§ 1

Atuisartunut pisisartunullu siunnersuisartoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaat nr. 10, 13. november 1986-imeersuut, ilaatigullugu Inatsisartut inatsisaat nr. 14, 31. oktober 1996-imeersukkut kingullermillu Inatsisartut inatsisaat nr. 4, 21. maj 2002-imeersukkut allanngortinneqartumi imatut allannguisoqarpoq:

1. § 24, imm. 1-imi "iluanaarutinillu" peerneqarpoq.

2. § 24-mi imm. 2-tut ikkunneqarpoq:
"Imm. 2. Akinik misissuititsinermut atatillugu Atuisartunut pisisartunullu siunnersuisartoqatigiit, imaluunniit Naalakkersuisunit tamatumunnga piginnaatinneqartut suliffeqarfinnut paasissutissanik naleqquttunik allakkatigut noqqaassuteqarsinnaapput. Taamatut noqqaassummik tigusinermiit sapaatit akunneri marluk qaangiutsinnagit, noqqaassuteqarnermi akissuteqarnissamut sivisunerusumik piffissaliisoqarsimanngippat, suliffeqarfiit pisussaapput paasissutissat pineqartut tunniutissallugit."

3. § 37-mi „alla" peerneqarpoq aamma"§ 21, imm. 3"-p kingorna ", § 24, imm. 2," ikkunneqarluni.

 

§ 2

Inatsisartut inatsisaat julip aallaqqaataani 2007-mi atortuulersinneqarpoq.

Hans Enoksen

/

Siverth K. Heilmann