§ 1

Qimmit qimuttut kiisalu qimmeqarneq qitsuuteqarnerlu pillugit inatsisartut inatsisaanni nr. 18, 30. oktober 1998-imeersumut makkuninnga allannguisoqassaaq:

1. § 3 ima oqaasertalerneqassaaq:
“§ 3. Inatsimmi matumani qimuttunik qimmeqarfittut paasisariaqarpoq Kitaata sineriaani, Kalaallit Nunaata Avannaani sumiiffiup allorniusap sanimukartup 66-iata avannaatungaa, kiisalu Tunu tamaat kujammut Nunap Isua tikillugu allorniusap tukimukartup kimmut 44-ata kangianut.”

2. § 9, stk. 3, naggat siulleq ima oqaasertalerneqassaaq:
“Qimmit tavaannartut, allanik piviusumik navianartorsiortitsisut, piginnittumut taarsiiffiginninnissamut akisussaaffilerneqanngitsumik toqunneqarsinnaapput.”

3. I § 10-mi imm. 3 atorunnaassaaq.

4. § 18-imi, imm. 4 ”erlippaat” ima allanngortinneqassapput ”kigutit”.

5. § 24-mi, imm. 2 aamma 3 kiisalu § 25-mi, imm. 3 ”Avatangiisinut Pinngortitamullu Pisortaqarfik, Uumasunut Nakorsaqarfiup Immikkoortortaqarfia” ima allanngussaaq: ”Naalakkersuisut”.

6. § 28-mi, imm. 2-mi “§ 10, imm. 3” peerneqassaaq.

7. Inatsimmi tamani "Landsstyret" "Naalakkersuisut"-nut allanngortinneqassaaq.

§ 2

Inatsisartut inatsisaat atuutilissaaq ulloq 1. januar 2011.

Kalaallit Nunaanni Namminersorlutik Oqartussat, ulloq 18. november 2010

Kuupik Kleist

/

Ove Karl Berthelsen