Ukiumoortumik naatsorsuutit pillugit inatsimmi, kunngip peqqussutaa nr. 625, 23. juni 2008-meersukkut Kalaallit Nunaannut atuutsinneqalersumi, kunngip peqqussutaa nr. 487, 15. maj 2018-imeersukkut allanngortinneqartumi § 137, imm. 4, aamma § 164, imm. 4 naapertorlugit aalajangersarneqarpoq: 

Atorneqarfia il.il.

§ 1. Nalunaarut suliffeqarfinnut, ukiumoortumik naatsorsuutit pillugit inatsimmut, kunngip peqqussutaatigut Kalaallit Nunaannut atuutsinneqalersumut ilaasunut atorneqassaaq, tak. inatsimmi tassani § 1, taakku nunani tamalaani naatsorsuuserinermut pitsaassusiliussat atorneqarnissaat pillugu Rådip peqqussutaa malillugu nunani tamalaani naatsorsuuserinermut pitsaassusiliussat EUKommissionip akuersissutigisai aamma ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 137 malillugit ukiumoortumik imaluunniit piginneqatigiiffissuarmut naatsorsuusiortarpata. 

§ 2. Ukiumoortumik naatsorsuutit pillugit inatsimmi aalajangersakkani pissutsit nunani tamalaani naatsorsuuserinermut pitsaassusiliussani EU-kommissionimit akuersissutigineqartuni assigiissut maleruagassaqartitaappata, suliffeqarfiit § 1-imi taaneqartut inatsimmi aalajangersakkat pinnagit pitsaassusiliussat atussavaat. Tamatuma saniatigut ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi aalajangersakkat suliffeqarfinnut taakkununnga atuutissapput pisariaqartitamik tulluarsarnertalerlugit, tak. inatsimmi § 137, imm. 3, nalunaarullu manna. 

§ 3. Ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi aalajangersakkat suliffeqarfimmit atorneqassatillugit, suliffeqarfiup minnerpaamik naatsorsuuserinermi klassiliussaq, suliffeqarfiup inatsimmi § 7 malillugu ilaaffigisaminut aalajangersakkat malissavai. 

Imm. 2. Ukiumoortumik nalunaarusiap imarisassat EU-Kommissionip nunani tamalaani naatsorsuuserinermut pitsaassusiliussani piumasaqaatigalugit akuersissutigisimasaasa saniatigut naatsorsuuserinermi klassiliussanut ataasiakkaanut tamanut imarisassaatitaasut minnerpaamik imarissavai, tak. ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 18, oqaaseqatigiit siulliit aamma aappaat, § 22, imm. 1, oqaaseqatigiit siulliit aamma aappaat, § 78, imm. 1 aamma 2, aamma § 102, imm. 1 aamma 2. 

Ilanngullugu naatsorsuineq, naliliineq kiisalu paasissutissiinissamut piumasaqaatit aalajangersimasut 

§ 4. Ilanngullugu naatsorsuinermi, naliliinermi kiisalu paasissutissiinissamut piumasaqaatini aalajangersimasuni ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 16-imi, § 17, imm. 1, oqaaseqatigiit aappaanni pingajuannilu, § 19, imm. 2-4-mi, § 20, imm. 1-imi, § 21, imm. 1 aamma 2-mi, § 22, imm. 3-mi, §§ 23-67 a-mi, § 69, imm. 3-mi, § 78, imm. 7-imi, §§ 80-87, imm. 1-imi, §§ 87 a - 94-imi, §§ 94 b-95 a-mi, § 96, imm. 1-imi, § 97-imi, § 98 a-mi, § 98 c-mi, § 98 d-mi, § 103-mi, § 113, imm. 4, oqaaseqatigiinni siullerni pingajuannilu, §§ 114 aamma 115-imi, § 116, imm. 2-mi, §§ 117-125-mi, § 126, imm. 4, 5 aamma 7-imi, § 127, imm. 2, nr. 3-mi aalajangersakkat kiisalu inatsimmut ilanngussaq 2-mi inissitsiterinermut immersugassat atornagit, nunani tamalaani  naatsorsuuserinermut pitsaassusiliussanut EU-Kommissionip akuersissutigisaani aalajangersakkat atorneqassapput.

Imm. 2. Aalajangersakkat imm. 1-imi taaneqartut eqqaassanngikkaanni, ukiumoortumik naatsorsuutit pillugit inatsit, kunngip peqqussutaatigut Kalaallit Nunaannut atuutsinneqalersoq, pisariaqartitanik tulluarsarnertalerlugu atorneqassaaq. Ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi aalajangersagaq, suliffeqarfiup kingorna malittussaasaa aalajangersakkamut imm. 1-imi ilaasumut innersuutitaqarpat, aalajangersagaq tulluarsarnertalimmik atorneqassaaq, taamaasilluni innersuussineq nunani tamalaani naatsorsuuserinermut pitsaassusiliussani aalajangersakkamik imaluunniit aalajangersakkanik EUKommissionimit akuersissutigineqartunit, pissutsinik pineqartunik maleruagassaqartitsisunik taarserneqarluni, taamaattoq tak. § 5, imm. 1.

§ 5. Uanset § 4 apeqqutaatinnagu, suliffeqarfiit akunnattumik angissusillit, naatsorsuuterinermi klassi C-mut ilaasut kaaviiaartitat ilanngaaseriikkat ukiunut tallimanut takussutissiamut ilanngutinngissinnaavaat, tak. ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 101, imm. 1, nr. 1, aamma imm. 2, oqaaseqatigiit aappaat, aamma inatsimmi § 32 naapertorlugu.

Imm. 2. Naatsorsuuserinermut pitsaassusiliussanik EU-Kommissionimit akuersissutigineqartunik atuinermi, ukiunut tallimanut takussutissiami kisitsisit pingaarnerit aalajangiisullu tulluarsarneqarnissaat piumasaqaataanngilaq, tak. ukiumoortumik naatsorsuutit pillugit inatsimmi, kunngip peqqussutaatigut atuutsinneqalersumi § 101, imm. 1, pitsaassusiliussani taaneqartuni tamatumunnga piumasaqaatit ilanngullugit. Taamaappat kisitsisit assersuutaasut tulluarsarneqanngippata ukiunut tallimanut takussutissiamut atatillugu tamanna eqqaaneqassaaq, naatsorsuusereriaatsimik allannguineq kisitsisinut assersuutaasunut tamanna qanoq sunniuteqarsimanersoq eqqartorneqarluni.

Eqqortumik takutitsinissamut il.il. tunngaviusumik piumasaqaatit kiisalu nassuiaatit

§ 6. Eqqortumik takutitsinissamut il.il. tunngaviusumik §§ 11-13-imi piumasaqaatit, kiisalu ukiumoortumik naatsorsuutit pillugit inatsimmut, kunngip peqqussutaatigut Kalaallit Nunaannut atuutsinneqalersumut ilanngussaq 1-imi nassuiaatit, aalajangersakkanut suliffeqarfiit inatsit malillugu malittussaasaannut atorneqassapput. Tunngaviusumik piumasaqaatit nassuiaatillu assigisaat nunani tamalaani naatsorsuuserinermut pitsaassusiliussani EU-Kommissionip akuersissutigisimasaanniittut, aalajangersakkani suliffeqarfiit pitsaassusiliussani taaneqartuni malittussaasaanni atorneqassapput.

Pissamaatinik aalaakkaatitsineq

§ 7. Ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 41, imm. 3-mi, aamma § 43 a, imm. 5-imi pissamaatinik aalaakkaatitsineq pillugu aalajangersakkat qummut naleqqussaanernut naleqarnerulersitsinernullu assigisaanik atorneqassapput, taakku nunani tamalaani naatsorsuuserinermut pitsaassusiliussat, EUKommissionip akuersissutigisimasaani aalajangersakkat malillugit suliarineqarsimappata.

Imm. 2. Naliliutinik qummut naleqqussaanernut naleqarnerulersitsinernullu allanut imaluunniit pisussaaffinnik ammut naleqqussaanernut aamma nalikilliliinernut allanut nunani tamalaani naatsorsuuserinermut pitsaassusiliussat EU-kommissionimit akuersissutigineqartut malillugit suliarineqartunut, ukiumoortumik naatsorsuutit pillugit inatsit, kunngip peqqussutaatigut Kalaallit Nunaannut atuutsinneqalersor malillugu inerteqqutaasunut, inatsimmi § 41, imm. 3 assigisaanik atorneqassaaq.

Imm. 3. Ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 35 a-mi, § 35 b, imm. 2 aamma 3-mi, § 35 c kiisalu § 83, imm. 2-mi aalajangersakkat assigisaanik atorneqassapput.

Imm. 4. Piginneqatigiiffissuarmut naatsorsuutit suliarineqarneranni imm. 1-3 atorneqassanngillat.

Piginneqatigiiffissuarmut naatsorsuutit saqqummiunnissaannut pisussaaffik

§ 8. Ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi aalajangersakkat nassuiaatillu, suliffeqarfiup piginneqatigiiffissuarmut naatsorsuutinik suliarinninnissamik pisussaaffeqarnerata aalajangernissaanut atorneqassapput.

Imm. 2. Nunani tamalaani naatsorsuuserinermut pitsaassusiliussat EU-Kommissionimit akuersissutigineqartut, suliffeqarfiit sorliit akiliisinnaassuseqalernissamut pisussaaffeqarnerisa aalajangernissaannut atorneqassapput.

Kattunneq avissaarnerlu

§ 9. Suliffeqarfiit kattunnerinut avissaarnerinulluunniit atatillugu naatsorsuusinermi uppernarsaatitut allakkianik suliarinninnermut atatillugu ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi §§ 129 aamma 130-mi aalajangersakkat atorneqassapput, inatsisit malillugit imaluunniit isumaqatigiissuteqarnikkut kattunnermut avissaarnermullu atatillugu naatsorsuuserinermut uppernarsaatitut allakkiat suliarineqanngippata. Uppernarsaatitulli allakkiani taakkunanani naliliutit pisussaaffiillu ataasiakkaat ilanngullugit naatsorsornerini nalilersornerinilu nunani tamalaani naatsorsuuserinermut pitsaassusiliussat EU-Kommissionimit akuersissutigineqartut atorneqassapput. Aammattaaq ukiumoortumik nalunaarusiap suliarineqarnissaa siunertaralugu tigusinermut oqimaaqatigiissitsinerup suliarineqarnerani oqaaseqatigiit aappaanni pitsaassusiliussat taaneqartut assigisaanik atorneqassapput.

Pineqaatissiinerit

§ 10. Nalunaarummik matuminnga unioqqutitsinermi akiliisitsineq eqqartuussutigineqassaaq, Kalaallit Nunaanni pinerluttulerinermut inatsit malillugu allamik pineqaatissinneqarluni pisuutitaasimanngikkaanni.

Imm. 2. Aktianik piginneqatigiiffik, piginneqatigiiffik, andelsselskabi assigisaaluunniit (inatsisigut pisinnaatitaasut pisussaatitaasullu) unioqqutitsisuuppata, piginneqatigiiffik pineqartoq akiliisitaanermut taamatut ittumut akisussaatitaasinnaapput.

Atuutilerfia

§ 11. Nalunaarut ulloq 1. juli 2018 atuutilerpoq.

Imm. 2. Nalunaarut ukiumut naatsorsuiffiusumut 1. juli 2018-imi kingusinnerusukulluunniit aallartittumut sunniuteqarpoq.

Imm. 3. Suliffeqarfiit ukiumoortumik naatsorsuutit pillugit inatsimmut ilaasut nunani tamalaani naatsorsuuserinermut pitsaassusiliussanik atuinissaat pillugu Kalallit Nunaannut nalunaarut (IFRS-imik nalunaarut) nr. 776 af 10. juli 2008-meersoq atorunnaarsinneqarpoq.

Erhvervsstyrelsi, ulloq 29. maj 2018

HENNING STEENSIG

/ Henrik Davidsen