Inatsisartut peqqussutaat nr. 4 20. november 1984-imeersoq najoqqutaralugu inuutissarsiutitigut tapersiisarnermut tunngasoq matumuuna imaattut aalajangersarneqarput:

 

Kapitali 1.
Ingerlatsinermi aalajangersakkat.

§ 1. Inuutissarsiutitigut tapersiisarnermi ataatsimiititaliaq sulissussinissaminut najoqqutassiussaaq Aalisarnermut Suliffissuaqarnermullu Naalakkersuisumit aalajangersarneqartussamik.
Imm. 2. Aningaasat atortitassat missiliuusiornerat aningaasallu tapersiisarfimmut akuersissutit nakkutigineqarnerat ataatsimiititaliap akisussaafigai.
Imm. 3. Aningaasat tapersiissutissanngorlugit akuerisat ataatsimiititaliap siulersussavai.
Imm. 4. Ataatsimiititaliap siulittaasuata ataatsimiititaliap allaffeqarfiata suliassai isumagissavai.

§ 2. Ataatsimiititaliap aprilip aallaqqaataa tikitsinnagu Inatsisartunut nalunaaruteqaartassaaq ataatsimiititaliap qaammatisiutit malillugit ukiumi qaangiuttumi sulisimaneranik, kisitsisit nalunaarsuusiat siornatigut maannakkullu maleruagassat najoqqutaralugit tapersiissutaasunik naliliinissamut atugassatut ilanngullugit.
Imm. 2. Tapersiissutigineqartoq siunertarineqartutut sunniuteqanngippat maleruagassat atuuttut allannguutissaannik ataatsimiititaliaq Aalisarnermut Suliffissuaqarnermullu Naalakkersuisoq allannguutissanik siunnersuuteqassaaq.
Imm. 3. Inuutissarsiutit assigiinngitsut iluanni aningaasarsiornikkut ineriartorneq ataatsimiititaliap malittarissavaa taperseeriaatsit piumasarisallu, taakkununnga ilanngullugit erniarititaasup ernianulluunniit tapiissutinut angissusissaatitaasup allanngortinneqarsinnaaneri siunertaralugu.

§ 3. Ataatsimiititaliap qinnuteqartut nalunaaruteqarfigissavai ataatsimiititaliap aalajangiussaa tiguneqanerata kingorna sapaatip akunneri sisamat qaangiutsinnagit maalaarfissatitanut ingerlateqqinneqarsinnaasoq.

§ 4. Taperserneqarnissamik qinuteqaatit tiguneqarnerinut atatillugu kiisalu taarsigassarsinissamut akuersissuteqarnernut qularnaveeqqusiinernullu taakkulu malittarineqarnissaannut atatillugu illoqarfikkaartumik ingerlatsineq kommunenit isumagineqassaaq.
Imm. 2. Inuutissarsiutitigut tapersiisarfimmiit taarsigassarsiat akuersissutigineqarsimasut akiligassanngorsimasullu isertinniarneqartarnerannut atatillugu ingerlatsineq kommunet inuutissarsiutitigut tapersiisarnermi ataatsimiititaliamit qinnuigineqarnermikkut isumagisassaraat.
Imm. 3. 1. januar 1985 tikillugu inuutissarsiutitigut tapersiisarneq pillugu inatsit atuuttoq malillugu taarsigassarsianik qularnaveeqqusiinernillu naalagaaffimmit tunniunneqarsimasunik ingerlatsinermik il.il. koinmunet isumaginninnissamut pissussaatitaapput. Taarsigassarsiat qularnaveeqqusiinerillu taamaattut sapinngisamik ingerlanneqassapput tapersiissutaasut ingerlanneqarnissaat pillugit Inatsisartut inuutissarsiutitigut tapersiisarnermut peqqussutaanni maleruagassatut aalajangersarneqarsimasut malillugit.
Imm. 4. Inuutissarsiutitigut tapersiisarnermi ataatsimiititaliaq imm. 1-imiit 3-mut tunngavigalugit konununet ingerlatsinerannut erseqqinnerusunik maleruagassaliorsinnaapput.

§ 5. Tapersiissutigineqarsimasut nakkutigineqarnissaat pillugit, tassunga ilanngullugu suliffeqarfiit taperserneqarsimasut nakkutigineqarnerat akiligassanillu kinguartitsigallartarnerannut tunngasutigut Aalisarnermut Suliffissuaqarnermullu Naalakkersuisoq aalajangersagaliortitsisinnaavoq.

 

Kapitali 2.
Tapersiinernut ernianut angissusiliussanut ernianullu tapiissutinut piumasarisat.

§ 6. Inuiaqatigiitsigut pisuussutitigullu aningaasaqarniarnikkut soqutigisat qularnaarniarlugit tapersiissutitut akuersissutigineqartunut piumasarisatut aalajangersarneqarsinnaavoq:
1) suliffeqarfiup silap pissusiisa ajornartinngisaannik ukiumut sivisunaarniarsaralugu ingerlanneqassasoq,
2) aalisariutit aalisarnerinnarmut atorneqassasut kalaallillu tunisassiorfiinuinnaq nunnigussisassallutik, erseqqivissumik pissutigssaqatillugu inuutissarsiutitigut tapersiisarnermi ataatsimiititaliaq allami akuersissuteqanngippat.
Imm. 2. Piginneqatigiiffinni tapersiiffigineqarsimasuni aktienik/anpartinik agguagarsissutissanillu inuit Kalaallit Nunaanni aalajangersimasumik najugaqartut kalaallinullu inuiaqatigiinnut aalajangersimasumik attuumassuteqartut kisimik pisussanngortitaasinnaapput nutaanillu pisisinnaatitaallutik.

§ 7. Tapersiissuteqarfigineqartut inuutissarsiutitigut tapersiisarnermi ataatsimiitialiap erseqqinnerusumik ilitsersuuteqarneratigut sulliviup ingerlaneranut nassuiaateqartussaapput.

§ 8. Pisarnertut taarsigassarsiat aammalu erniaqanngitsunik akilersugassaanngitsunillu taarsigassarsiat erniinnaq piffissamulluunniit kingusinnerusumut aalajangikkamut akilerneqartussanngortinneqassapput utertitassanngortinneqassallutilluunniit, qularnaveeqqusiissutit kiisalu ernianut tapiissutit atorunnaartussanngussallutik ataatsimiititaq pisartuni ataasiakkaani allamik aalajangigaqanngippat,
1) erniat akilersuutilluunniit ullormit akilerneqarfissaminniit qaammat ataaseq qaangerlugu akilerneqanngippata,
2) akiligassalik toquppat, pigisai pigisatut akiliisinnaajunnaarsimasutut pigisalluunniit akiitsuinik akisussaafigiumaneeruttutut naalakkersuisutigut suliarineqartussanngorpata,
3) pilersaarutit ikiorsiinermut akuerisat annertuumik allannguuteqartinneqarpata, tamatumuunakkulu pigisat iluaqutaasut siunertaliussamut atorneqanngippata,
4) nalilik qularnaveeqqusiussaq ajortinneqarpat paarinelugaappalluunniit, tassa aamma illuliat qularnaveeqqusiussap naleqassusianut annertuumik pingaarutillit isumannaatsumik qularnaveeqquteqartinnagit isaterneqarpata,
5) pigisap iluaqutigisap pisaarinera,pitsanngorsarnera iluarsarneraluunniit ikiorsiissuteqarfiusoq qularnaveeqqusiinermilluunniit angusaqaatigineqartoq tunineqarpat, attartorneqarpat qularnaveeqqusiunneqarpalluunniit,
6) qularnaveeqqusiussaq arsaarinnissutaappat imaluunniit pigisaq ilaqutissaq qularnaveeqqutissatut atorneqarsinnaasutut tiguneqarpat,
7) akiligassallip akiligassaqarfigisaq taassumaluunniit piginnaatitaa qularnaveeqqusiussamik misissuinaveersaartippagu,
8) akiligassallip § 7-imi aalajangersakkat naammassinngippagit imaluunniit inuutissarsiutitigut tapersiisarneq pillugu Inatsisartut peqqussutaat aamma nalunaarut manna unioqqutinneqarpata,
9) akiligassallip qularnaveeqqusiussap pisariaqarneratut sillimasigaasimanera kajumissaarneqarmigut eqqortumik oqaatiginngippagu.
Imm. 2. Aningaasaatit akilerneqartussanngorsimappata inuutissarsiutitigut tapersiisarnermi ataatsimiititaliap taarsigassarsiat tamakkerlugit akilerneqanngippata piumasarisinnaavaa qularnarveeqqusiussap pigiliunnissaa taamaaliornissaq taarsigassarsinermi isumaqatigiissummi isumaqatigiissutigineqarsimappat.
Imm. 3. Inuutissarsiutitigut tapersiisarnermi ataatsimiititaliap isumagissavaa qularnaveeqqusiussap arsaarinnissutaasup sapinngisamik ajunnginnerpaamik akilersillugu tunineqarnissaa, sinnisiassaajumaartullu taarsigassarsisumut pisussanulluunniit allanut tunniunneqassapput. Tunniunneqarnerannut atatillugu inuutissarsiutitigut tapersiisarnermi ataatsimiititaliaq pisinnaatitaavoq taarsigassarsisup akiligassaanik ajoqusernerit paarsinerluinermik peqquteqartut pitsanngorsarnissaat iluarsagassallu qularnaveeqqusiussap arsaarinnissutaasup pisortat piumasarisaannik atortuusunik naammassinninnissaanut pisariaqartut suliaritissallugit. Angallatip annertunerusumik iluarsarneqarnera tuninerani akigititanik nunap aningaasaateqarfiata pisassaanut atugassanik annerusunik nassataqassangatinnarpat  inuutissarsiutitigut ataatsimiititaliaq taamatut iluarsaatitsisinnaavoq taarsigassarsisup akiligassaanik. Tunineqarnerani akigineqartoq nunap aningaasaateqarfiata pisassaasa akilernissaannut naammanngippat akiitsut sinneri taarsigassarsisup akiligassarilissavai akiitsut taakkua ernialiunneqartullu akilereerserllugit.
Imm. 4. Inuutissarsiutitigut tapersiisarnermi ataatsimiititalliap imm. 3 naapertorlugu aalajanginngippagu qularnaveqqusiussaq akitsorterussinikkut tuniniarneqassaaq akigiumaneqartoq tigusaq akuerineqartussatut inuutissarsiutitigut tapersiisarnermi ataatsimiititaliap isumalioqqutigisaa taarsigassarsisumut saqqummiunneqassaaq, taannalu - akigiumasaq akuerisinnaanngikkuniuk - akigiumasanik allanik saqqummiussisinnaatitaavoq piffissap inuutissarsiutitigut tapersiisarnermi ataatsimiititaliap aalajangigaata ullormit akigiumasap taarsigassarsisumut oqaatigineqarneraniit pisarnertut qaammammik ataatsimik qaangiisussaanngitsup iluani. Inuutissarsiutitigut tapersiisarnermi ataatsimiititaliaq taava inaarutaasumik aalajangiissaaq akigiumasaq sorleq akuerineqassasoq.
Imm. 5. Taamaattorli pigisat uninngavissut tungaasigut akitsorterussinikkut tuninaanermi maleruagassatut aalajangersakkat akiligassallip, inuutissarsiutitigut tapersiisarnermi ataatsimiititaliap qularnaveeqqusiussamilluunniit pigisaqartut allat piumasaqarnerisigut atortinneqarsinnaapput.

§ 9. Ullut akiliiffisaat inuutissarsiutitigut tapersiisarnermi ataatsimiititaliiap aalajangertassaavai.

 

Erniat ernianullu tapiissutit .

§ 10. Inuutissarsiutitigut tapersiisarnermi ataatsimiititaliap taarsigassarsianut ataasiakkaanut erniaasussat ernianulluunniit tapiissutaasussat aalajangertassavai. Erniat ukiumut 4%-inik minnerusussanngorlugit aalajangerneqarsinnaanngillat.
Imm. 2. Taarsigassarsiat erniakitsut tamakkiisumilluunniit qularnaveeqqusiinerit annerpaamik ernianik tapiissuteqarfigineqartut tamatigoornerusumik aalisarnermi piniarnermillu inuutissarsiuteqartunut, uumasuuteqartunut inuutissarsiutinullu Kalaallit Nunaanni inuutissarsiornerup ineriartortinnissaanut pingaaruteqartunut neqeroorutigineqartassapput, inuutissarsiutitigut tapersiisarnermi ataatsimiititaliaq immikkut peqqutissaqartillugu erniaqqortunerusumik imaluunniit ernianut tapiissutikinnerusumik taarsigassarsisitsinissamut aalajangiisimangippat. Inuutissarsiutit allat taarsigassarsianik nalinginnaasumik niuernermi ernialinnik qularnaveeqqusiinernillu ernianut tapiissutitaqanngitsunik neqeroorfigineqartassapput.
Imm. 3. Nalinginnaasumik niuernermi erniaritinneqartoq ullormi akiliivissat tamaasa piffissamut akiliivissamut tulliuttumut Nationalbankip ernialiussaanit 1%-imik anninngorlugu aalajangerneqartassaaq.

§ 11. Taarsigassarsiassat neriorsuutigineqarneranni inuutissarsiutitigut tapersiisarnermi ataatsimiititaliap aalajangissavaa, ima ernianut aalajangiussaq piffissami erseqqinnerusumik aalajangikkamiinnaq atortuussasoq kingornalu aalajangersaqqitassanngortinneqassasoq, imaluunniit ernianut angissusiliussaq allineqarsinaajumaartoq inuutissarsiutitigut tapersiisarnermi ataatsimiititaliaq isumaqarpat millisamik ernialimmik taarsigassarsisitsineq tunngavissaaruttoq.

§ 12. Taarsigassarsisitsisarfimmi namminersortut ingerlassaanni taarsigassarsiat akiligassarsialluunni.it ernianut tapiissuteqarfigineqarpata taarsigassarsiat  akiligassarsialluunniit tunniunneqassapput erniat taarsigassarsisitsisarfiup taarsigassarsisitsinerani atuuttut atorlugit, tassunga ilanngullugu niueqatigiinnermi akissarsiarititaq.
Imm. 2. Allisarnermut Suliffissuaqarnermullu Naalakkersuisup qanoq ilisukkulluunniit erniat tapiissuteqaataasinnaatitaasut annerpaaffissaat aalajangersinnaavaa.
Imm. 3. Ernianut tapiissutit annerpaamik tassaassapput taarsigassarsianut akiligassarsianulluunniit erniassaatitat niueqatigiinnermi akissarsiarititallit ilaat akiitsut qanoq ilisukkulluunniit sinnera 4%-iinik sippuissutaasut.

§ 13. Taarsigassarsianut akiligassarsianulluunniit qularnaveequserneqartunut atasumik ernianut tapiissuteqarnissamik neriorsuisoqarpat ernianut tapiissutinut atugassaatitat aalajangerneqassapput § 11-mi maleruagassat naapertorlugit.
Imm. 2. Ernianut tapiissutit annerpaamik akuersissutigineqarsinnaapput piffissamut qularnaveeqqusiinerup atuuffigisaata naligisaanut.

 

Kapitali 3.
Ikiorsiisarnermi suliassat ataatsiakkaat suliarineqarneranni periaaseq

§ 14. Inuutissarsiutitigut tapersiisarfimmit taarsigassarsinissamut taarsigassarsinermi qularnaveeqquserneqarnissamut imaluunniit akiligassarsisitsisarfinni   namminersortut ingerlataanni ingerlatsinermut atugassanik akiligassarsinissamut qinnuteqaatit immersugassanut  kommunep allaffiani pineqarsinnaasunut immersorlugit koiranunalbestyrelsemut tunniunneqassapput. Qinnuteqaat tassungalu ilanngussassat ilanngullugit piaarnerpaamik inuutissarsiutitigut tapersiisarfimmut nassiunneqarnissaat kommunalbestyrelsep isumagissavaa. Taarsigassarsinermi qularnaveeqquserneqarnissamut imaluunniit ingerlatsinermi akiligassarsinissamuinnaq imaluunniit inuutissarsiutitigut taperserneqarnissamik qinnuteqartoqartillugu kommunalbestyrelsep qinnuteqaatip assinga aningaasaateqarfimmut qinnuteqartup taarsigassarsiffianut taarsigassarsinermi akiligassarsinermiluunniit qularnaveeqqusiiffiusumut nassiutissavaa. Kommunalbestyrelse qinnuteqaammut oqaaseqaateqassaaq qinnuteqaatip nassiunneqarnerani imaluunniit kinguninngua. Inuutissarsiutitigut tapersiisarnermi ataatsimitiitaliap unnersuussuteqarneratigut kommunalbesturelse aama oqaaseqaatinik allanik ilassutitulluunniit paasissutsissanik il.il. pissarsiniartinneqarsinnaavoq.
Imm. 2. Immikkut pissutissaqartillugu qinnutigisaq nalunaarasuartaatikkoortinneqarsinnaavoq.
Imm. 3. Akiliinissamik kinguartitsinissamik qinnuteqaatit taarsigassarsianullu akuersissutigineqarsimasunut piumasarisanut allanngortitsinissanut allanut qinnuteqaatit aamma taamatut qularnaveeqqusiinernut imm. 1-imi imm. 2-milu aalajangersakkat naapertorlugit nassiunneqartassapput.

§ 15. Ernianut tapiissutit qinnutigineqassapput taarsigassarsisitsisarfinni namminersortut ingerlassanni taarsigassarsiat akiligassarsialluunniit qularnaveeqqusernissaannik qinnuteqaammut ilanngullugit, aamma taamatut § 14-imi maleruagassatut aalajangersakkat naapertorlugit.

§ 16. Ikiorsiinissap neriorsuutigineqannginnerani ataatsimiititaliap qularnaaqqaassavaa aningaasanik qinnuteqartup atugassaanik siunertamut tapersiiffigeqquneqartumut atugassaqarnersoq.
Imm. 2. Ataatsimiititaliap qularnaassavaa nammineq aallaqqaasiussat tapersiissutillu siunertamut atorneqarnissaat uppernarsaaserlugu aatsaat aningaasat tunniunneqarnissaat.
Imm. 3. Immikkut peqqutissaqartillugu ataatsimiititaliap akuersineratigut qinnuteqartoq nammineq sulinermik aallaqqaasiissuteqarsinnaavoq.
Imm. 4. Ikiorsiineqannginnerani ataatsimiititaliap paasiniassavaa naalakkersuisutigut pisortanit pisariaqartut akuersissutigineqarsimanersut.
Imm. 5. Taarsigassarsisitsisarfiup namminersortunit ingerlanneqartup Namminersornerullutik Oqartussanit qularnaveeqqusikkamik taarsigassarsisitsisup isumagissavaa patsisissaatitat iiran. 1-imi 2-milu taaneqartut eqqortinneqassammata.

§ 17. Qinnuteqartumut tapersiinissamik inuutissarsiutitigut tapersiisarnermi ataatsimiititaliaq neriorsueqqaarsimatinnagu angallatinik, maskiinanik il.il. pisaarsimasunut illulianilluunniit aallarneereersunut immikkut peqqutissaqartillugu aatsaat ataatsimiititaliaq  tapersiisinnaavoq.

§ 18. Iluaqusersuutissanik siunertanut taarsigassarsiat isumannaallisinneqassapput sapinngisamik pigisat iluaqutissat pisaarineri, pitsanngorsarneri il.il ikiorsiivigisaasut qularnaveeqqusiunnerisigut. Ataatsimiititaliaq isumaqaruni qularnaveeqqusiissuteqarneq taanna nammanngitsoq taarsigassarsiat taakku ataatsimiititaliap isumannaallisinniartariaqarpai pigisat uninngavissut, pappiaqqat aningaasanik nalillit, qularnaveeqqusiunnerisigut, akiliussisussamaasiinikkut allatulluunniit isumannanngitsumik qularnaveeqqusiinikkut.
Imm. 2. Taarsigassarsiat sapinngisamik killeqartinniarneqassapput annerpaamik killissat peqqussummi aalajangersakkat iluanni taarsigassarsiaasinnaasut tamarmiusut ilaannaannut annertussuseqartussanngorlugit.

§ 19. Taarsigassarsiat nalinginnaasumik naafferartumik tunniunneqartassapput naafferartumik tunniussinerit tamaasa pisariaqarneratut qularnaveeqqusiissutissaqartuartillugit.
Imm. 2. Ernianut tapiissutit taarsigassarsisarfimmut taarsigassarsisitsisuusumut tunniunneqartassapput maleruagassat taarsigassarsisitsisarfinnik namminersortunit   ingerlanneqartunik isumaqatigiissuteqarnikkut aalajangersakkat naapertorlugit. Maleruagassat Aalisarnermut Suliffissuaqaqarnermullu Naalakkersuisumit akuerineqartussaapput.

§ 20. Sanaartornermut ingerlatsinermullu taarsigassarsianut qularnaveeqqutissat § 18-imitulli maleruagassat malillugit isumannaallisinneqqartassapput.
Imm. 2. Ingerlatsinermut taarsigassarsianik akiligassarsianillu immikkut isumannaallisaasiinani qularnaveeqqusiissutigineqarsinnaapput sulliviup qanoq ittuuneranik Kalaallit Nunaanni inuutissarsiutit ineriartotitaaneranut pingaarutaanik, taarsigassarsisup allatigut tatiginassusianik inuutissarsiutitigullu tapersiisarnermi ataatsimiititaliap sullivimmut akuliussimanerata annertussusianik qqnoq issusersiuinerup qunussutigisariaarutsippassuk, aamma sulliviup aningaasaateqarneranik qanoq issusersiuinermi ilimanarsisinneqarpat siunissami inuutissarsiutitigut tapersiisarfimmut akiligassaqaatini eqqortissinnaajumaarai.

§ 21. Qularnaveeqqusiineqartassaaq nammineq akiligassalittut akiliussisussamaasiinermik.

§ 22. Qularnaveeqqusiinissami inuutissarsiutitigut tapersiisarnermi ataatsimiititaliap qularnaassavai,
1 ) sulliviup qularnaveeqqusiissutinik iluaqutissinneqartup akillugu tamakkiisumik piumasaqarfigissamaarnissaa,
2) qularnaveeqqusiussat atortittariaqalissappata ataatsimiititaliap taarsigassarsianut qularnaveeqqusiussamik pisussaalersinnaanissaa,
3) taarsigassarsianut piumasarisat eqqortinneqanngippata ataatsimiititaliap taarsigassarsianik akilerneqartussanngortitsisinnaanissaa,
4) taarsigassarsiat qularnaveeqqusikkat qularnaveeqqusiinermut pantebrevinik imaluunniit akiitsut allagartaannik tunineqarsinnaasunik allanik uppernarsaasigaanissaat.

 

Kapitali 4.
Ikaarsaariarnermi atortuulerneranillu aalajangersakkat.

§ 23. Maleruagassat maannamut atuuttut naapertorlugit taarsigassarsiaritinneqartut tapersiissutigineqartullu allat ataatsimiititaliamit siulersorneqassapput piumasarineqartut taarsigassarsisitsinermi aalajangersakkat naapertorlugit. Ataatsimiititaliarli aalajangiisinnaavoq nalunaarutip matuma atuutsinneqarnissaanik taanna taarsigassarsianut tapiissutinullu akuersissutigineqareersimasunut atuutissasoq, tapersiiffigineqarsimasumut taamaaliorneq iluaqutaasussaappat.

§ 24. Inuutissarsiutitigut tapersiisarneq pillugu manna tikillugi maleruagassat atuuttut malillugit kaajallaasitarititaasut il.il. atuutiinnassapput, inatsisartut peqqussutaat nr. 4 20. november 1984-imeersoq imaluunniit nalunaarut manna naapertorlugu allanngortinneqarnissaat tikillugu.

§ 25. Nalunaarut manna atortuulerpoq 1. januar 1985.

Nuuk, ulloq 12. december 1984.

Lars Emil Johansen

/

Emil Abelsen