Nakorsaatinik allattorsimaffimmi A-miittunik atuineq pillugu paasissutissanik nalunaarutiginninnissaq pillugu Namminersornerullutik Oqartussat nalunaarutaat
Nakorsaatit pillugit inatsisartut peqqussutaanni nr. 1-imi 12. maj 2005-imeersumi § 17 naapertorlugu aalajangersarneqarput:
Nalunaarutiginninnissamut akisussaasoq
§ 1. Napparsimmavinni ataasiakkaani aamma Dronning Ingridip Napparsimmavissuani nakorsaatinut akisussaasut qullersaat nakorsaatit allattorsimaffiannut A-mut ilanngunneqartunik atuineq pillugu Peqqinnissakkut Nakkutilliisoqarfimmut nalunaarutiginnittassaaq.
Imm. 2. Nalunaarutiginninneq ukiup sisamararterutaani tamani pisassaaq.
Nalunaarutiginninnermut ilanngutassat
§ 2. Nalunaarutiginninnermut ilanngunneqassapput:
1) nakorsaatip aqqa,
2) nakorsaatip annertussusia,
3) nakorsaatip sakkortussusia,
4) immikkut ittumik akuerineqarsimaneranut periusigineqarsimasut,
5) qanoq annertutigisoq napparsimasunut ataasiakkaanut piniarneqarsimanersoq,
6) nakorsaat qanoq annertutigisoq tunniunneqarsimanersoq, aamma
7) nakorsaat qanoq annertutigisoq sinnerussimanersoq.
Atuutilerfia
§ 3. Nalunaarut atuutilerpoq ulloq 1. januar 2006.
Namminersornerullutik Oqartussat, ulloq 14. november 2005
Asii Chemnitz Narup
/
Søren Rendal