6-imut” allanngortinneqar­poq ima: ”imm. 3-miit 5-imut”.

5. § 31, imm. 2, ima oqaasertaqassaaq:
”Imm. 2.  Amigartoorutilli imm. 1-imi pineqartut, § 30, imm. 1 aamma 3-mi maleruagassat naapertorlugit, ukiumut aningaasarsiorfiusumut kingusinnerusumut ingerlatsivimmi tassaner­piaq aningaasarsianit sinneqartoorutaasunit ilanngaatissanngorlugit nuunneqarsinnaapput.”

6. § 52, imm. 7, ima oqaasertaqassaaq:
”Imm. 7.  Selskabit kattunneranni taakku arlaat ukiup kattuffiusup siuliini amigartooruteqarsi-mappat amigartoorutit taakku, selskabip unittup imaluunniit ingerlaqqittup ukiut siuliini talli­mani qaninnerni aningaasarsiaanit akileraaruteqaataasussanit ilanngaatigineqarsinnaanngil­lat.”

7. § 81, imm. 1, oqaaseqatigiit siulliit ima oqaasertaqassapput:
”Aningaasat unerartitsisussaatitap qaammatisiutit malillugit qaammammi unerartissimasai qaam­matip tulliata aallaqqaataani akiligassanngussapput, piffissaagallartillugu akiliiffissaq kingulleq tas­saalluni qaammatip akiligassanngorfiup tulliani qaammatip ulluisa aallaqqaataat.”

8. § 88, imm. 1, oqaaseqatigiit siulliit aamma aappaat ima oqaasertaqassapput:
”Iluanaarutisianit akileraarutit unerartitat ingerlatseqatigiiffiup, qaammatip iluanaarutisianik tunniussinissamik pisassanngortitsinissamilluunniit aalajangiiffiusup tulliani kingusinnerpaamik qaammatip ulluisa aallaqqaataanni akileraaruseriffimmut akilissavai. Aningaasaatinik agguaassineqarpat iluanaarutisi­anit akileraarutit unerartitat, nalunaaqqusilluni killiliussap qaangiunnerata kingorna ullut qulit amer­lanerusulluunniit qaangiunneranni qaammatip tulliuttup kingusinnerpaamik ulluisa aallaqqaataanni akilerneqassapput.”

§ 2

Inatsisartut inatsisaat atortuulissaaq ulloq 1. januar 2014, taamaattorli tak. imm. 2.
Imm. 2.  § 1, nr. 3-miit 6-imut, akuersissutinut 1. december 2013 sioqqullugu nalunaarutigi­neqarsimanngitsunut atuutissapput.

Namminersorlutik Oqartussat, ulloq 29. november 2013

Aleqa Hammond