§ 1

Aningaasarsianit akileraarutit pillugit inatsisartut inatsisaanni nr. 12, 2. november 2006-imeersumi, kingullermik inatsisartut inatsisaatigut nr. 11, 15. november 2007-imeersukkut allannguuteqartinneqartumi, allannguutigitinneqassapput makku:

1. § 1, imm. 2-tut nutaamik ilanngunneqassapput:
"Imm. 2. aalajangersakkami imm. 1, nr. 2-imi taaneqartutut inunnut atuupportaaq, sulisussarsiarineqarsimallutik umiarsuarni timmisartuniluunniit imaluunniit taakkununnga atatillugu isumagineqartumik nammineq inuttut sulinermigut suugaluartumilluunniit akissarsiaqartoq, umiarsuaq timmisartorluunniit:
1) nunami maani angerlarsimaffeqartutut nalunaarsorsimappat,
2) Danmarkimi, Savalimmiuni nunaniluunniit allani angerlarsimaffeqartutut nalunaarsorsimappat, umiarsuaq timmisartorluunniit inuttaqanngitsoq selskabimit assigisaanilluunniit, § 1, imm. 1, nr. 3-miit 14-imut, § 2, imm. 1, nr. 10-12-imut aamma 14-imi aalajangersakkat malillugit akileraartussaasumit, imaluunniit inuinnarmit imm. 1, nr. 1 aamma 2, § 2, imm. 1, nr. 10-12 aamma 14-imi aalajangersakkat malillugit akileraartussaatitaasumit assartuinermut atorneqarpat,
3) aammalu pigineqarluni ingerlanneqarluniluunniit umiarsuaateqarfimmit timmisartuuteqarfimmilluunniit pisortavii numami maani suliffeqartut, imaluunniit
4) nunami maani aalajangersimasumik inissisimaffeqarluni ukioq tamaat suliffeqartoq.
Malittarisassat nr. 1-miit 3-mut atorneqassanngillat umiarsuaq timmisartorluunniit inuttaqartinnagu danskit, savalimmiormiut nunamiluunniit allamiut umiarsuaatileqatigiiffiannit timmisartuutileqatigiiffiannilluunniit atorneqarpat."

Imm. 2 matuma kingorna imm. 3-tut inissinneqassaaq.

2. § 2, imm. 1-imi, nr. 1-imi piiarneqarput:
"imaluunniit umiarsuarni timmisartuniluunniit Kalaallit Nunaanni angerlarsimaffeqartutut nalunaarsorneqarsimasuni,".

3. § 2, imm. 1-imi, nr. 17-itut nutaamikilanngunneqassapput:
"17) umiarsuarni timmisartuniluunniit imaluunniit taakkununnga atatillugu isumagineqartumik nammineq inuttut sulinermigut suugaluartumilluunniit akissarsiaqartoq, umiarsuaq timmisartorluunniit:
a) nunami maani angerlarsimaffeqartutut nalunaarsorsimappat,
b) Danmarkimi, Savalimmiuni nunaniluunniit allani angerlarsimaffeqartutut nalunaarsorsimappat, umiarsuaq timmisartorluunniit inuttaqanngitsoq inunnik arlaqartunik assigisaanilluunniit, § 1, imm. 1, nr. 3-miit 14-imut, § 2, imm. 1, nr. 10-12-imut aamma 14-imi aalajangersakkat malillugit akileraartussaasumit, imaluunniit inuinnarmit § 1, imm. 1, nr. 1 aamma 2, § 2, imm. 1, nr. 10-12 aamma 14-imi aalajangersakkat malillugit akileraartussaatitaasumit assartuinermut atorneqarpat,
c) aammalu pigineqarluni ingerlanneqarluniluunniit umiarsuaateqarfimmit timmisartuuteqarfimmilluunniit pisortavii numami maani suliffeqartut imaluunniit
d) nunami maani aalajangersimasumik inissisimaffeqarluni ukioq tamaat suliffeqartoq.
Malittarisassat litra a-miit c-mut atorneqassanngillat umiarsuaq timmisartorluunniit inuttaqartinnagu danskit, savalimmiormiut nunamiluunniit allamiut umiarsuaatileqatigiiffiannit timmisartuutileqatigiiffiannilluunniit atorneqarpat."

4. § 15, imm. 4 imatut oqaasertalerneqassaaq:
" Imm. 4. Kalaallit Nunaata avataani illumik pigisaqartup akileraarutaasussanik isertitanut ilanngutissanngilai:
1) isertitat aningaasartuutillu,
2) illup pissarsiarineranut ingerlanneranulluunniit atukkanik taarsigassarsiat erniaat,
3) taarsigassarsiat illu qularnaveeqqusiullugu taarsigassarsianut ernianut aningaasartuutit".

5. § 29, imm. 1-imi "Kalaallit Nunaanni atortussiassat aatsitassanit pisut il.il. pillugit inatsit naapertorlugu," kingornagut ilanngunneqassapput: "sermip erngullu avammut nioqqutissatut atorneqarnissaat pillugu inatsisartut inatsisaat,".

6. § 30, imm. 8-mi " Kalaallit Nunaanni atortussiassat aatsitassanit pisut il.il. pillugit inatsit naapertorlugu," kingornanut ilanngunneqassapput: "sermip erngullu avammut nioqqutissatut atorneqarnissaat pillugu inatsisartut inatsisaat,"

7. § 32, imm. 3-mi "Kalaallit Nunaanni atortussiassat aatsitassanit pisut il.il. pillugit inatsit naapertorlugu," kingornagut ilanngunneqassapput: "sermip erngullu avammut nioqqutissatut atorneqarnissaat pillugu inatsisartut inatsisaat,"

8. § 68, imm. 2 aamma 3 oqaasertalerneqassapput imatut:
"Imm. 2. Attuumassuteqarneq imm. 1-imi taaneqartoq sumiiffimmut kommunit aggornerisa avataaniittumut ilaappat, imaluunniit akileraartussaatitaasoq Kalaallit Nunaanni atortussiassat aatsitassanit pisut il.il. pillugit inatsit, sermip erngullu avammut nioqqutissatut atorneqarnissaat pillugu inatsisartut inatsisaat naapertorlugit atuinissaminut akuersissummik tunineqarsimappat akileraaruserivik kommunitut akileraarfittut isigineqassaaq. Akileraartussaatitaasoq Kalaallit Nunaanni atortussiassat aatsitassanit pisut il.il. pillugit inatsit, sermip erngullu avammut nioqqutissatut atorneqarnissaat pillugu inatsisartut inatsisaat naapertorlugit atuinissaminut akuersissummik tunineqarsimanermigut misissueqqissaarnissaminut akuerineqarsimappat akuerineqarninilu malillugu taamaallaat ingerlatsippat, kiisalu akileraartussaatitaasunut § 32, imm. 3-mi pineqartunut ilaasunut akileraaruserivik kommunitut akileraarfittut aammattaaq isigineqassaaq.
Imm. 3. Kommunalbestyrelsi imaluunniit akileraartussaatitaasoq isumaqarpata akileraartussaatitaasumut kommune akileraarfissaq toqqarneqartoq eqqortuunngitsoq ukiup aningaasarsiorfiusup pineqartup naannginnerani akerliliissut kommunimi akileraarfittut toqqarneqartumi kommunalbestyrelsimut tunniunneqarsinnaavoq. Kommunitut akileraarfittut toqqarneqartoq akileraaruseriffiuppat, imm. 2 naapertorlugu, akerliliissut akileraaruseriffimmut tunniunneqassaaq. Nalornisoortoqartillugu akileraaruseriffiup aalajangiiffigissavaa kommuni sorleq akileraarfittut isigineqassanersoq. Taamaattorli akileraaruseriffik kommunitut akileraarfittut toqqarneqarsimatillugu nalornisoortoqarpat Naalakkersuisut aalajangiisuusussaapput.".

9. § 85-imi "1. april" allanngortinneqassaaq uunga: "1. maj".

§ 2

Inatsit atortuulerpoq ulloq 1. januar 2009.

Hans Enoksen

/

Per Berthelsen