§ 1

Eqquiniaasitsinermi akileraarutit pillugit Inatsisartut inatsisaanni nr. 7, 31. oktober 1987-imeersumi, kingullermik Inatsisartut inatsisaatigut nr. 10, 13. juni 1994-imeersukkut allanngortinneqartumi makku allannguutigitinneqassapput:

§ 3-mi imm. 2-tut nutaatut una ilanngunneqassaaq:
"Imm. 2. Aningaasanik ikisilluni pinnguaatini ("tillinniani illuinnarmik talilinni") inimi ataatsimi ikkussorneqarsimasuni eqqukkat aningaasanngorlugit tiguneqartut kvartalikkaartumik katillugit ataatsimoortillugit nalunaarutigineqarlutillu akileraaruteqaataasassapput. Kvartalikkaartumik nalunaaruteqarneq akileraarutitullu akiliutit Akileraartarnermi Pisortaqarfimmut apuutereersimassapput kingusinnerpaamik kvartalip naanerani qaammatip tulliuttup naanerani. Immersugassaq Akileraartarnermi Pisortaqarfiup suliarisimasaa atorlugu nalunaaruteqarneq pisassaaq."

Taamaalillutik imm. 2 aamma 3 imm. 3-nngorlutillu 4-nngussapput.

§ 2

Inatsisartut inatsisaat manna 1. juli 1995 aallarnerfigalugu atortuulissaaq, eqquiniaasitsinernullu 1. juli 1995-imi kingusinnerusumiluunniit ingerlanneqartunut sunniuteqalissalluni.

Namminersornerullutik Oqartussat, ulloq 12. juni 1995.

Lars Emil Johansen

/

Daniel Skifte