§ 1

Namminersorlutik Oqartussat nalunaarutaat nr. 63, 24. september 2025-meersoq naapertorlugu tusagassiorfinnut tapiissuteqartarneq pillugu Inatsisartut inatsisaanni makku allanngortinneqarput:

1. § 1 ima oqaasertalerneqassaaq:

”  § 1.  Naalakkersuisut aningaasanut inatsimmi aningaasaliissutit aalajangersarneqartut iluini tamannalu pillugu nuna tamakkerlugu nutaarsiassanik tusagassiorfinnut ukiumoortumik ingerlatsinermut tapiissutit aqqutigalugit tusagassiorfinnut tapiissuteqarsinnaapput, tassanilu paasissutissat inuiaqatigiinnut tunngassutillit, tamat oqartussaaqataaneranni oqallinnerit tusagassiortuunermilu tamatigoortuusoqarnissaanut ingerlatitseqqittarnerup siuarsaaffiginissaa siunertaavoq.

  Imm. 2.  Ingerlatsinermut tapiissutit imatut paasineqassapput ingerlaavartumik ingerlatsinermi aningaasartuutinut, tassunga ilanngullugit sulisunut ininullu aningaasartuutinut, nalinginnaasumik aallakaatitassiornermut tapiissutit.

  Imm. 3.  Imm. 1 naapertorlugu nutaarsiassanik tusagassiorfittut isigineqarput aviisit, saqqummersitat aviisinut assingusinnaasut, sulisunut saqqummersitat kiisalu nutaarsiassanik tusagassiorfiit allat attaveqartarfiit digitaliusut, soorlu internet, oqarasuaat angallattagaq, tabletsit allallu, aqqutigalugit kalaallinut tusarnaartartunut ingerlateqqinneqartartut.

  Imm. 4.  Tusagassiorfinnut tapiissutit Radiukkut tv-kkullu aallakaatitsisarneq pillugu Inatsisartut Inatsisaannut ilaasunut tusagassiorfinnut tapiissutigineqarneq ajorput.”

2. § 2 ima oqaasertalerneqassaaq:

” § 2. Nutaarsiassanik tusagassiorfinnut namminersortunut arlaannaannulluunniit  atassuteqanngitsunut, imarisanik kalaallinut atuartartunut aaqqissuisartunut taamaallaat tapiissuteqartoqarsinnaavoq.

  Imm. 2.  Nutaarsiassanik tusagassiorfittut namminersortutut isigineqassaaq:

1)  namminerisaminik aaqqissuisutut pisortaqarpat, 

2)  namminerisaminik saqqummersitanik imaluunniit atuisunik nalunaarsuisinnaappat, aamma

3) tusagassiuut immikkut pisartagaasinnaappat.

  Imm. 3.  Tusagassiorfik arlaannaannulluunniit attuumassuteqanngitsutut isigineqassanngilaq:

1) Pisortani oqartussanit, suliffeqarfinnit imaluunniit ingerlatseqatigiiffinnit pisortanit aningaasalersorneqartunit assigisaannilluunniit tamakkiisumik ilaannakortumilluunniit pigineqarpat imaluunniit

2) tusagassiorfiup minnerpaamik affaa sulisitsisunit, sulisartunit, inuussutissarsiortut soqutigisaqaqatigiilluunniit kattuffiannit pigineqarpat, matumani ilanngullugit politikikkut partiit.”

3. § 16, imm. 1, nr. 7, imatut oqaasertalerneqassaaq:

“7)  tusagassiuut minnerpaamik qaammammut ataasiarluni nuna tamakkerlugu saqqummertassaaq, imaluunniit internetikkut tusagassiuut matumani pineqarsimappat ullut tamaasa nutarterneqartassalluni.”

§ 2

Inatsisartut inatsisaat ullormi 1. januar 2027 atuutilissaaq.

Namminersorlutik Oqartussat, ulloq 12. juuni 2026

Jens-Frederik Nielsen (atsior.)

Naalakkersuisut Siulittaasuat