Inissialiornermut tapersiissuteqartarneq pillugu Inatsisartut peqqussutaani nr. 1-imi 9. april 1992-imeersumi § 5 naapertorlugu aalajangersarneqarpoq:

§ 1. Inissialiornermut tapersiissuteqartarneq pillugu Inatsisartut peqqussutaani kapitalit 3-mit 7-mut malillugit tapersiissut tapiissutitut taarsigassarsiatulluunniit tunniunneqartussaq sanatitsisumit taassumaluunniit aqutsisuutitaanit sulisitsisumut akiliutigineqartassaaq "Kalaallit Nunaanni illuliornermi sanaartornermilu suliassanut atortussanillu tunniussisarnermi ataatsimoortumik maleruagassareqqusat" malillugit, tassa sanaartornermi illuatungeriit akornanni isumaqatigiissutiliorluni isumaqatigiissutigineqarsimanngippat allatut iliortoqarnissaa. Taamaattorli isumaqatigiissutigineqanngisaannassaaq sanatitsisup atortussanik nalilinnik pissarsiaannit anginerusumik akiliisoqartarnissaa.

§ 2. Illu Inissialiornermut tapersiissuteqartarneq pillugu Inatsisartut peqqussutaani kapitalit 4 imal. 6 malillugit taarsigassarsilluni tamakkiisumik suliaritinniakkatut sananeqarnissaa kissaatigineqarpat taarsigassarsiat tunniunneqartassapput "Illut boligstøttimit taarsigassarsilluni illuliassat tamakkiisumik tunniunneqarnissaannut ataatsimoortumik maleruagassat 1. marts 1981-imeersut" malillugit.

§ 3. Nalunaarut atulissaaq 1. april 1994.

Namminersornerullutik Oqartussat ulloq 22.marts 1994.

Emil Abelsen

/

Peter Beck