Meeqqat atuarfiat pillugu inatsisartut peqqussutaanni nr. 1-imi, 6. juni 1997-imeersumi § 11, imm. 2, tak. Atuarfik pillugu inatsisartut peqqussutaanni nr. 8-mi, 21. maj 2002-meersumi § 49, imm. 4, naapertorlugu aalajangersarneqarput:

Tapiissutisinissamut piumasaqaatit

§ 1. Danmarkimi efterskolimiinnermut tapiissutit Oqaatsinik Pikkorissarfimmit aningaasanut inatsimmi aningaasaliissutigineqartut iluannit aningaasaliissutigineqartarput.
Imm. 2. Tapiiffigineqarnissamut piumasaqaatit makku naammassineqarsimassapput:
1) atuartoq aamma atuartumut angajoqqaatut oqartussaatitaasut efterskolimiinnerup aallartinnerani Kalaallit Nunaanni najugaqavissuussapput efterskolimiinnerullu aallartinnera sioqqullugu sivikinnerpaamik ukiumi ataatsimi Kalaallit Nunaanni najugaqavissuusimassallutik. Kalaallit Nunaata avataani najugaqarnertut naatsorsuuti-gineqanngillat najugaqarnerit kalaallit oqartussaannit peqataaffigineqarsimasut ilinniagaqarnermik imaluunniit paaqqinninnermik taamaallaat pissuteqartut,
2) atuartoq efterskolimi atualernermini 18-inik ukioqalereersimassanngilaq,
3) efterskolimi atualernissap aallartinnissaa sioqqullugu atuartup meeqqat atuarfiat imaluunniit tunngaviusumik atuarfimmut assingusoq naammassereersimassavaa. Meeqqat atuarfiat pillugu inatsisartut peqqussutaanni nr. 1 6. juni 1997-imeersumi malittarisassat naapertorlugit meeqqat atuarfianni atuartut naammassinnissimasut efterskolimi atualernissaq sioqqullugu 11. klassi naammassereersimassavaat,
4) atuartup efterskoli atualerfissaa Danmarkimi ilinniartitaanermut ministerimit akuerisaassaaq,
5) atuartoq siusinnerusukkut Danmarkimi efterskolimiinnissamut Namminersornerullutik Oqartussanit tapiiffigineqarsimassanngilaq,
6) § 2 naapertorlugu atuartoq efterskolimiinnermini angajoqqaatut oqartussaatitaasut toqqagaanik Danmarkimi ilaqutariinnut atassuteqassaaq,
7) § 3 naapertorlugu atuartup efterskolimiinnermini pissarsiarisassaatut naatsorsuutigisat pillugit atuarfimmit oqaaseqaateqartoqareersimassaaq, aamma
8) § 8 naapertorlugu tapiiffigineqarnissamut qinnuteqaat piffissaq eqqorlugu tunniunne-qarsimassaaq.
Imm. 3. Oqaatsinik Pikkorissarfiup immikkut ittunik pissutissaqartillugu imm. 2, nr. 1, 2, 3, 5 aamma 8 saneqqussinnaavai.
Imm. 4. Efterskolimiinneq maannaannaq taamaatinneqarpat, imaluunniit atuartoq efterskolimiilernissap aallartinnerani takkutinngitsoorpat, tapiissuteqartarneq efterskolip taamaalisoqarneratigut maleruagassatut aalajangersagai naapertorlugit unitsinneqassaaq.
Imm. 5. Ilinniartitaanermut Pisortaqarfik tapiissutit utertinneqarnissaannik piumasaqaateqar-sinnaavoq tapiissutit akuersissutigineqartunit siunertanut allanut atorneqarsimappata.

§ 2. Angajoqqaatut oqartussaatitaasut ilaqutariinnik atassuteqarfissanik toqqaasimanerat angajoqqaatut oqartussaatitaasut aamma ilaqutariinnik atassuteqarfigineqartussanit atsiorne-qartumik nalunaaruteqarnikkut uppernarsarneqarsimassaaq. Ilinniartitaanermut Pisortaqarfim-mit tamatumunnga atugassanngorlugu nalunaaruteqarnissamut immersugassiaq atorneqassaaq.

§ 3. Atuarfiup tapiissutinik qinnuteqaatinik naliliinissamut atugassatut qinnuteqaammut ilanngutissavai atuartup Danmarkimi efterskolimiinnerani pissarsiarisassaanut naatsorsuu-tigisat pillugit oqaaseqaat. Oqaaseqaat pissutsinut makununnga isummiussanik imaqassaaq:
1) Atuartoq efterskolimi atuartitsinermut malinnaasinnaasutut naatsorsuunneqarnersoq.
2) Atuartoq efterskolimi ataatsimooqateqarsinnaasutut naatsorsuunneqarnersoq.
3) Atuartoq ilinnialernissamut piareersaataasumik ilinniartitaanermut imaluunniit piginnaanngortitsisumik ilinniartitaanermut tiguneqarsinnaanissamut qallunaatut pisinnaasami annertusarnissaanut pisariaqartitsinersoq.
4) Atuartoq efterskolimiinnerminik naammassinnissinnaasutut naatsorsuunneqarnersoq.
5) Atuartoq pillugu pissutsinik allanik peqarnersoq tapiissutinik akuersissuteqartariaqar-nermut tunngaviusinnaasunik.
Imm. 2. Ilinniartitaanermut Pisortaqarfiup immersugassiaa atorlugu oqaaseqaatiliortoqassaaq.

§ 4. Oqaatsinik Pikkorissarfiup qinnuteqaatinik tamarmiusunik ataatsimut naliliineq tun-ngavigalugu aalajangissavaa qinnuteqaatit sorliit akuerineqassanersut. Atuarfiup atuartup efterskolimiinnermini pissarsiariumaagai pillugit oqaaseqaataa kiisalu § 3 naapertorlugu naliliinermi Danmarkimi efterskoleriarnissamut qinnuteqartup tunngavilersuutai pingaartinne-qassapput. Aammattaaq toqqaanermi tapiissutitut aningaasaliissutit tamarmisut nunap immik-koortuinut agguataarneqarnerat eqqarsaatigineqassaaq.

§ 5. Efterskolimiinnermut atasumik aningaasartuutinut makkununnga tapiissuteqartoqarsinnaavoq:
1) Atuarnerup aallartilerneranut atuarunnaarnermullu atasumik Kalaallit Nunaata Danmarkillu akornanni siumut utimullu atuartup angalaneranut.
2) Atuartup angalaneranut atasumik unnuisariaqarneranut.
3) Atuartup angalanerani pisariaqartitsineq naapertorlugu nerisaqarneranut.
4) § 6 naapertorlugu atuartup efterskolimiinneranut.
5) Qanigisat napparsimarulunnerannut qanigisanilluunniit toqusoqarneranut atasumik Kalaallit Nunaannut siumut utimullu atuartup angalaneranut.
Imm. 2. Imm. 1, nr. 5 naapertorlugu qanigisatut paasineqassapput qatanngutit, aaparisaq, qitornat, angajoqqaat aamma aanaa aataakkut. Immikkut ittumik pisoqartillugu Oqaatsinik Pikkorissarfik immikkut akuersissuteqarsinnaavoq.
Imm. 3. Atuartunut Danmarkimi efterskolimiittunut tamanut ilinniarnermi ilitsersuinermut atasumik kiisalu atuartunik tapiiffigineqarsimasunik aammalu Oqaatsinik Pikkorissarfimmit Danmarkimut angalanerinik aaqqissuunneqarsimasunik tikilluaqqusinernut aningaasartuutit Ilinniartitaanermut Pisortaqarfimmit akilerneqassapput.
Imm. 4. Efterskolip ammasarfiata avataani angajoqqaarsianit atassuteqarfiusussatut nalunaarutigineqarsimasunit imaluunniit allanit angajoqqaatut oqartussatut taamatut piginnaatitsisunit paarineqarsinnaatinnagu tassanngaannartumik inissiigallartariaqarnermut aningaasartuutinik Ilinniartitaanermut Pisortaqarfik akiliigallarsinnaavoq. Aningaasartuutit tamatuma kingorna angajoqqaatut oqartussanut akileqquneqassapput.

§ 6. § 5 imm. 1, nr. 4 naapertorlugu efterskolimiinnermut atuartumut ataatsimut tapiissutit angajoqqaat akiligassaat tamakkerlugit ilaannakorlugilluunniit matussusertarpaat. Tapiissutit annertussusissaat Ilinniartitaanermut Pisortaqarfimmit aalajangersarneqassapput.
Imm. 2. Tapiissutit efterskolimut atuarfiusussamut akiliutigineqassapput.

§ 7. Angajoqqaatut oqartussaatitaasut atuartup efterskolimut tiguneqarnissaanut nammin-neerlutik qinnuteqassapput.
Imm. 2. Tapiiffigineqarnissamik qinnuteqarnermi qinnuteqarfissiaq Ilinniartitaarnermut Pisortaqqarfimmit suliarineqarsimasoq atorneqassaaq. Qinnuteqaatip ilaatigut imarissavaa atuartup Danmarkimi efterskolernissaanut tunngavilersuut.
Imm. 3. Qinnuteqarfissiaq kommunimi atuartup atuarfigisaani ilinniartitaanermut ingerlatsi-vimmit tunniunneqassaaq.
Imm. 4. Qinnuteqartup tapiiffigineqarnissamik qinnuteqaat, tassunga ilanngullugit atuartup efterskolimit ilinniartunngortussatut akuerisaaneranut efterskolip uppernarsaataa kiisalu ilaqu-tariit atassuteqarfiusussat nalunaaruteqarnerat atsiorneqarsimasoq atuartitaanermut ingerlatsi-vimmut nassiutissavaa.
Imm. 5. Atuartitaanermut ingerlatsiviup tapiiffigineqarnissamik qinnuteqaat kiisalu imm. 4-mi ilanngussat taaneqartut assilineri, § 3 naapertorlugu atuarfiup atuartoq pillugu oqaaseqaataa aamma misilitsissimanermut imaluunniit karakterit kingulliit pillugit meeqqat atuarfiannit uppernarsaatit Oqaatsinik Pikkorissarfimmut nassiutissavai.
Imm. 6. Atuartitaanermut ingerlatsiviup atuarfiup atuartoq pillugu oqaaseqaataata assilinera angajoqqaatut oqartussaatitaasunut nassiutissavaa.

§ 8. Qinnuteqaat efterskolimiinnissap ukioq aallartiffissaa sioqqullugu kingusinnerpaamik 1. decemberimi atuartitaanermut ingerlatsivimmit tiguneqareersimassaaq.
Imm. 2. Qinnuteqaat ukiumi efterskolimiinnissap aallartiffissaani kingusinnerpaamik 1. januarimi Oqaatsinik Pikkorissarfimmit tiguneqareersimassaaq.

§ 9. Oqaatsinik Pikkorissarfiup tapiissutit akuersissutigineqarsimanersut pillugit ukiumi efterskolimiinnissap aallartiffissaani kingusinnerpaamik 1. martsimi qinnuteqartunut nalunaa-rutigissavai.
Imm. 2. Oqaatsinik Pikkorissarfiup tapiissutit tunniunneqartut pillugit efterskolimut nalunaa-ruteqassaaq.
Imm. 3. Oqaatsinik Pikkorissarfik atuartitaanermut ingerlatsivimmut qinnuteqaatinik oqar-tussanut nassiussisumut tapiissutinik qinnuteqaatit pillugit aalajangikkanik nalunaaruteqas-saaq.

§ 10. Atuartup angalanissaata piareersarnissaaatuartitaanermut ingerlatsiviup isumagissa-vaa. Oqaatsinik Pikkorissarfik ilinniartut angalanissaannik aaqqissuisuusimappat najukkami atuarfimmik ingerlatsivimmut billetsit kingusinnerpaamik 1. maj nassiunneqassapput. Ilin-niartut taakku Danmarkimi tikilluaqquneqarnissaannik Oqaatsinik Pikkorissarfik ataqati-giissaarisuussaaq.

§ 11. Tapiissutit pillugit aalajangiinernut naammagittaalliuutit Ilinniartitaanermut Pisortaqarfimmut suliakkiissutigineqassapput. Naammagittaalliuutit aalajangiinerup kingorna kingusinnerpaamik sapaatit akunneri sisamat qaangiutsinnagit Ilinniartitaanermut Pisortaqarfimmit tiguneqareersimassapput.
Imm. 2. Atuartut pillugit atuarfiit § 3 naapertorlugu oqaaseqaataat pillugit naammagittaalli-uutit Ilinniartitaanermut Pisortaqarfimmut suliakkiissutigineqarsinnaanngillat.

§ 12. Nalunaarut 1. februar 2004-mi atuutilerpoq, sunniuteqalissalluni ukiumi atuarfiusumi 2004/2005-imi. Tamatuma peqatigisaanik Danmarkimi efterskolimiinermut tapissuteqartarneq pillugu Namminersornerullutik Oqartussat nalunaarutaat nr. 4, 21. februar 1997-imeersoq atorunnaarsinneqarpoq.

§ 13. Ukiumut atuarfiusumut 2004/2005-imut § 8, imm. 1-imi piffissaliussaq tassaavoq 1. februar 2004, § 8, imm 2-mi piffissaliussaq tassaavoq 1. marts 2004, § 9, imm. 1-imi piffissaliussaq tassaavoq 1. maj 2004 aamma § 10-mi piffissaliussaq tassaalluni 15. maj 2004.

Namminersornerullutik Oqartussat, ulloq 16. januar 2004.

Henriette Rasmussen

/

Lise Lennert Olsen