Kalaallit Nunaanni Ilinniarnertuunngorniarfik pillugu Peqqussut nr. 108 17. februar 1992-imeersoq, § 14, imm. 3 aamma 4 kiisalu § 16, imm. 1, pkt. 5 aamma Kalaallit Nunaanni Ilinniarnertuunngorniarfik pillugu aamma ilinniarnissamut piareersaataasumik ilinniartitsissutinik ataasiakkaanik ilinniartitsineq pillugu Ilinniartitaanermut ministereqarfiup nalunaarutaa nr. 360 11. maj 1992-imeersoq, § 24, imm. 2, kiisalu sunngiffimmi sammisassaqartitsineq pillugu Inatsisartut peqqussutaat nr. 5 9. april 1992-imeersoq, § 11, naapertorlugit aalajangersarneqarput:

Kapitali 1.
Ilinniartitsissutinik ataasiakkaanik ilinniartitsineq.

§ 1. Ilinniarnertuunngorniarfiit ilinniartitsissutinik ataasiakkaanik ilinniartitsinermik atuarfeqarfimminni ingerlataqalertarsinnaapput. Piumasaqaataanngilaq Ilinniarnertuunngorniarfimmi ilinniartitsissutit aalajangersimasut neqeroorutigineqartarnissaat, kisianni pikkorissartut sapinngisamik periarfissinniarneqartassapput Ilinniarnertuunngorniarfimmi soraarummeernissamut piumaSctrineqartut; tamakkerlugit naammassinninniartarnissaannut.
Imm. 2. Ilinniartitsissutinik ataasiakkaanik ilinniartitsineq ingerlanneqarsinnaavoq ukiuni pingasuni ilinniarnermi ilinniartitsinermut peqatigitillugu.
Imm. 3. Kommunini Ilinniarnertuunngorniarfeqanngitsuni sunngiffimmi sammisassaqartitsinermut inspektørip/sunngiffimmi sammisassaqartitsinermut pisortap ilinniartitsissutinik ataasiakkaanik ilinniarnissamut qinnuteqaatit tigusassavai ingerlateqqittassallugillu Ilinniarnertuunngorniarfimmut.
Imm. 4. Illoqarfinni Ilinniarnertuunngorniarfeqartuni qinnuteqaatit Ilinniarnertuunngorniarfimmut tunniunneqartassapput: tassanilu oqaloqatigiissutigineqartassallutik.

§ 2. Ilinniartunngortitsineq, ilinniartitsinissaq soraarummeersitsinissarlu aaqqissuunneqartassapput Kalaallit Nunaanni Ilinniarnertuunngorniarfik nalunaarutillu tamatumunnga tunngasut pillugit Peqqussut nr. 108 17. februar 1992-imeersoq naapertorlugu.

§ 3. Rektori ilinniartitsinerup allaffimmi suliassanut pædagogiimullu tunngasortaanut pisortaavoq.

§ 4. Ilinniarnertuunngorniarfimmi ilinniartitsissutinik ataasiakkaanik ilinniarumalluni qinnuteqarnissamut allattuiffissat immikkut suliarineqarsimasut atorneqassapput. Allattuiffissat taamaattut Ilinniarnertuunngorniarfinnit piniarneqarsinnaapput.

§ 5. Ilinniartitsissutinik ataasiakkaanik ilinniaqatigiit pilersinneqarsinnaapput ilinniarneqartussamut peqataajumasut arfineq-pingasut tiguneqarsimappata. Takkuttartut agguaqatigiissillugit amerlassusii sap. akunnerisa tulleriiginnaat sisamat ingerlaneranni sisamanit ikinnerulerpata ilinniartitsineq unitsinneqassaaq.
Imm. 2. Rektori aalajangersakkanik imm. 1-imi taaneqartunik sanioqqutsisinnaavoq.
Imm. 3. Pikkorissartoq ilinniarnertuunngorniarnerup ukiuni pingasuni ingerlanerani ilinniartitaanermi ilinniatitsissutini ataatsikkut amerlanerpaamik tallimani peqataasarsinnaavoq.

Kapitali 2.
Ilinniutinut aningaasartuutaasartut.

§ 6. Ilinniarnertuunngorniarfinni ilinniartut ilinniartitsissutinillu ataasiakkaanik ilinniartitsinermi pikkorissartut kisitsisaateeqqanut ordboginullu aningaasartuutit nanuninneq akilissavaat.
Imm. 2. Imminnut ilinniartittut ilinniutinut tamanut aningaasartuutit namminneq akilissavaat.

Kapitali 3.
Peqataajumalluni nalunaarnermi akiliut.

§ 7. Imminnut ilinniartittut soraarummeernissami peqataajumallutik nalunaarnerminni ilinniartitsissummut siullermut 100 kruunik akiliuteqassapput soraarummeerfiullu ingerlanerani ilinniartitsissutinut tulliuttunut tamanut 50 kruuninik akiliuteqartassallutik. Akiliutissat tunniunneqassapput Ilinniarnertuunngorniarfimmut soraarummeernermi peqataajumalluni nalunaaruteqarfimmut.

§ 8. Ilinniartitsissutinik ataasiakkaanik ilinniartitaanermut peqataajunmalluni nalunaarnermi ilinniartitsissummut ataatsimut 100 kruunit akiliutigineqassapput tunniunneqassallutillu Ilinniarnertuunngorniarfimmut.
Imm. 2. Akiliut utertinneqarsinnaanngilaq, ilinniaqatigiit pilersinneqarsimanngippata imaluunniit atorunnaarsinneqarsimanngippata. Ilinniaqatigiit atorunnaarsinneqarneranni akiliut utertinneqarsinnaavoq peqataasunut, ilinniaqatigiit atorunnaarsinneqanngikkallarneranni sapaatit akunnerisa sisamat kingulliit ingerlaneranni ilinniartitsinermik malinnaasimmasunuinnaq.

Kapitali 4.
Atulerfissaa.

§ 9. Nalunaarut una 10.august 1992-imi atortuulissaaq atortuussallunilu ilinniartunut ullup taassuma kingornatigut ilinniarnermik imaluunniit pikkorissarnermik ingerlatsilersunut imaluunniit soraarummeerumallutik nalunaarsimasunut.

§ 10. Ulloq taanna atorunnaassaaq Namminersornerullutik Oqartussat nalunaarutaat nr. 21, 2. juli 1986-imik ullulerneqartoq.

Namminersornerullutik Oqartussat, ulloq 5. august 1992.

Marianne Jensen

/

Aqigssiaq Møller