§ 1

Aningaaserivinni ileqqaakkat akileraarutitigut oqilisaaffigineqarnissaat pillugu Inatsisartut inatsisaanni nr. 2, 6. maj 1989-imeersumi, kingullermik Inatsisartut inatsisaatigut nr. 7, 6. november 1997-imi allanngortinneqartumi makku allannguutigitinneqarput:

1. § 1, imm. 2-mi nr. 7-itut nutaatut ilanngunneqassaaq:
"7. Ilinniakkanut sivikinnerpaamik ukiumik ataatsimik sivisussusilinnut, ilinniarnerup Kalaallit Nunaanni avataaniluunniit ingerlanneqarnera apeqqutaatinnagu."

2. § 1, imm. 3 atorunnaarsinneqassaaq.

3. § 2-mi allassimasoq "nunatsinnilu aningaaserivinnit" allanngortinneqassaaq ima: "aningaaserivinnillu, Kalaallit Nunaannut tamakkiisumik ilaannakortumilluunniit akileraartussaatitaasunit".

4. § 2 a, imm. 1-imi peerneqassapput: ", nr. 1-imiit 3-mut aamma 5-imiit 6-imut"

5. § 2 a, imm. 2 ima oqaasertaqassaaq:
"Imm. 2. Siunertanut imm. 1-imi taaneqartunut ileqqaakkat tunniunneqalerpata, piffissami sumiluunniit ileqqaakkat ukiumut 4 procentiinik ernialerneqartassapput. Erniatigut tapiissutit aatsaat tunniunneqarsinnaassapput kontu sivikinnerpaamik ukiumi ataatsimi pioreersimappat."

6. § 4, imm. 1-imi peerneqassapput: ", nr. 1-imiit 6-imut aamma imm. 3"

7. § 4, imm. 3 ima oqaasertaqassaaq:
"Imm. 3. Ileqqaarutit akileraarutitigut oqilisaaffigineqartut taamaallaat pilersinneqarsinnaapput aningaaserivinni, Kalaallit Nunaannut tamakkiisumik ilaannakortumilluunniit akileraartussaatitaasuni."

8. § 10-mi peerneqassaaq: "aamma 3"

Inatsisartut inatsisaat atortuulissaaq ullormi 1. juni 2000.

Namminersornerullutik Oqartussat, ulloq 23. maj 2000

Jonathan Motzfeldt

/

Josef Motzfeldt