§ 1. Kalaallit Nunaanni nunat aqqinut aalajangiisartut suliassaraat Kalaallit Nunaanni nunat aqqi, allanneri naalisarnerilu ilanngullugit, aqqusernit illoqannginnersallu taaguutaat kisiisa pinnagit, katersussallugit, nalunaarsussallugit atuuttussanngortissallugillu.
Imm. 2. Aalajangiisartut suliassaraattaaq Kalaallit Nunaanni pisortat aamma kikkulluunniit Kalaallit Nunaanni nunat aqqi pillugit ilitsersortassallugit.
Imm. 3. Aalajangiisartut aamma suliassaraat suliffeqarfiit inuillu kalaallisut aammalu Kalaallit Nunaanni nunanik atsersuisartut imaluunniit atissanik inassuteqartartut suleqatigissallugit.

§ 2. Aalajangiisartut tallimanik ilaasortaqarput. Taakkunannga ilaasortat pingasut Naalakkersuisunit toqqagaassapput, ilaasortallu marluk Oqaasiliortut ilaasortamik akornannit toqqassavaat.
Imm. 2. Ilaasortat ukiuni sisamani atasartussatut toqqarneqartassapput.
Imm. 3. Aalajangiisartut namminneerlutik siulittaasortik qinertassavaat sulinerminnilu ingerlatseriaasissartik aalajangersassallugu, taamaattorli tak. § 4.

§ 3. Kalaallit Nunaanni nunat aqqinut aalajangiisartut allattoqarnerat pillugu malittarisassat erseqqinnerusut Naalakkersuisut aalajangersassavaat.

§ 4. Kalaallit Nunaanni nunat aqqinut aalajangiisartut sulinerat pillugu malittarisassat erseqqinnerusut Naalakkersuisut aalajangersassavaat.

§ 5. Inatsisartut inatsisaat una atortuulerpoq 1. januar 1990.

Namminersornerullutik Oqartussat, ulloq 26. oktober 1989

Jonathan Motzfeldt

/

Jens Lyberth