Peqqinnissaqarfiup iluani napparsimasut naammagittaalliuuteqarsinnaanerat taarsiiffigineqarsinnaanerallu pillugit Inatsisartut Inatsisaanni nr. 50, 25. novembari 2024-meersumi § 15, imm. 7 aamma § 16, imm. 4 naapertorlugit aalajangersarneqarpoq:

Nammineq akiliummik aalajangersaaneq

  § 1.  Nammineq akiliut, peqqinnissaqarfiup iluani napparsimasut naammagittaalliuuteqarsinnaanerat taarsiiffigineqarsinnaanerallu pillugit Inatsisartut Inatsisaanni § 15, imm. 2 naapertorlugu taarsiissutinit ilanngaatigineqartussaq 9.360 kr.-uvoq.

Meeqqamik annaasaqarnermi ajunngitsorsiassat aningaasartaasa amerlassusiinik aalajangersaaneq

  § 2.  Peqqinnissaqarfiup iluani napparsimasut naammagittaalliuuteqarsinnaanerat taarsiiffigineqarsinnaanerallu pillugit Inatsisartut Inatsisaanni § 16 naapertorlugu meeqqamut toqusumut angajoqqaatut oqartussaassusilinnut ajunngitsorsiassaritinneqartut 500.000 kr.-upput.

Atuutilersitsinermut atorunnaarsitsinermullu aalajangersakkat

  § 3.  Nalunaarut 21. marsip 2026-mi atuutilerpoq.

  Imm. 2.  Tamanna ilutigalugu Peqqinnissaqarfiup iluani napparsimasut naammagittaalliuuteqarsinnaanerannut taarsiiffigineqarsinnaanerannullu atatillugu aningaasat amerlassusissaasa ilaat pillugit Namminersorlutik Oqartussat nalunaarutaat nr. 17 ulloq 5. februaari 2025-meersoq atorunnaarsinneqarpoq.

Namminersorlutik Oqartussat, ulloq 20. marsip 2026

Anna Wangenheim (atsior.)

Peqqissutsimut inunnullu Innarluutilinnut Naalakkersuisoq

/Aka Olesen (atsior.)