Kapitali 1.
Oqaatsinik Pikkorissarfiup siunertaa.

§ 1. Oqaatsinik Pikkorissarfíup siunertaraa innuttaasut oqaatsinik ilinniartinneqarnerat nam-minersortut pisortallu pisariaqartitaannut assigiirmgitsunut naapertuuttumik aammalu inuutis-sarsiornikkut, suliffeqarnikkut ilinniartitaanikkullu ingerlatsinikkut qaqugukkulluunniit anguni-agaasut najoqqutaralugit nukittorsassallugu.
Imm. 2. Oqaatsinik Pikkorissarfiup siunertaa anguniarneqassaaq, pingaartumik
1) pikkorissarfimmi oqaatsinik pikkorissarnernik ilinniartitsinernillu aaqqissuussisarnertigut ingerlatsisarnertigullu,
2) Kalaallit Nunaanni avataanilu ilinniarfinni, oqaatsinik ilinniarfinni assigisaannilu oqaatsinik pikkorissarnernut oqaatsinillu ilinniartitsinernut aqqutissiuussillunilu aaqqissuussisarnikkut, aamma
3) ilisimasanik eqiteriffittut inunnut ataasiakkaanut suliffeqarfinnullu pikkorissarfimmi allanilu oqaatsinik pikkorissartitsisarnissamut periarfissat oqaatsinillu ilinniartitsinissamut ne-qeroorutit pillugit siunnersuisinnaasutut atuunnikkut.

Kapitali 2.
Oqaatsinik Pikkorissarfiup aqunneqarnera.

§ 2. Naalakkersuisut Oqaatsinik Pikkorissarfimmi allaffissornermut aningaasaqarnermilu aqutsinermut akisussaapput. Naalakkersuisut pikkorissarfiup pisortassaanik atorfmitsitsissapput, Naalakkersuisut sinnerlugit akisussaaffimmik isumaginnittussamik.
Imm. 2. Oqaatsinik Pikkorissarfiup siulersuisuisa Oqaatsinik Pikkorissarfiup anguniagai tunaartarisassaalu aalajangersassavaat, suliniutissatut pilersaarutit akuersissutigineqartarnerat ilanngullugu, taakkulu akisussaaffígalugit. Oqaatsinik Pikkorissarfiup siulersuisui upernaakkut ataatsimiinnermi Inatsisartunut Oqaatsinik Pikkorissarfiup ingerlatai pillugit ukiumoortumik nalunaaruteqartassapput.
Imm. 3. Pikkorissarfimmi pisortaq ilinniartitsinermut akisussaavoq, ulluinnarnilu Oqaatsinik Pikkorissarfiup aqunneqaraera isumagisaralugu.
Imm. 4. Naalakkersuisut Oqaatsinik Pikkorissarfiup aqunneqarnera pillugu sukumiinerasunik malittarisassiorsinnaapput, akisussaaffiit suliassanullu tunngasut ilanngullugit.

§ 3. Naalakkersuisut siulersuisunik tallimaniit arfíneq-pingasunut ilaasortalimmik pilersitsissapput inuutissarsiorfiit assigiinngitsut, aatsitassarsiornermik, takornariartitsinermik niuernermillu sammisaqartut ilanngullugit, oqaasiinik paasisimasaqartunik ilisimasaqartunillu. Kultureqarnermut, Ilinniartitaanermut Ilageeqarnermullu Naalakkersuisup siulersuisut siulittaasuat toqqartassavaa. Oqaatsinik Pikkorissarfímmi ilinniartitsisut aalajangersimasumik atorfillit siulersuisunut ilaasortassamik ataatsimik toqqaassapput.
Imm. 2. Siulersuisunut ilaasortanik inatsisartunut qinersisoqarnerata kingorna nutaamik toqqaasoqartassaaq. Toqqaaqqittoqarsinnaavoq. Siulersuisunut ilaasortat sinniisussaannik toqqaasoqarsinnaavoq.
Imm. 3. Kultureqarnermut, Ilinniartitaanermut Ilageeqarnermullu Naalakkersuisoq siulersuisu-nut ataatsimeeqataasartussanik toqqaasinnaavoq, soorlu aamma siulersuisut pisariaqartitsineq naapertorlugu ataatsimeeqataasartussanik naammaqusersinnaasut.
Imm. 4. Naalakkersuisut siulersuisut inuttalersorneqarneranut maleruagassanik erseqqinneru-sunik aalajangersaasinnaapput.

§ 4. Siulersuisut namminneq inissitsitissapput, tassungalu ilanngullugu siulittaasoq tullilerlugu.
Imm. 2. Siulersuisut namminneq suleriaasissartik, Kultureqarnermut, Ilinniartitaanermut Ilageeqarnennullu Naalakkersuisumit akuerineqartussaaq, aalajangersassavaat.

§ 5. Pikkorissarfiup pisortaa siulersuisunut allattaavoq.

Kapitali 3.
Oqaatsinik Pikkorissarfiup ingerlatai.

§ 6. Oqaatsinik Pikkorissarfmp ingerlatai § 1-mi siunertat taaneqartut naapertorlugit aaqqissuunneqassapput.
Imm. 2. Naalakkersuisut Oqaatsinik Pikkorissarfik allanik suliassissinnaavaat.
Imm. 3. Naalakkersuisut Oqaatsinik Pikkorissarfiup ingerlataanut peqataanernullu tunngasu-nik erseqqinnerusunik maleruagassiorsinnaapput.

Kapitali 4.
Aningaasalersuineq.

§ 7. Ingerlatanut ataasiakkaanut aningaasaliissutigineqartut atornissaat pillugit maleruagassat erseqqinnerusut Naalakkersuisut aalajangersarsinnaavaat, pikkorissarnersiutit il.il. pillugit malittarisassat ilanngullugit,.

§ 8. Suliniutit landskarsimit aningaasaliiffigineqartut saniatigut isertitsissutaasumik suliaqarnikkut Oqaatsinik Pikkorissarfik suliniutinik allanik aallartitsisinnaavoq.
Imm. 2. Naalakkersuisut suliniutit isertitatigut aningaasalersorneqartut pillugit erseqqinnerusunik malittarisassiorsinnaapput.

Kapitali 5.
Atortuulersitsineq

§ 9. Inatsisartut peqqussutaat atuutilerpoq januarip aallaqqaataani 1998-imi.

Namminersornerullutik Oqartussat, ulloq 6. november 1997.

Jonathan Motzfeldt

/

Konrad Steenholdt